Дәрс 1

Аллаһын нә тәләб етдијини неҹә өјрәнә биләрик?

Мүгәддәс Китабда һансы ваҹиб мә’лумат вар? (1)

Мүгәддәс Китабын мүәллифи кимдир? (2)

Мүгәддәс Китабы нәјә ҝөрә өјрәнмәлисиниз? (3)

1. Мүгәддәс Китаб Аллаһдан олан гијмәтли бәхшишдир. Ону, севән атанын өвладларына јаздығы мәктубла мүгајисә етмәк олар. Мүгәддәс Китаб бизә Аллаһ һаггында һәгигәти — Онун кимлији вә нормалары һаггында бәјан едир. Орада чәтинликләрин өһдәсиндән ҝәлмәјин вә һәгиги хошбәхтлији тапмағын үсуллары изаһ олунур. Аллаһы разы салмаг үчүн нә етмәли олдуғумузу јалныз Мүгәддәс Китабдан өјрәнмәк олар (Мәзмур 1:1-3; Ишаја 48:17, 18).

2. Мүгәддәс Китабы ерамыздан әввәл 1513-ҹү илдән башлајараг, 1 600 ил әрзиндә тәхминән 40 нәфәр киши јазмышдыр. О, 66 балаҹа китаблардан ибарәтдир. Мүгәддәс Китабы јазан шәхсләр Аллаһдан илһам алмышлар. Онлар өзләринин дејил, Аллаһын фикирләрини јазмышлар. Буна ҝөрә дә Мүгәддәс Китабын мүәллифи инсан дејил, ҝөјләрдә јашајан Аллаһдыр (2 Тимотејә 3:16, 17; 2 Петер 1:20, 21).

3. Аллаһ, Мүгәддәс Китабын дәгиг көчүрүлмәси вә горунуб сахланмасы үчүн гајғы ҝөстәрмишдир. Мүгәддәс Китабын нәшр олунан нүсхәси башга китабларын сајыны өтүб кечир. Мүгәддәс Китабы өјрәндијинизә ҝөрә һамы севинмәјәҹәк, лакин сизә мане олмаларына јол вермәјин. Сизин әбәди ҝәләҹәјиниз Аллаһ һаггында билик әлдә етмәјиниздән вә мүгавимәтләрә бахмајараг, Онун ирадәсини јеринә јетирмәниздән асылыдыр (Матта 5:10-12; Јәһја 17:3).