Мәсиһчиләрин дуа етмәјә еһтијаҹы вар
1. Хидмәтимизи һәјата кечирмәк үчүн нә етмәјимиз зәруридир?
1 Биз тәкбашына хидмәти иҹра едә билмәрик. Бизә бу иши ҝөрмәјә ҝүҹ верән Јеһовадыр (Филип. 4:13). Һәлим инсанлары тапмагда О, мәләкләриндән истифадә едир (Вәһј 14:6, 7). Әкдијимиз вә сувардығымыз һәгигәт тохумларыны бөјүдән Јеһовадыр (1 Кор. 3:6, 9). Буна ҝөрә дә сәмави Атамыза дуа едәрәк бел бағламаг мәсиһчиләр үчүн неҹә дә ваҹибдир!
2. Нә һагда дуа едә биләрик?
2 Өзүмүз үчүн. Һәр дәфә тәблиғ едәркән дуа етмәлијик (Ефес. 6:18). Нә һагда дуа едә биләрик? Саһәмизә мүсбәт нөгтеји-нәзәрлә јанашмаг вә ҹәсарәтли олмаг үчүн дуа едә биләрик (Һәв. иш. 4:29). Јеһовадан хаһиш етмәлијик ки, бизи Мүгәддәс Китабы өјрәнмәјә мејилли олан сәмими инсанлара тәрәф истигамәтләндирсин. Әҝәр ев саһиби суал верирсә, үрәјимиздә гыса олараг дуа едиб дүзҝүн ҹаваб вермәјимиздән өтрү Јеһовадан көмәк диләјә биләрик (Неһ. 2:4). Ондан хидмәтимизин һәмишә биринҹи јердә олмасы үчүн мүдриклик дә истәјә биләрик (Јаг. 1:5). Бундан әлавә, дуаларымыза Јеһованын хидмәтчиси олмаг шәрәфини гијмәтләндирдијимизи ҝөстәрән фикирләри дахил едәндә О, бундан разы галыр (Колос. 3:15).
3. Башгалары үчүн дуа етмәклә тәблиғ ишинә неҹә дәстәк ола биләрик?
3 Башгалары үчүн. Биз һәм дә ‘бир-биримиз үчүн дуа етмәлијик’. Әҝәр мүнасибдирсә, һәмиманлыларымызын адыны да чәкә биләрик (Јаг. 5:16; Һәв. иш. 12:5). Сәһһәтинин зәиф олмасы уҹбатындан хидмәтдә чох иштирак едә билмирсән? Беләдирсә, онда јахшы сәһһәти олан һәмиманлыларын үчүн дуа ет. Дуаларынын башгаларына фајда ҝәтирдијини јадда сахлајараг онлары әһәмијјәтсиз һесаб етмә! Һәмчинин һакимијјәт нүмајәндәләри үчүн дә дуа етмәк олар ки, тәблиғ ишинә мүсбәт јанашсынлар. Нәтиҹәдә баҹы-гардашларымыз ‘сакит вә раһат өмүр сүрә’ биләҹәкләр (1 Тим. 2:1, 2).
4. Нәјә ҝөрә дуада мәтанәтли олмалыјыг?
4 Бүтүн дүнјада хош хәбәри бәјан етмәк олдугҹа бөјүк ишдир. «Дуада мәтанәтли» олсаг, Јеһованын көмәји илә бу иши баша чатдыра биләҹәјик (Ром. 12:12).