Тәгаүдә чыхмаг— фәалијјәти артырмаг үчүн ҝениш гапыдырмы?
1 Узун мүддәт ағыр ишдә чалышан инсанлар тәгаүдә чыхаҹаглары вә нәһајәт истираһәт едәҹәкләри вахты ҝөзләјирләр. Лакин чох вахт тәгаүдә чыхдыгдан сонра онлар лагејдлијә, сыхынтыја гапылыр вә вахтындан әввәл гоҹалырлар. Әҝәр инсан һансыса мәгсәдјөнлү фәалијјәтлә мәшғул олмурса, өзү барәдә һәддиндән артыг нараһат олмаға башлајыр. Бразилијада дәрҹ олунан бир гәзетдә јазылырды ки, тәгаүдә чыхан һөкумәт ишчиләри “наразылыг, сәбирсизлик, горху, ҝәрәксизлик һиссләриндән вә депрессијадан шикајәт едирләр. Онлар һисс едирләр ки, һәјатларынын мә’насыны итирмишләр”.
2 Бунун әксинә олараг, бир чох мәсиһчиләр һесаб едирләр ки, тәгаүдә чыхмагла онларын гаршысында ҝениш руһани фәалијјәт үчүн гапы ачылыр. 65 јашы тамам олдугдан ики һәфтә сонра пионер хидмәти ҝөтүрән бир гардаш дејир: “Ону демәлијәм ки, һәјатымда, пионер кими хидмәт етдијим сон 10 ил әрзиндә алдығым хејир-дуалар гәдәр хејир-дуаларым олмајыб”. Бир әр-арвад јазыр: “Гоҹалыг дөврүндә јашадығымыз ән ҝөзәл илләр, пионер хидмәти ҝөтүрдүкдән сонра башлады”. Бәли, чохлары үчүн тәгаүдә чыхмаг — хидмәтләрини ҝенишләндирмәк вә Јеһовадан бол-бол хејир-дуалар алмаг үчүн ҝөзәл имкандыр.
3 Мәшғул вә мәһсулдар олмаға давам един. Тәгаүдчүләрин бир чоху һәјатын ағры-аҹыларыны ҝөрмүш, еркән чағларындан ағыр әмәк чәкмәјә алышмыш инсанлардыр. Еһтимал ки, ҝәнҹләрдәки гәдәр енержиләри олмаса да, онлар Јеһоваја һәлә дә мәһсулдар ишчиләр кими хидмәт едә билирләр. Бир филиалын нәздиндә олан саһәдәки пионерләрин 22 фаизинин — тәхминән 20 000 баҹы вә гардашын 60-дан артыг јашы вар. Бу ишҝүзарлар тәблиғ хидмәтиндә олдугҹа бөјүк иш ҝөрүрләр, онларын тәҹрүбәси вә мәсиһчи кејфијјәтләри исә, хидмәт етдикләри јығынҹаглары зәнҝинләшдирир (Јаг. 3:17, 18).
4 Даима мәсиһчи хидмәти илә мәшғул олмаг, сағламлығы мөһкәмләдир вә һәјаты даһа мә’налы едир. Тәгаүдә чыхан кими пионер хидмәтинә башлајан 84 јашлы бир баҹы дејир: “Чохлу Мүгәддәс Китаб өјрәнмәләрим вар, бу исә мәнә әгли ҹәһәтдән фәал галмаға көмәк едир. Машыным јохдур, буна ҝөрә дә пијада чох ҝәзирәм. Беләликлә дә сағламлығымы горујурам”. Пионер хидмәти едән јашлы бир әр-арвад дејир: “Хидмәт бизим әгли вә физики ҹәһәтдән сағлам галмағымыза көмәк едир. Биз һәмишә бир јердәјик. Чох ҝүлүрүк вә һәјатдан зөвг алырыг”.
5 Тәләбат олан јердә хидмәт етмәк. Мадди имканлары јол верән бә’зи мәсиһчиләр тәгаүдә чыхдыгдан сонра, Падшаһлығын тәблиғчиләринә даһа чох тәләбат олан јерләрә көчмүшләр. Диҝәрләри исә, әҹнәби дилли саһәдә хидмәт етмәклә хидмәтләрини ҝенишләндирмишләр. Һәвари Павел кими, бу чалышган тәблиғчиләр ‘һәр шеји Мүждә үчүн едирләр ки, онун не’мәтләринә шәрик олсунлар’ (1 Кор. 9:23, И–93).
6 Бир әр-арвад ики оғулларыны бөјүтдүкдән сонра пионер хидмәтинә башламаг гәрарына ҝәлмишләр. Бир нечә илдән сонра онлар Чин дили өјрәнмәјә башламышлар. Һал-һазырда онларын 70-дән чох јашлары вар. Бу јахынларда онлара, вахтилә әмәкдашлыг етдикләри Чин дилли групун јығынҹаға чеврилдијини ҝөрмәк нәсиб олмушдур. Бу ҹүр әр-арвадлар јығынҹаглар үчүн әсл мә’нада хејир-дуадырлар!
7 Јеһоваја хидмәтдән тәгаүдә чыхмаг истәмирик. Инсанларын чоху әввәл-ахыр тәгаүдә чыхдыглары һалда, мәсиһчиләр Аллаһа хидмәтдән тәгаүдә чыхмаг нијјәтиндә дејилләр. Һамымыза “ахыра гәдәр” садиг галмаг ваҹибдир (Мат. 24:13, 14). Ајдындыр ки, илләр кечдикҹә бә’зиләри Јеһоваја хидмәтдә әввәлки гәдәр едә билмирләр. Лакин баҹардыгларыны үрәкдән етдикләрини ҝөрмәк неҹә дә севиндириҹидир! Аллаһын Кәламы әмин едир ки, Јеһова онларын Онун ады наминә чәкдикләри әмәји вә ҝөстәрдикләри мәһәббәти унутмајаҹагдыр (Лука 21:1-4; Ибр. 6:10).
8 Әҝәр тәгаүдә чыхмаг вахты јахынлашырса, нәјә ҝөрә гаршында ачылан имканлары даһа сәмәрәли истифадә етмәк барәсиндә дуа едәрәк, ҝөтүр-гој етмәјәсән? Тәгаүдә чыхдыгдан сонра гаршында Јеһоваја иззәт, сәнә исә чохлу хејир-дуа ҝәтирән ҝениш фәалијјәт үчүн ачылан гапыны ҝөрмәкдә О сәнә көмәк едәҹәкдир (Мәз. 148:12, 13).