Хатирә Ҝеҹәсинә ҝәләнләрә неҹә көмәк едә биләрик?
1 Бүтүн дүнјада милјонларла инсана 2008-ҹи ил мартын 22-дә бөјүк шаһидлик вериләҹәк. Хатирә Ҝеҹәсинә ҝәләнләр Јеһованын бәшәријјәтә фидијә вермәклә ҝөстәрдији бөјүк мәһәббәти һаггында ешидәҹәкләр (Јәһ. 3:16). Онлар Падшаһлыг һаггында вә Јеһованын бәшәријјәт үчүн олан ирадәсини јеринә јетирмәк үчүн ондан неҹә истифадә едәҹәјини өјрәнәҹәкләр (Мат. 6:9, 10). Онлар Аллаһын халгынын мәһәббәтинин вә бирлијинин шаһиди олаҹаг вә сәмими гонагпәрвәрлијимизи өз үзәрләриндә һисс едәҹәкләр (Мәз. 133:1).
2 Мүгәддәс Китабы өјрәнәнләр. Ҝәләнләрин бәзиләри бизимлә Мүгәддәс Китабы јениҹә өјрәнмәјә башлајанлар олаҹаг. Онлары баҹы-гардашларла таныш ет. Онлара һәфтә әрзиндә кечирилән ҝөрүшләр һаггында мәлумат вер вә Падшаһлыг Залында гыса екскурсија кечир. Натиг өз мәрузәсиндә јени өјрәнәнләри руһани ҹәһәтдән инкишаф етмәјә тәшвиг едәҹәк. Сән өјрәтдијин адамы тәшвиг етмәк үчүн натигин сөзләриндән истифадә едә биләрсән.
3 Гејри-фәал тәблиғчиләр. Иштирак едәнләрдән бәзиләри гејри-фәал тәблиғчиләр олаҹаг. Онлары сәмими саламламаг үчүн өзүн тәшәббүс ҝөстәр. Шәхси суаллар вермәкдән вә онлары утандыран сөзләр демәкдән чәкин. Хатирә Ҝеҹәсиндән чох кечмәмиш ағсаггаллар бу мәрасимә ҝәлмиш гејри-фәаллара баш чәкмәли вә ҝәлмәјә сәј ҝөстәрдикләри үчүн тәрифләмәли, еләҹә дә онлары сәмими-гәлбдән нөвбәти јығынҹаг ҝөрүшүнә дәвәт етмәлидирләр.
4 Гонаглгр. Мәрасимә ҝәләнләрдән бәзиләри шәхсән дәвәт етдијимиз танышларымыз вә ја аилә үзвләримиз ола биләр. Диҝәрләри исә дәвәтнамәләр пајладығымыз хүсуси кампанијада чағырдығымыз инсанлар ола биләр. Танымадығын адам ҝөрәндә өзүн јахынлашыб ону саламла вә таныш ол. Бәлкә дә, о бизим ҝөрүшләрә биринҹи дәфә ҝәлир. Еһтимал ки, онунла неҹә әлагә сахлаја биләҹәјини сөһбәт әснасында өјрәнә биләрсән. Хатирә Ҝеҹәсиндән бир нечә ҝүн сонра она баш чәкмәклә вә ја гыса телефон зәнҝи илә онун марағыны артырмаға вә Мүгәддәс Китабы өјрәнмәји тәклиф етмәјә сәј ҝөстәрә биләрсән.
5 Хатирә Ҝеҹәсиндә сөјләнилән мәрузәдәки мәлуматдан истифадә едәрәк тәкрар башчәкмәдә «Мүгәддәс Китаб өјрәдир» китабыны тәгдим етмәк олар. Мәсәлән, натиг Јешаја 65:21-23 ајәләрини охујаҹаг. Тәкрар башчәкмә заманы мәрузәни хатырладыб дејә биләрсән: «Иҹазә верин, фидијәнин сајәсиндә мүмкүн олан башга хејир-дуалары ҝөстәрим». Сонра «Мүгәддәс Китаб өјрәдир» китабынын 4 вә 5-ҹи сәһифәләрини нәзәрдән кечир. Јахуд дејә биләрсән: «Чохларыны Јешајанын пејғәмбәрлијинин јеринә јетәҹәјини нә заман ҝөрәҹәјимиз марагландырыр». Сонра 9-ҹу фәслин 1-3 абзасларыны нәзәрдән кечир. Башга бир үсул, садәҹә натигин сөзләрини хатырлатмаг, «Мүгәддәс Китаб өјрәдир» китабыны тәгдим етмәк вә өјрәнмәнин неҹә кечирилдијини ҝөстәрмәкдир.
6 Ҝәлин һәр биримиз Хатирә Ҝеҹәсинә ҝәләҹәк гонаглара, гејри-фәал тәблиғчиләрә вә Мүгәддәс Китабы өјрәнәнләрә көмәк етмәк үчүн һәр фүрсәтдән истифадә едәк (Лука 22:19). Јеһова хидмәтимизи ҝенишләндирмәк үчүн ҝөстәрдијимиз һәр бир сәјимизә мүтләг хејир-дуа верәҹәк.
[Өјрәнилмә үчүн олан суаллар]
1. Мартын 22-и 2008-ҹи илдә һансы бөјүк шаһидлик вериләҹәк?
2. Мүгәддәс Китабы өјрәнәнләр Хатирә Ҝеҹәсинә ҝәләндә онлара неҹә көмәк едә биләрик?
3. Хатирә Ҝеҹәсинә ҝәлән гејри-фәал тәблиғчиләри неҹә руһландыра биләрик?
4. Һәр биримиз гонаглара неҹә көмәк едә биләрик?
5. Мүгәддәс Китаб өјрәнмәсинә башламаг үчүн нә дејә биләрик?
6. Исанын онун өлүмүнү гејд етмәк тапшырығына риајәт едәркән һәр биримизин гаршысында һансы имканлар ачылыр?