Бир заман бүтүн инсанлар бир-бирләрини севәҹәкләрми?
Јахын инсана гаршы мәһәббәт сојујуб
МИЛЈОНЛАРЛА инсанлар һеч кәсә лазым олмадығыны һисс едиб, өзләрини бәдбәхт сајырлар вә көмәји һарадан тапаҹағыны билмәјирләр. Бир тәгаүдчү гадын сөјләјир: “Бир ахшам гоншум олан дул гадын гапымын зәнҝини вурду вә деди ки, тәк-тәнһалыг ичиндәдир. Мән, нәзакәтлә, анҹаг ачыгҹа ҹаваб вердим ки, ишлә мәшғулам”.
Тәәссүф, елә һәмин ҝеҹәдә дул гадын өзүнү өлдүрдү. Сонра тәгаүдчү гадын деди ки, бу һадисә онун үчүн “ағыр дәрс” олду.
Инсанлар арасында мәһәббәтин олмамасы чох вахт фаҹиә илә нәтиҹәләнир. Кечмиш Југославијада олан Боснија вә Ҝертсеговинјада милли тоггушмалар нәтиҹәсиндә милјондан чох әһали евләрини тәрк етмәјә мәҹбур олдулар вә бир нечә мин адам өлдүрүлмүшдү. Онлары ким өлдүрдү? “Бизим гоншуларымыз. Биз онлары таныјырдыг”-дејә, өз кәндиндән гачаг дүшән гыз, кәдәрләнди.
Руандада јүз минләрлә адамлар тәләф олублар, әксәријјәт вахт да өз јахынлары тәрәфиндән. “Нју-Јорк тајмс” гәзетиндә белә бир хәбәр верилирди: “Хуту вә тутсиләр бирҝә (јашајырдылар), бир-бирләри илә евләнирдиләр, гајғы чәкмәјирдиләр, һәтта чох заман өзләри дә сечә билмәјирдиләр: ким хутудур, ким исә тутсидир. Гәфләтән нә исә бирдән дәјишди... гырғын башлады”.
Еләҹә дә Исраилдә: јәһудиләр вә әрәбләр гоншулугда јашајырлар, буна бахмајараг, онлар бир-бирләринә нифрәт едирләр. Буна охшар һаллар Ирландијада јашајан католикләр вә протестантлар арасында; башга өлкәләрдә јашајан сајҹа чох олан халглар арасында да мүшаһидә олунур. Бәшәријјәтин тарихи боју инсанлар мәһәббәтин бу гәдәр чатышмамазлығыны һәлә һисс етмәмишдиләр.
Нә үчүн јахын инсана гаршы мәһәббәт сојујуб?
Бу суала бизи Јарадан ҹаваб верир. Онун Кәламы олан Мүгәддәс Јазыларда биз јашадығымыз вахт “сон ҝүнләр” адланыр. Бу, мүгәддәс јазыларын пејғәмбәрлијинә әсасән, инсанларын “шәфгәтсиз” олаҹаглары дөврдүр. Јазыларда “дүнјанын сону” адланан, “чәтин анлардан” данышараг Иса Мәсиһ габагҹадан демишди ки, “бир чохларынын севҝиси сојујаҹагдыр” (2 Тимотејә 3:1—5; Матта 24:3, 12).
Беләликлә, бизим дөврүмүздә мүшаһидә олунан мәһәббәтин чатышмамазлығы һәмин әламәтин һиссәсидир ки, биз бу дүнјанын сон ҝүнләриндә јашајырыг. Хошбәхтликдән, бу о демәкдир ки, ҝүнаһкар инсанлар дүнјасы тезликлә јени әдаләтли дүнја илә әвәз олунаҹаг ки, орада мәһәббәт һөкм сүрәҹәк (Матта 24:3—14; 2 Петер 2:5; 3:7, 13).
Һәгигәтән дә, белә дәјишиклијин мүмкүн олмасына инанмаг үчүн биздә әсас вармы ки, бүтүн инсанлар бир-бирләрини севмәји өјрәнәҹәк вә сүлһ ичиндә бир-бирләри илә јашајаҹаглар?
ЈАХЫН АДАМЫ СЕВМӘК — БУ ҜЕРЧӘКЛИКДИР.
“МӘНИМ гоншум кимдир?” — дејә, биринҹи әсрин гануншүнас јәһудиләриндән бири Исадан сорушду. О, ҝөзләди ки, Иса ҹавабында: “Сәнин милләтиндән оланлар” — дејәҹәкдир. Анҹаг, мәрһәмәтли самаријалынын әһвалатыны сөјләмәклә, Иса билдирди ки, башга милләтләрин адамлары да бизим јахынымыздырлар (Лука 10:29—37; Јәһја 4:7—9).
Иса Мәсиһ гејд етмишди ки, Аллаһа олан мәһәббәтимиздән сонра, һәјатымызда, әтрафымызда јашајан инсанлара гаршы да севҝимиз олмалыдыр (Матта 22:34—40). Һәгигәтән, вахты илә елә бир инсанлар групу олубму ки, јахын адамлары севсинләр? Бәли, илк мәсиһчиләр! Онлар инсанлара олан мәһәббәтләри илә шөһрәт газанмышдылар (Јәһја 13:34, 35).
Бәс бу ҝүн вәзијјәт неҹәдир? Мәсиһин мәһәббәтинә бәнзәр мәһәббәти кимсә ҝөстәрә билирми? Бир әсәрдә дејилирди: “Јегованын Шаһидләринин фәалијјәти — Иса вә онун шаҝирдләринин ачыгҹа һамыја чатдырдыглары илк мәсиһчилијин јенидән доғулмасы вә бәрпа олунмасыдыр... Онларын һамысы гардашдырлар” (“Encyclopedia Canadiana”).
