Падшаһлыг һаггында мүждә № 37

Бүтүн дүнја үчүн хәбәр

Јалан динин сону јахындыр!

▪ Јалан дин нәдир?

▪ Онун сону неҹә чатаҹаг?

▪ Бунун шәхсән сизә һансы тә’сири олаҹаг?

Јалан дин нәдир?

Динин адындан төрәдилән ҹинајәтләр сизи нараһат едирми? Аллаһа хидмәт етдикләрини иддиа едәнләр тәрәфиндән төрәдилән мүһарибәләр, террор актлары вә рүшвәтхорлуг әдаләт һиссинизә тохунурму? Нәјә ҝөрә елә тәәссүрат ојаныр ки, проблемләрин чохунун көкү мәһз диндәдир?

Бу проблемләрә ҝөрә динләрин һамысы дејил, јалныз јалан дин мәс’улијјәт дашыјыр. Бир чох иманлы инсанларын һөрмәт етдији Иса Мәсиһ билдирмишди ки, ‘пис ағаҹ чүрүк мејвә вердији’ кими, јалан дин дә пис әмәлләр доғурур (Матта 7:15-17). Бәс јалан дин һансы бәһрәләри ҝәтирир?

Јалан дин...

◼ МҮҺАРИБӘЛӘРӘ ВӘ СИЈАСӘТӘ МҮДАХИЛӘ ЕДИР: «Ејшауик» журналында дејилир: «Асијада вә башга өлкәләрдә һакимијјәт һәриси олан дини рәһбәрләр өз мәнфәәтләри үчүн утанмадан инсанларын дини һиссләриндән суи-истифадә едирләр». Журналда бунун нәтиҹәси олараг хәбәрдарлыг едилир: «Бәшәријјәт ағлыны итирир». Бирләшмиш Штатларын танынмыш дини рәһбәри билдирир: «Террор актларынын гаршысыны алмаг үчүн террористләри өлдүрмәк лазымдыр». О, һансы чыхыш јолу тәклиф едир? «Онларын һамысыны Рәббин ады наминә мәһв един». Бунун әксинә олараг Мүгәддәс Китаб дејир: «Ким десә ки, мән Аллаһы севирәм, амма өз гардашына нифрәт едирсә, о јаланчыдыр» (1 Јәһја 4:20). Иса һәтта демишди: «Дүшмәнләринизи севин» (Матта 5:44). Үзвләри мүһарибәдә иштирак едән нечә дин таныјырсыныз?

◼ ЈАЛАН ТӘ’ЛИМЛӘР ЈАЈЫР: Динләрин чоху өјрәдир ки, физики бәдән өләндә инсанын ҝөзәҝөрүнмәз һиссәси олан руһ јашамаға давам едир. Бу тә’лимин васитәсилә динләрин әксәријјәти өләнләрин руһу үчүн охунулан дуаја гијмәт тә’јин едәрәк өз үзвләрини сојурлар. Лакин Мүгәддәс Китаб башга бир тә’лими өјрәдир. «Чүнки дириләр өләҹәкләрини билир, анҹаг өлүләр һеч нә билмир» (Ваиз 9:5). Иса өлүләрин дириләҹәјини өјрәдирди, анҹаг инсанын өлмәз руһу олсајды, буна еһтијаҹ галмазды (Јәһја ­11:11-25). Сизин дининиз инсанын өлмәз руһунун олдуғуну өјрәдирми?

◼ ҸИНСИ ӘХЛАГСЫЗЛЫҒА ҜӨЗ ЈУМУР: Гәрб өлкәләриндә килсә һомосексуал киши вә гадын руһаниләрә дини рүтбә верир вә дөвләтин ејни ҹинсли шәхсләрин никаһларыны гануниләшдирмәсини тә’кид едир. Һәтта ҹинси әхлагсызлығы иттиһам едән килсәләр белә, азјашлы ушаглары позан дини рәһбәрләрә дөзүр. Бәс Мүгәддәс Китаб нә өјрәдир? Орада ачыг-ајдын дејилир: «Алданмајын: нә әхлагсызлар, нә бүтпәрәстләр, нә зинакарлар, нә кишибазлар... Аллаһын Сәлтәнәтини [Падшаһлығыны] мирас алмајаҹаглар» (1 Коринфлиләрә 6:9, 10). Ҹинси әхлагсызлыға бармагарасы бахан динләри таныјырсынызмы?

Чүрүк бәһрәләр ҝәтирән динләри ҝәләҹәкдә нә ҝөзләјир? Иса хәбәрдар етди: «Хејрли мејвә вермәјән һәр ағаҹ кәсиләр вә ода атылар» (Матта 7:19). Бәли, јалан дин мәһв едиләҹәк! Бәс бу неҹә вә нә заман баш верәҹәк? Мүгәддәс Јазыларын «Вәһј» китабынын 17 вә 18-ҹи фәсилләриндә јазылан пејғәмбәрлик ҝөрүнтүсү бу суаллара ҹаваб верир.

Јалан динин сону неҹә чатаҹаг?

