Ҝәнҹләр, ҝәләҹәк үчүн јахшы тәмәл гојун
1. Ҝәнҹ мәсиһчиләр ҝүҹлү иманы нәјә ҝөрә инкишаф етдирмәлидирләр?
1 Һәјатда сәнин үчүн ән ваҹиб олан шеј нәдир? Адәтән сән нә һагда дүшүнүрсән? Сәнин диггәтин бу дүнјанын тәклиф етдији шејләрә, јохса ҝәләҹәјә вә Аллаһын вә’дләринә јөнәлиб? (Мат. 6:24, 31-33; Лука 8:14) Ибраһимин вә Мусанын нүмунәсиндән ҝөрүндүјү кими, Аллаһын вә’дләри илә јашамаг үчүн инсан ҝүҹлү имана малик олмалыдыр (Ибр. 11:8-10, 24-26). Сән бу ҹүр иманы неҹә инкишаф етдирә вә “ҝәләҹәк үчүн јахшы тәмәл” гоја биләрсән? (1 Тим. 6:19).
2. Падшаһ Јошијанын нүмунәсиндән биз нәјә өјрәнирик?
2 Јеһованы ахтар. Әҝәр сән аилә үзвләринлә бирликдә руһани ишләр графикинә риајәт едирсәнсә, бу, тә’рифәлајигдир. Лакин елә дүшүнмә ки, јалныз бунун сајәсиндә сәндә ҝүҹлү иман јаранаҹаг. “Аллаһ билијини” тапмаг үчүн сән шәхсән өзүн Јеһованы ахтармалысан (Сүл. мәс. 2:3-5; 1 Тарих. 28:9). Ҝәнҹ падшаһ Јошија мәһз белә давранырды. Руһани ҹәһәтдән чох пис шәраитдә бөјүмәсинә бахмајараг, 15 јашында оларкән о, “атасы Давудун Аллаһыны арамаға башлады” (2 Тарих. 34:3).
3. Бу ҝүн ҝәнҹ мәсиһчиләр Јеһованы неҹә ахтара биләрләр?
3 Сән Јеһованы неҹә ахтара биләрсән? Нәјә инандығыны диггәтлә арашдырараг вә бунун доғрудан да һәгигәт олдуғуну “дәрк едәрәк” (Ром. 12:2). Мисал үчүн, Мүгәддәс Китабда ган һаггында дејиләнләри изаһ едә вә ја 1914-ҹү илдә Аллаһын Падшаһлығынын ҝөјдә һөкмранлыг етмәјә башладығыны сүбут едә биләрсәнми? Ҝәләҹәк үчүн јахшы тәмәлин әсас һиссәси ‘һәгигәти дәрк етмәкдир’ (1 Тим. 2:3, 4).
4. Вәфтиз олунмамыш тәблиғчиләр неҹә едә биләрләр ки, тәрәггиләри һамыја ашкар олсун?
4 Јошијанын Аллаһы ахтармасы јахшы сәмәрәләр ҝәтирди. Һәлә 20 јашы тамам олмамышды ки, о, ҹәсарәтлә һәрәкәт едиб өз торпағыны јалан диндән азад етди (2 Тарих. 34:3-7). Ејни тәрздә сәнин дә руһани инкишафын әмәлләрин сајәсиндә ашкар олаҹаг (1 Тим. 4:15). Әҝәр сән вәфтиз олунмамыш тәблиғчисәнсә, хидмәтинин кејфијјәтини јахшылашдырмаға чалыш. Јалныз әдәбијјат пајламагла кифајәтләнмә. Хидмәтдә Мүгәддәс Китабы истифадә етмәји, адамларла мүзакирә етмәји вә онларын ҝөстәрдикләри марағы инкишаф етдирмәји гаршына мәгсәд гој (Ром. 12:7). Бу сәнин руһани ҹәһәтдән инкишаф етмәјинә көмәк едәҹәк.
5. Вәфтиз олунмуш тәблиғчиләрин гаршысында хидмәтләрини ҝенишләндирмәк үчүн һансы имканлар вар?
5 Јеһоваја малик олдуғун шејләрин ән јахшысыны вер. Јеһоваја һәср олунмағына ишарә олараг вәфтиз олунан заман сән Аллаһын тә’јин едилмиш хидмәтчиси олурсан (2 Кор. 3:5, 6). Бу сәнин гаршында Јеһоваја таммүддәтли хидмәт етмәк имканы ачыр. Бура пионер, Бејт-Ел, миссионер хидмәтинә башламаг вә ја үмумдүнја програмында иштирак етмәк дахил ола биләр. Хидмәти ҝенишләндирмәјин башга үсуллары — хариҹи дил өјрәнмәк вә ја тәблиғчиләр аз олан әразијә көчмәкдир.
6. Бизим һәр биримиз ҝәләҹәк үчүн јахшы тәмәли неҹә гоја биләрик?
6 Әлбәттә ки, хидмәтин бу ҹүр хүсуси нөвләриндә һамы иштирак едә билмир. Лакин һәр кәс Јеһоваја малик олдуғу шејләрин ән јахшыны верә биләр (Мат. 22:37). Сәнин шәраитин һәр неҹә олса да, Јеһоваја хидмәтә һәјатында ән ваҹиб јери ајыр (Мәз. 16:5). Беләликлә, сән өзүнә ҝәләҹәк үчүн јахшы тәмәл гојаҹагсан.