Бу нә демәкдир? Бу о демәкдир ки, Јегованын Шаһидләри һеч вахт јол вермәјирләр ки, нәслинә, иргинә, милләтинә ҝөрә онларда јахын адамлара гаршы нифрәт ојансын. Онлар һеч кәси өлдүрмәзләр, чүнки нүмунәви сурәтдә десәк, гылынҹларыны котанлара, галханларыны исә ораглара дәјишибләр (Јешаја 2:4). Һәгигәтән дә, Јегованын Шаһидләри онунла мәшһурдурлар ки, јахын инсанлара көмәк етмәк лазым оланда тәшәббүс ҝөстәрирләр (Галатијалылара 6:10).
Тәәҹҹүблү дејил ки, Калифорнијада бир гәзетин мәгаләсиндә гејд олунурду: “Демәк кифајәтдир ки, әҝәр бүтүн дүнјада һамы Јегованын Шаһидләринин инамлары илә јашасајдылар, нифрәтә вә ган төкүлмәсинә сон гојуларды, дүнјаны исә севҝи идарә едәрди” (“Sacramento Union”). Маҹарыстан журналларынын бириндә јазылмыш мәгаләнин мүәллифи гејд етди: “Мән белә бир нәтиҹәјә ҝәлдим ки, әҝәр јер үзүндә јалныз Јегованын Шаһидләри јашасајдылар, онда мүһарибәләр олмаздылар, полисләр исә јалныз јол һәрәкәтләринә нәзәр салыб, паспортлары вермәклә мәшғул олардылар” (“Ring”).
Әлбәттә, инсанларын һамысынын бир-бирләрини севмәси үчүн чох бөјүк, үмумдүнја дәјишикликләри ҝәрәкдир. Бу дәјишикликләр неҹә баш верәҹәкләр? (Хаһиш олунур, ахырынҹы сәһифәни охујун).
Бүтүн инсанлар бир — бирләрини севәҹәкләри заман
ИСА МӘСИҺ өјрәтдији дуадан ҝөрүнүр ки, биз, һәр шејин көкүндән дәјишириләҹәји астанасында јашајырыг. Мәшһур Дағүстү тәблиғиндә Иса бизи дуа етмәјә өјрәдирди: “Падшаһлығын ҝәлсин; ҝөјдә олдуғу кими, јердә дә Сәнин ирадән олсун” (Матта 6:10).
Аллаһын Падшаһлығы нәдир? Бу, ҝөјләрдән идарә едән реал һөкумәтдир. Буна ҝөрә дә она “Ҝөјләрин Падшаһлығы” дејилир. Иса Мәсиһин Атасы ону, “дүнјанын Рәиси”, бу һөкумәтин башчысы тә’јин етди (Матта 10:7; Јешаја 9:6, 7; Мәзмурлар 72:1—8).
Аллаһын Падшаһлығы ҝәлдији заман, нифрәтлә долу мүасир дүнјаја нә олаҹаг? “Падшаһлыг” бу дүнјанын бүтүн сатгын һөкумәтләрини “парчалајаҹаг вә дағыдаҹаг” (Даниел 2:44). Мүгәддәс Китабда изаһ олунур: “Дүнја... кечиб ҝедир, амма Аллаһын ирадәсини јеринә јетирән әбәдијјән јашајыр” (1 Јәһја 2:17).
Мүгәддәс Китабда Аллаһын јени дүнјасы һаггында дејилир: “Салеһләр јери мирас алыр вә орада әбәдијјән јашајырлар” (Мәзмурлар 37:9—11, 29; Сулејманын мәсәлләри 2:21, 22). О заман нә ҝөзәл дөвр башланаҹаг! “Артыг өлүм мөвҹуд олмајаҹаг, артыг нә кәдәр, нә фәрјад, нә дә ағры олаҹагдыр” (Вәһј 21:4). Һәтта, өләнләр дириләҹәкләр вә бүтүн Јер Күрәси һәгиги ҹәннәтә чевриләҹәкдир (Јешаја 11:6—9; 35:1, 2; Һәвариләрин ишләри 24:15).
Аллаһын јени дүнјасында јашамаг үчүн, Аллаһ өјрәтдији кими, биз бир-биримизи севмәлијик (1 Салониклиләрә 4:9). Шәрг өлкәләринин бириндә Мүгәддәс Китабы өјрәнән бир киши демишди: “Мән сәбирсизликлә, Мүгәддәс Китабын вә’дләринә әсасән, һәр кәсин башга инсанлары севмәји өјрәнәҹәкләри вахты ҝөзләјирәм”. Биз, Аллаһын Өз вә’дләрини јеринә јетирәҹәјинә шүбһә етмәјә биләрик! О, дејир: “Мән сөјләдим вә јеринә јетирәҹәјәм” (Јешаја 46:11).
Анҹаг Аллаһын Падшаһлығынын рәһбәрлији алтында бу хејир-дуалара наил олмаг үчүн, сиз, бүтүн дүнјада милјонларла сәмими гәлбли инсанлар кими, чохлу билик әлдә етмәлисиниз (Јәһја 17:3). Бу һагда сизә 32 сәһифәли “Аллаһ биздән нә тәләб едир?” адлы китабча көмәк едәҹәкдир. Бундан әввәлки сәһифәдә јерләшән купону долдуруб вә сизә јахын олан үнвана ҝөндәрмәклә, бир нүсхәни сифариш един.
[2-ҹи сәһифәдә олан шәкилләр]
Снајпер вә Боснијада дәфн мәрасими: Reuters/Corbis-Bettmann