Дәрс 3

Иса Мәсиһ кимдир?

Иса нәјә ҝөрә Аллаһын “илк доғулан” Оғлу адланыр? (1)

О, нәјә ҝөрә “Кәлам” адланыр? (1)

Иса нәјә ҝөрә јер үзүнә инсан кими ҝәлди? (2-4)

О, нәјә ҝөрә мө’ҹүзәләр ҝөстәрирди? (5)

Иса јахын ҝәләҹәкдә нә едәҹәкдир? (6)

1. Иса јер үзүнә ҝәлмәздән әввәл руһани шәхсијјәт кими ҝөјдә јашајырды. О, Аллаһын хәлг етдији илк варлыгдыр, буна ҝөрә дә Аллаһын “илк доғулан” Оғлу адланыр (Колослулара 1:15; Вәһј 3:14). Иса, һәмчинин Аллаһын шәхсән јаратдығы јеҝанә Оғлудур. Иса јер үзүнә инсан кими ҝәлмәздән әввәл, Јеһова ону јердә вә ҝөјдә јаратдығы бүтүн башга ишләриндә “ме’мар” кими истифадә етмишдир (Сүлејманын мәсәлләри 8:22-31, МКШ; Колослулара 1:16, 17). Һәмчинин Аллаһ ону Өзүнүн баш нүмајәндәси кими дә истифадә етмишдир. Елә буна ҝөрә Иса “Кәлам” адланыр (Јәһја 1:1-3; Вәһј 19:13).

2. Аллаһ өз Оғлунун һәјатыны Мәрјәмин бәтнинә көчүрәрәк, ону јер үзүнә ҝөндәрди. Буна ҝөрә дә Исанын инсан атасы олмамышдыр. Елә бу сәбәбдән Иса ҝүнаһы вә гејри-камиллији мирас алмады. Аллаһ Исаны јер үзүнә ҝөндәрди ки, 1) инсанлара Аллаһ һаггында һәгигәти өјрәтсин (Јәһја 18:37), 2) камил нөгсансызлығы горујараг, тәглид етмәјимиз үчүн нүмунә гојсун (1 Петер 2:21), 3) бәшәријјәти ҝүнаһ вә өлүмдән азад етмәк үчүн һәјатыны гурбан версин. Бу нәјә ҝөрә лазым иди? (Матта 20:28).

3. Аллаһын сөзүндән чыхараг, илк инсан — Адәм, Мүгәддәс Китабда “ҝүнаһ” адланан иши иҹра етди. Буна ҝөрә дә Аллаһ Адәмә өлүм һөкмү кәсди (Тәквин ­3:17-19). Аллаһын нормаларына мүвафиг олмадығы үчүн Адәм камиллији итирди. О, тәдриҹән гоҹалды вә өлдү. О, ҝүнаһы бүтүн өвладларына өтүрдү. Биз дә, мәһз буна ҝөрә гоҹалыр, хәстәләнир вә өлүрүк. Бәшәријјәти неҹә хилас етмәк оларды? (Ромалылара 3:23; 5:12).

4. Иса, Адәм кими камил инсан иди. Лакин Адәмдән фәргли олараг, Иса һәмишә, һәтта ән сәрт сынаглар гаршысында белә Аллаһа итаәткар галды. Буна ҝөрә дә о өз камил инсан һәјатыны гурбан верәрәк, Адәмин ҝүнаһынын әвәзини өдәјә билди. Бу һагда Мүгәддәс Китабда “фидијә” кими бәһс олунур. Беләликлә дә, Адәмин өвладларынын өлүм һөкмүндән азад олмаг имканлары јаранды. Исаја иман ҝәтирән бүтүн инсанларын ҝүнаһлары бағышланыр вә онлар әбәди һәјаты алмаг үмидинә малик олурлар (1 Тимотејә 2:5, 6; Јәһја 3:16; Ромалылара 5:18, 19).

5. Јер үзүндә јашајаркән Иса хәстәләрә шәфа верир, аҹлары дојурур вә фыртыналары јатырырды. Иса, һәтта өлүләри дә дирилдирди. О, бу мө’ҹүзәләри нәјә ҝөрә ҝөстәрирди? 1) Әзијјәт чәкән инсанлара јазығы ҝәлирди вә онлара көмәк етмәк истәјирди. 2) Ҝөстәрдији мө’ҹүзәләр сүбут едирди ки, о, Аллаһын Оғлудур. 3) Бу мө’ҹүзәләр, јер үзәриндә Падшаһ кими идарә едәҹәји заман, онун итаәткар бәшәријјәт үчүн едәҹәји ишләри ҝөстәрирди (Матта 14:14; Марк 2:10-12; Јәһја 5:28, 29).

6. Иса өлдү, Аллаһ тәрәфиндән руһани шәхсијјәт кими дирилдилди вә ҝөјә гајытды (1 Петер 3:18). Бир гәдәр сонра исә, Аллаһ ону Падшаһ вәзифәсинә тә’јин етди. Тезликлә Иса јер үзүндәки бүтүн писликләри вә изтираблары арадан галдыраҹаг (Мәзмур 37:9-11; Сүлејманын мәсәлләри 2:21, 22).

[7-ҹи сәһифәдә олан шәкилләр]

Исанын хидмәти өјрәтмәкдән, мө’ҹүзәләр ҝөстәрмәкдән вә бизим уғрумузда ҹаныны гурбан вермәкдән ибарәт иди.