Е’ланлар
◼ Феврал ајында пајланаҹаг әдәбијјат: “Һамы үчүн олан китаб” адлы брошүра. Март: “Әбәди һәјата апаран билик”. Мүгәддәс Китаб өјрәнмәси башламаг үчүн хүсуси сә’ј ҝөстәриләҹәк. Ев саһибиндә бу китаб оларса, онда “Аилә хошбәхтлијинин сирри” китабыны тәклиф един. Апрел вә мај: “Ҝөзәтчи Гүлләси” журналы. Һәр бир имкандан истифадә едәрәк Мүгәддәс Китаб өјрәнмәси башлајын, хүсусилә дә Мүгәддәс Китабы әввәлләр “Билик” китабы вә ја “Аллаһ тәләб едир” брошүрасы васитәсилә өјрәнәнләрлә.
◼ Анкети габагҹадан тәгдим едә билсинләр дејә, тәблиғчиләр март, апрел вә ја мај ајларында көмәкчи пионер кими хидмәт едиб-етмәјәҹәкләрини артыг индидән гәрарлашдырмалыдырлар. Бу, ағсаггаллара тәблиғ ҝөрүшләри үчүн лазыми тәдбирләр ҝөрмәкдә вә һәмчинин журналларын вә диҝәр нәшрләрин кифајәт етмәси үчүн гајғы ҝөстәрмәкдә көмәк едәҹәкдир. Көмәкчи пионер тә’јин олунанларын адларыны һәр ај јығынҹагда е’лан етмәк лазымдыр.
◼ Сәдрлик едән нәзарәтчи вә ја онун тә’јин етдији гардаш јығынҹағын һесабатыны мартын 1-дә вә ја буна јахын тарихләрдән бириндә јохламалыдыр. Јохламанын нәтиҹәси барәсиндә јығынҹагда нөвбәти малијјә һесабаты охундугдан сонра мә’лумат верин. Јығынҹағын үмумдүнја ишинә вә башга еһтијаҹлар үчүн етдији ианәләрә ҝөрә филиалдан ҝөндәрилән тәшәккүр мәктубуну охујун.
◼ Катиб вә хидмәти нәзарәтчи бүтүн пионерләрин фәалијјәтини нәзәрдән кечирмәлидирләр. Ким исә тәблиғ нормасыны јеринә јетирмәкдә чәтинлик чәкирсә, ағсаггаллар лазыми көмәклик ҝөстәрмәлидирләр. Буну неҹә етмәјә даир мәсләһәтләри иллик мәктубларда (С-201) тапмаг олар.
◼ 2004-ҹү ил Хатирә Ҝеҹәси илә әлагәдар “Мәтанәтли олун вә Јеһоваја ҝүвәнин” адлы хүсуси ачыг мә’рузә сөјләниләҹәк. Һәмчинин мүвафиг е’лана “Бизим Падшаһлыг Хидмәтимиз”ин 2003-ҹү ил сентјабр сајында бах.
◼ Тә’јин олунмамыш әразидә тәблиғ едәркән тәблиғчиләр “Аллаһ тәләб едир” брошүрасыны вә ја “Билик” китабыны тәклиф едә биләрләр. Әҝәр мәнзилин саһибиндә бу нәшрләрин һәр икиси дә варса, онда һәр һансы башга бир әдәбијјаты тәклиф етмәк олар. Евдә адам олмајан вә ја әдәбијатдан имтина едилән һалларда трактат сахламаг олар. Бунун үчүн һамыда бир нечә мүхтәлиф трактатлар олмалыдыр. Әҝәр јахынлыгдакы јығынҹагларын тәблиғчиләринин тә’јин олунмамыш һәмин әразидә тәблиғ етмәк имканлары варса, инсанларын марағыны артырмагда давам етмәк үчүн сә’ј ҝөстәрмәләри ҝәрәкдир.