Бу дүнја мөвҹудлуғуна давам едәҹәкми?

Һеч бир нәсил дүнјамызын сону һаггында бу гәдәр чох сөһбәтләр ешитмәмишдир. Чохлары нүвә фәлакәти нәтиҹәсиндә дүнјанын мәһв олаҹағындан горхур. Диҝәрләри елә дүшүнүрләр ки, дүнјанын мәһвинә әтраф мүһитин чиркләнмәси сәбәб ола биләр. Даһа башгалары исә халг күтләләринин игтисади гарышыглыг нәтиҹәсиндә бир–биринә гаршы галхмасындан нараһат олурлар.

Дүнја доғрудан да мәһв ола биләрми? Белә исә, онда бу нә мәна кәсб едир? Кечмишдә нә вахтса дүнја мәһв олмушдурму?

Бир дүнја сона јетир — диҝәри ону әвәз едир

Бәли, вахтилә бир дүнја мәһв олмушдур. Нуһун ҝүнләриндә мөвҹуд олан залым дүнјаја нәзәр салын. Мүгәддәс Китаб изаһ едир: “О заманкы дүнја да һәмин суларла боғулуб мәһв олду”. Һәмчинин орада дејилир: “О, [Аллаһ] гәдим дүнјаја да рәһм етмәди. Лакин аллаһсызлар дүнјасы үзәринә туфаны ҝәтирәркән, салеһлик тәблиғчиси олан Нуһ да дахил олмагла, сәккиз нәфәрин ҹаныны сахлады” (2 Петер 2:5; 3:6).

Мәһв олмағын, һәмин дүнја үчүн һансы мәна вериб, вермәмәсинә диггәт јетирин. О бәшәријјәтин мәһви демәк дејилди. Нуһ вә онун аиләси үмумдүнја туфанында сағ галдылар. Һәмчинин Јер күрәси вә ҝөзәл улдузлу сәма да мәһвә уғрамады. Мәһв олан “аллаһсызлар дүнјасы” иди.

Вахтилә Нуһун нәсли чохалдыгҹа, јени дүнја јаранды. Һәмин икинҹи дүнја бу ҝүнә гәдәр мөвҹуд олмагдадыр. Онун тарихи мүһарибәләр, ҹинајәт вә зоракылыгла долудур. Бу дүнјаны нә ҝөзләјир? О мөвҹудлуғуна давам едәҹәкми?

Дүнјанын ҝәләҹәји

Нуһун ҝүнләриндә дүнјанын мәһвә уғрадығыны билдирдикдән сонра, Мүгәддәс Китаб давам едир: “Индики ҝөјләр вә јер исә ода верилмәк үчүн ејни кәлам илә сахланыб... һәлак ҝүнүнә гәдәр һифз олунурлар” (2 Петер 3:7). Доғрудан да, Мүгәддәс Китабын диҝәр јазычысынын изаһ етдији кими: “[Бу ҝүн мөвҹуд олан] дүнја... кечиб ҝедир” (1 Јәһја 2:17).

Мүгәддәс Китаб јерин вә улдузлу сәманын һәгиги мәнада кечиб ҝедәҹәјини нәзәрдә тутмур. Чүнки Нуһун ҝүнләриндә јер вә ҝөј мәһв олмамышды (Мәзмур 104:5). Әксинә, бу дүнја “ҝөјләри”, јәни Шејтанын тәсири алтында олан дөвләт рәһбәрләри вә “јери”, јәни инсан ҹәмијјәти илә бирликдә, санки атәшә атылыб мәһв едиләҹәк (Јәһја 14:30; 2 Коринфлиләрә 4:4). Бу дүнја системи, Туфандан өнҹә мөвҹуд олан дүнја кими мүәјјән дәрәҹәдә мәһв олаҹаг. Һәтта Иса Мәсиһ, бу дүнјанын сону ҝәлмәздән әввәл баш верәҹәк һадисәләри ҝөстәрмәк үчүн, “Нуһун ҝүнләриндә” мөвҹуд олан вәзијјәти әјани мисал кими истифадә етмишди (Матта 24:37–39).

Диггәтәлајиг олан одур ки, Иса, һәвариләрин “сәнин ҝәлишинә вә дөврүн сонуна әламәт нә олаҹаг?” суалына ҹаваб верәркән Нуһун ҝүнләриндән бәһс етди (Матта 24:3). Исанын давамчылары билирдиләр ки, дүнјанын сону ҝәләҹәк. Бәс ҝәләҹәкдә баш верәҹәк бу һадисәләр онлары горхуздуму?

Әксинә, Иса, бу дүнјанын сонуна јахын баш верәҹәк һадисәләри тәсвир едәркән, онлары севинмәјә тәшвиг етди, чүнки “гуртулушлары” јахынлашырды (Лука 21:28). Бәли, бу о демәк иди ки, онлар Шејтан вә онун пис системиндән хилас олуб, сүлһлә долу јени дүнјада јашајаҹаглар! (2 Петер 3:13).

Бәс бу дүнјанын сону нә заман ҝәләҹәк? Иса “ҝәлишинә вә дөврүн сонуна” аид һансы “әламәти” верди?

“Әламәт”

Бурада “ҝәлмәк” кими тәрҹүмә олунан јунан сөзү парусија “иштирак етмәк”, јәни мөвҹуд олмаг мәнасыны верир. Буна ҝөрә дә “әламәтин” ҝөрүнмәси, Мәсиһин тезликлә ҝәләҹәјинә дејил, онун артыг гајытмасына ишарә едир. Бу, онун ҝөјләр падшаһы кими ҝөзәҝөрүнмәз тәрздә идарә етдијини вә тезликлә дүшмәнләрини мәһв едәҹәјини билдирмәли иди (Вәһј 12:7–12; Мәзмур 110:1, 2).

