«Һесабата нә гәдәр вахт дахил етмәлијәм?»
Сән дә нә вахтса бу суалы вермисәнми? Үмуми рәһбәрлији «Тәшкил олунмушуг» китабынын 85-ҹи сәһифәсинин 3-ҹү абзасындан 87-ә кими олан сәһифәләриндә (рус.) тапмаг олар. Бу һагда вахташыры олараг әлавә ҝөстәришләр дә верилир. Мәсәлән, «Бизим Падшаһлыг Хидмәтимиз» вәрәгәсинин 2008-ҹи ил сентјабр сајынын «Суаллар гутусу»на баха биләрсиниз. Вәзијјәтләр мүхтәлиф олдуғундан биз узун-узады гајдалар вермәк истәмирик. Буна ҝөрә дә, ағсаггалларын вә ја диҝәрләринин әлавә ҝөстәришләр вермәси дүзҝүн олмазды.
Әҝәр суал јаранырса вә нәшрләримиздә буна даир һеч бир ҝөстәриш јохдурса, һәр бир тәблиғчи өзүндән соруша биләр: мән һәмин вахты хидмәтә сәрф етмишәм? Јохса, хидмәтә аидијјәти олмајан ишләрлә дә мәшғул олмушам? Һәр ај вердијимиз хидмәт һесабаты бизә севинҹ ҝәтирмәли вә виҹданымызы нараһат етмәмәлидир (Һәв. иш. 23:1). Әлбәттә, ән ваҹиби һесабата нә гәдәр вахт јазмағымыз јох, хидмәтдә сәјлә иштирак едәрәк вахтымыздан сәмәрәли истифадә етмәјимиздир (Ибр. 6:11).