Гапыны ушаг ачарса...

Тәблиғ заманы гапыны ушаг ачарса, валидејнләринин евдә олуб-олмадығыны сорушмалыјыг. Бунунла ушағын валидејнләринә һөрмәт етдијимизи ҝөстәрмиш олаҹағыг (Мс 6:20). Әҝәр ушаг бизи евә дәвәт едирсә, ҝирмәмәлијик. Евдә бөјүк јохдурса, башга вахт ҝәлмәлијик.

Әҝәр ушаг јенијетмә јашларындадырса, јенә дә јахшы олар ки, ондан валидејнини чағырмасыны хаһиш едәк. Бөјүкләрдән һеч ким јохдурса, ушагдан соруша биләрик ки, она охумаға нәсә версәк, валидејнләри буна етираз етмәз ки? Әҝәр ушаг «јох, етираз етмәз» десә, онда әдәбијјат сахламаг вә ја ону jw.org сајты илә таныш етмәк олар.

Мараг ҝөстәрән јенијетмәјә нөвбәти дәфә баш чәкәндә дә валидејнләрини сорушмалыјыг. Бунун сајәсиндә онлара ҝәлишимизин мәгсәдини изаһ етмәк, һәмчинин Аллаһын Кәламынын аиләләр үчүн вердији мәсләһәтләрин етибаралајиг олдуғуну ҝөстәрмәк имканымыз олаҹаг (Зб 119:86, 138). Валидејнләрә һөрмәт вә сајғы ҝөстәрмәјимиз ҝөзәл шаһидлик олаҹаг вә һәмин аиләјә хош хәбәри чатдырмаг имканымыз јаранаҹаг (1Бт 2:12).