Мүнасиб тәгдимәләр

Инсанлара сәмими гәлбдән олан марағымыз бизи тәшвиг едәҹәк ки, онлары нараһат едән шејләри баша дүшмәјә чалышаг вә онларын растлашдығы проблемләри Падшаһлығын тамамилә неҹә һәлл едәҹәјини ҝөстәрәк (Филип. 2:4). Бир чох тәблиғчиләр белә мүнасиб тәгдимәдән истифадә едирләр: онлар инсандан хаһиш едирләр ки, Ҹәннәти тәсвир едән шәкилләр барәсиндә өз фикирләрини десинләр. Бу ҹүр шәкилләр бир чох нәшрләримиздә вар, мәсәлән, бу сәһифәнин сағ тәрәфиндәки сүтунда садаланан нәшрләрдә. Сән буну нөвбәти тәгдимәләрдән истифадә етмәклә едә биләрсән:

◼ «Неҹә фикирләширсиниз, бәшәр аиләси нә вахтса бу шәкилдә тәсвир едилән шәраитләрдә јашајаҹагмы?»

◼ «Бизләрдән һәр биримиз истәрди ки, ушагларымыз бу шәкилдә тәсвир едилән шәраитдә јашасынлар. Неҹә дүшүнүрсүнүз, бунун үчүн нә лазымдыр?»

◼ «Бу шәкилдә Аллаһын ирадәсинин ҝөјдә олдуғу кими, јердә дә јеринә јетдији вахт јер үзүндә шәраитин неҹә олаҹағы тәсвир едилиб. Бурада тәсвир едилән һәјатын бизим буҝүнкү һәјатымыздан нә илә фәргләндијинә фикир вердинизми?»

◼ «Сиз бу шәкилдә тәсвир едилән шәраитдә јашамаг истәјирсинизми? [Ҹаваб вермәсинә изн вер.] Неҹә фикирләширсиниз, биз һәмин зәманәни ҝөрәҹәјикми?»

Инсанын ҹавабына диггәтлә гулаг ас, сонра исә онун нөгтеји-нәзәрини билмәк үчүн меһрибанлыгла бир-ики әлавә суал вер. Әҝәр бә’зиләри бу ҹүр шәраитдә јашамаг истәмәдикләрини вә ја бунун мүмкүн олдуғуна инанмадыгларыны сөјләсәләр, марагларынын олмадығына даир нәтиҹә чыхармаға тәләсмә. Нә үчүн белә фикирләшдикләрини нәзакәтлә соруш. Онларын ҹавабларындан ҝөрүнә биләр ки, бәшәријјәт гаршысында дуран һәлледилмәз проблемләр онлары чох нараһат едир (Јез. 9:4).

Тәгдимәни инсанын проблеминә ујғунлашдыр. Диггәти, мәһз ону нараһат едән проблеми Падшаһлығын неҹә һәлл едәҹәјинә јөнәлт. Ону нараһат едән проблемә даир Мүгәддәс Китабдан бир вә ја ики ајә ҝөстәр. (Сағ сүтунда верилән тәклифләрә бах.) Гој Аллаһын Кәламында нә дејилдијини о шәхсән өзү ҝөрсүн. Әҝәр о, мараг ҝөстәрирсә, она әдәбијјат тәклиф ет вә нөвбәти ҝөрүш һаггында даныш. Нөвбәти сөһбәтләриниздә илк башчәкмә заманы инсанда јаранан марағы инкишаф етдирмәјә сә’ј ҝөстәр.

[6 сәһифәдәки чәрчивә]

Ҹәннәти тәсвир едән шәкилләр

«Јарадылма» китабы: сәһ. 237 (рус.)

«Бөјүк Мүәллим» китабы: сәһ. 251-254 (рус.)

«Билик» китабы: сәһ. 4, 5, 188, 189

«Аллаһ тәләб едир» брошүрасы: сәһ. 11, 13

«Аллаһа ибадәт един» китабы: сәһ. 92, 93 (рус.)

[6 сәһифәдәки чәрчивә]

Инсанлары нараһат едән проблемләр

Ҹинајәт, зоракылыг

Мәзмур 37:10, 11;

Сүлејманын мәсәлләри 2:21, 22

Депрессија

Мәзмур 34:8;

Јешаја 65:17-19

Әхлагын позулмасы

2 Тимотејә 3:1-5

Һејванларла пис рәфтар

Сүлејманын мәсәлләри 12:10

Һөкумәтин уғурсузлуғу

Мәзмур 146:3, 4;

Даниел 2:44

Јер күрәсинин тәләф едилмәси

Вәһј 11:18

Јохсуллуг, сыхышдырма

Мәзмур 72:12-14;

Ваиз 8:9

Коррупсија, әдаләтсизлик

Јешаја 9:6, 7;

2 Петер 3:13

Габагҹадан әмәлә ҝәлмиш јанлыш фикир, бәрабәрсизлик

Јешаја 11:3-5;

Һәвариләрин ишләри 10:34, 35

Әрзаг гытлығы, аҹлыг

Мәзмур 72:16;

Јешаја 25:6

Өлүм, матәм

Јешаја 25:8;

Вәһј 21:3, 4

Мәнзил, игтисади проблемләр

Јешаја 65:21, 22

Хәстәлик, әлиллик

Јешаја 33:24; 35:5, 6

Мүһарибәләр, терроризм

Мәзмур 46:8, 9;

Микеја 4:3, 4