Иса, сон ҝүнләрин “әламәти” олараг јалныз бир һадисәни хатырлатмады. О, дүнјада баш верәчәк бир чох һадисәләри тәсвир етди. Бүтүн бу һадисәләр Мүгәддәс Китабын “ахыр ҝүнләр” адландырдығы дөврдә баш вермәли иди (2 Тимотејә 3:1–5; 2 Петер 3:3, 4). Исанын габагҹадан дедијинә ҝөрә “ахыр ҝүнләри” сәҹијјәләндирән бәзи һадисәләри нәзәрдән кечирәк.

“Халг халга, дөвләт дөвләтә гаршы галхаҹаг” (Матта 24:7). Мүасир дөврүмүзүн мүһарибәләри, әввәлки мүһарибәләрдән олдугҹа ҝениш һәҹмлидир. Бир тарихчи гејд едир: “[1914–ҹү илдә башлајан] Биринҹи Дүнја мүһарибәси илк “үмуми” мүһарибә иди”. Лакин Икинҹи Дүнја мүһарибәси даһа мәһведиҹи олду. Мүһарибәләр индијәдәк Јер күрәсини мәһв етмәкдә давам едир. Бәли, Исанын сөзләри фаҹиәли сурәтдә јеринә јетди!

“Јер–јер гытлыглар... олаҹаг” (Матта 24:7). Биринҹи Дүнја мүһарибәсиндән сонра јер үзүндә, демәк олар ки, тарих боју ҝөрүнмәмиш аҹлыг баш верди. Һәмчинин Икинҹи Дүнја мүһарибәсиндән сонра да дәһшәтли аҹлыг јаранды. Аҹлыг фәлакәти бәшәријјәтин бешдә бир һиссәсинә өз тәсирини ҝөстәрир вә һәр ил 14 милјон ушағын өлүмүнә сәбәб олур. “Гытлыглар” һәгигәтән дә мөвҹуддур!

“Јер–јер ҝүҹлү зәлзәләләр... олаҹаг” (Лука 21:11). 1914–ҹү илдән башлајараг, һәр ил зәлзәләләрдән орта һесабла әввәлки әсрләрдә олдуғундан он дәфә артыг инсан мәһв олур. Бөјүк зәлзәләләрдән јалныз бир нечәсинә нәзәр салын: 1920–ҹи ил, Чин, 200 000 нәфәр тәләф олду; 1923–ҹү ил, Јапонија, 140 000 инсан һәлак олду; 1939–ҹу ил, Түркијә, 32 700 нәфәр инсан һәлак олду; 1970–ҹи ил, Перу, 66 800 нәфәр һәјатындан мәһрум олду; вә 1976–ҹы ил, Чин, 240 000–ә јахын (бәзи мәнбәләрә ҝөрә исә 800 000) адам һәлак олмүшдүр. Доғрудан да, “ҝүҹлү зәлзәләләрдир”!

“Јер–јер... гырғынлар [епидемијалар]... олаҹаг” (Лука 21:11). Биринҹи Дүнја мүһарибәсиндән дәрһал сонра, “испанка” адланан грипдән тәхминән 21 милјон инсан һәлак олду. “Сҹиенҹе Диҝест” журналында гејд олунур: “Бүтүн тарих әрзиндә өлүмүн белә амансыз вә сүрәтли һүҹуму баш вермәмишдир”. О вахтдан бәри, үрәк хәстәликләри, хәрчәнҝ, ГИЧС вә башга фәлакәтләр јүз милјонларла инсанларын өлүмүнә сәбәб олмушдур.

“Ганунсузлуг артаҹаг” (Матта 24:12). 1914–ҹү илдән бәри дүнјамыз ҹинајәт вә зоракылыг дүнјасы кими танынмаға башламышдыр. Бир чох јерләрдә инсанлар, һәтта ҝүндүзләр белә өзүнү тәһлүкәсиз һисс едә билмир. Ҝеҹәләр исә күчәләрә чыхмаға горхараг, килидләнмиш вә сәнҝәрләнмиш гапылар архасында отурурлар.

Сон ҝүнләр әрзиндә ваге олаҹаг даһа бир чох шејләр әввәлҹәдән хәбәр верилмишди, бунларын һамысы инди јеринә јетмәкдәдир. Бу, дүнјанын сонунун јахын олдуғуна әламәтдир. Амма хошбәхтликдән сағ галанлар да олаҹаг. “Дүнја... кечиб ҝедир” сөзләриндән сонра, Мүгәддәс Китаб вәд едир: “Аллаһын ирадәсини јеринә јетирән әбәди јашајыр” (1 Јәһја 2:17).

Буна ҝөрә дә биз, Аллаһын ирадәсини өјрәниб, ону јеринә јетирмәлијик. О заман биз бу дүнјанын сонунда сағ галар вә Аллаһын јени дүнјасынын ҝәтирдији хејир–дуалардан әбәдијјән зөвг ала биләрик. Мүгәддәс Китаб вәд едир ки, о заман “Аллаһ онларын ҝөзләриндән бүтүн јашлары силәҹәкдир. Артыг өлүм мөвҹүд олмајаҹаг; артыг нә кәдәр, нә фәрјад, нә дә ағры олаҹагдыр” (Вәһј 21:3, 4).

Ҝәтирилән бүтүн ситатлар түркҹә “Китабы Мукаддес” вә азәрбајҹанҹа “Инҹил” китабларындан алынмышдыр.

[3–5–ҹи сәһифәдә олсн шәкилләр]

Тәјјарә: УСАФ пһото. Ушаг: WҺО пһото бј W. Ҹуттинҝ. Зәлзәлә: Ј. Ысһијама, Һоккаидо Университј, Жапан.