Дәрс 4

Иблис кимдир?

Шејтан Иблис һарадан пејда олмушдур? (1, 2)

Шејтан инсанлары һансы үсулларла алдадыр? (3-7)

Биз Иблисә нәјә ҝөрә мүгавимәт ҝөстәрмәлијик? (7)

1. “Иблис” сөзү алтында, башга шәхсијјәт һаггында кинлә јалан данышан шәхс нәзәрдә тутулур. “Шејтан” исә “дүшмән” вә ја “рәгиб” мә’насыны дашыјыр. Бу адлар, Аллаһын баш дүшмәнинә мәхсусдур. Башланғыҹда о, ҝөјдә Аллаһла бирликдә јашајан камил мәләк иди. Сонрадан исә, өзү һагда чох јүксәк фикирдә олду вә әдаләтли олараг Аллаһа мәхсус олан ибадәтә јијәләнмәк истәди (Матта 4:8-10).

2. Бу мәләк — Шејтан, иланын васитәсилә Һәвва илә данышды. Јалан данышараг Һәвваны Аллаһын сөзүндән чыхмаға тәһрик етди. Бунунла Шејтан, Аллаһын “һөкмранлыг”, јә’ни Һагг-Тәала мөвгејинә һүҹум етди. Шејтан, Аллаһын дүзҝүн һөкмранлыг етдијини вә табелијиндә олан инсанларын марагларыны нәзәрә алдығыны шүбһә алтына гојду. Шејтан, һәмчинин инсанлардан кимин исә Аллаһа һәдсиз сәдагәтли галаҹағына да шүбһә ојатды. Бу ҹүр давранмагла Шејтан өзүнү Аллаһа дүшмән етди. Елә буна ҝөрә дә о, Шејтан Иблис адланды (Тәквин 3:1-5; Ејуб 1:8-11; Вәһј 12:9).

3. Шејтан, она ибадәт етсинләр дејә, инсанлары алдатмаға чалышыр (2 Коринфлиләрә 11:3, 14). Инсанлары алдатмаг үсулларындан бири — јалан диндән истифадә етмәкдир. Әҝәр бир дин Аллаһ һаггында јаланы өјрәдирсә, демәли, Шејтанын мәгсәдинә хидмәт едир (Јәһја 8:44). Јалан динләрин нүмајәндәләри сәмими гәлбдән дүшүнә биләрләр ки, һәгиги Аллаһа ибадәт едирләр. Әслиндә исә Шејтана хидмәт едирләр. О, “бу әсрин танрысы”дыр (2 Коринфлиләрә 4:4).

4. Инсанлары өз ирадәсинә табе етдирмәк үчүн Шејтанын истифадә етдији нөвбәти үсул — спиритизимдир. Инсанлар өзләрини горумаг, башгаларына пислик етмәк, ҝәләҹәкдән хәбәр вермәк вә мө’ҹүзәләр ҝөстәрмәк үчүн руһлары чағырырлар. Бүтүн бу әмәлләрин архасында, аҹыглы гүввә олан Шејтан дурур. Аллаһы разы салмаг үчүн, спиритизмлә һеч бир әлагәмиз олмамалыдыр (Тәснијә 18:10-12; Һәвариләрин ишләри 19:18, 19).

5. Шејтан инсанлары, онларда ити сурәтдә милләтчилик ифтихары ојандырмагла вә онлары сијаси тәшкилатлара пәрәстиш етмәјә тәшвиг етмәклә дә алдадыр. Бә’зән инсанлар дүшүнүрләр ки, онларын милләти вә ја ирги башгаларындан үстүндүр. Лакин бу доғру дејил (Һәвариләрин ишләри 10:34, 35). Һәмчинин белә бир фикир дә мөвҹуддур ки, бәшәријјәтин проблемләрини сијаси тәшкилатлар арадан галдыраҹаг. Буна әмин олан инсанлар Аллаһын Падшаһлығыны инкар едирләр. Бәшәријјәтин проблемләрини исә јалныз Аллаһын Падшаһлығы һәлл едәҹәкдир (Даниел 2:44).

6. Инсанлары алдатмаг үчүн Шејтанын истифадә етдији даһа бир үсул — онлары ҝүнаһлы арзуларла сынаға чәкмәкдир. Јеһова ҝүнаһа сөвг едән вәрдишләрдән јаха гуртармағы тапшырыр, чүнки онларын бизә зәрәр ҝәтирдијини билир (Галатијалылара 6:7, 8). Ҝүнаһ ишләтмәјә вәрдиш едән инсанлардан бә’зиләри, еһтимал ки, сизин дә бу ҹүр һәрәкәтләрдә онлара гошулмағынызы истәјәҹәкләр. Лакин унутмајын ки, һәгигәтдә буну сиздән истәјән Шејтандыр (1 Коринфлиләрә 6:9, 10; 15:33).

7. Сизи Јеһовадан узаглашдырмаг үчүн, Шејтан тә’гиб вә ја мүгавимәтләрдән истифадә едә биләр. Мүгәддәс Китабы өјрәндијиниз үчүн сизин јахынларыныздан ким исә гәзәбләнә биләр. Башгалары исә, олсун ки, сизи лаға гојаҹаглар. Анҹаг сиз һәјатынызла кимә борҹлусунуз? Шејтан сизи горхутмаг истәјир ки, Јеһова һаггында өјрәнмәкдән ваз кечәсиниз. Шејтанын галиб ҝәлмәсинә јол вермәјин! (Матта 10:34-39; 1 Петер 5:8, 9). Иблисә гаршы дурараг Јеһованы севиндирәҹәк вә Онун һөкмранлығынын тәрәфдары олдуғунузу ҝөстәрәҹәксиниз (Сүлејманын мәсәлләри 27:11).

[9-ҹу сәһифәдә олан шәкилләр]

Јалан дин, спиритизм вә милләтчилик руһу инсанлары чашгынлыға салыр.

Јеһова һаггында билик әлдә етмәклә Шејтана гаршы дурун.