Мүгәддәс Китабда тәсвир едилән бу сәһнәни тәсәввүрүнүздә ҹанландырын. Горхунҹ ҹанаварын белиндә фаһишә гадын отуруб. Ҹанаварын једди башы вә он бујнузу вар (Вәһј 17:1-4). Фаһишә кими тәмсил едир? ‘Јерин һөкмдарлары’ үзәриндә нүфуза малик олан фаһишә түндгырмызы палтара бүрүнмүш, әтирли гатран ишләдир вә һәддиндән артыг варлыдыр. Һәм дә онун ‘сеһрбазлығы илә бүтүн халглар алданырлар‘ (Вәһј 17:18; 18:12, 13, 23). Мүгәддәс Китаб бизә ајдын ҝөстәрир ки, бу фаһишә үмумдүнја дини тәшкилатдыр. О, јалныз һәр һансы бир дини дејил, чүрүк бәһрә ҝәтирән бүтүн динләри тәмсил едир.

Фаһишәнин отурдуғу ҹанавар дүнјанын бүтүн сијаси дөвләтләрини тәмсил едир (Вәһј 17:10-13)a. Јалан дин бу сијаси ҹанаварын белиндә отуруб, онун гәрарларына тә’сир ҝөстәрмәјә вә рәһбәрлијинә нәзарәт етмәјә ҹан атыр.

Лакин тезликлә гејри-ади һадисә баш верәҹәк. «Ҹанаварда ҝөрдүјүн о он бујнуз исә фаһишәјә нифрәт едиб, ону пәришан едиб, чылпаг гојаҹаглар, әтини јејәҹәкләр вә ону одла јандыраҹаглар» (Вәһј 17:16). Гәфилдән, дүнјанын сијаси дөвләтләри амансызҹасына јалан динә һүҹум едәрәк ону тамамилә мәһв едәҹәк! Онлары буна нә вадар едәҹәк? Мүгәддәс Јазыларын «Вәһј» китабы ҹаваб верир: «Аллаһ онларын үрәјинә буну салды» (Вәһј 17:17). Бәли, Онун ады илә төрәтдији бүтүн мәнфур һәрәкәтләринә ҝөрә Аллаһ јалан диндән һесабат вермәсини тәләб едәҹәк. Там әдаләтлә давранараг, Аллаһ онун сијаси мә’шугларындан Өз һөкмүнү һәјата кечирмәк үчүн аләт кими истифадә едәҹәк.

Јалан динин талејинә шәрик олмаг истәмирсинизсә, нә етмәлисиниз? Аллаһ әмр едир: «Еј халгым, орадан чыхын» (Вәһј 18:4). Инди јалан диндән гачмағын әсл вахтыдыр! Анҹаг һара гача биләрсиниз? Атеизмә јох, чүнки онун да ҝәләҹәји үмидсиздир (2 Салониклиләрә 1:6-9). Јеҝанә сығынаҹаг һәгиги диндәдир. Һәгиги дини неҹә таныја биләрсиниз?

Һәгиги дини неҹә танымаг олар?

Һәгиги дин һансы јахшы бәһрәни ҝәтирмәлидир? (Матта 7:17).

Һәгиги дин...

◼ МӘҺӘББӘТ ТӘЗАҺҮР ЕТДИРИР: Һәгиги динин үзвләри «дүнјадан дејилләр», ирги вә мәдәни ајры-сечкилик етмирләр, ‘бир-бирләринә гаршы мәһәббәт’ ҝөстәрирләр (Јәһја 13:35; 17:16; Һәвариләрин ишләри 10:34, 35). Онлар бир-бирләринә силаһ галдырмыр, әксинә уғурларында ҹанларындан кечмәјә һазырдырлар (1 Јәһја 3:16).

◼ АЛЛАҺЫН КӘЛАМЫНА Е’ТИБАР ЕДИР: Һәгиги дин ән’әнә вә «еһкам олараг инсан әмрләрини» өјрәтмир, тә’лимләрини Аллаһын Кәламы олан Мүгәддәс Китаба әсасландырыр (Матта 15:6-9). Нә үчүн? Чүнки «Һәр Мүгәддәс Јазы Аллаһдан илһам алмыш вә тә’лим, тәкзиб, ислаһ, салеһлик тәрбијәси үчүн фајдалыдыр» (2 Тимотејә 3:16).

◼ АИЛӘЛӘРИ МӨҺКӘМЛӘНДИРИР ВӘ ЈҮКСӘК ӘХЛАГ НОРМАЛАРЫНА РИАЈӘТ ЕДИР: Һәгиги дин әрләрә ‘арвадларыны, өз бәдәнләри гәдәр севмәји’, гадынлара ‘әрә еһтирам етмәји’, ушаглара исә ‘валидејнләрә итаәт етмәји’ өјрәдир (Ефеслиләрә 5:28, 33; 6:1). Бундан әлавә, мәс’улијјәт һәвалә олунан шәхсләрин әхлагы нүмунәви олмалыдыр (1 Тимотејә 3:1-10).

Бу нормалара мүвафиг ҝәлән дин вармы? 2001-ҹи илдә нәшр едилмиш «Һолокост сијасәти» китабында дејилир: «Әҝәр даһа чох инсан Јеһованын Шаһидләринин тә’лимләринә вә һәјат тәрзинә ујғун јашасајды, јәһудиләрин күтләви гырғынынын гаршысы алынар вә бир даһа дүнјада сојгырым баш вермәзди».

Һәгигәтән дә 235 өлкәдә Јеһованын Шаһидләри Мүгәддәс Китабын әхлаг нормаларыны тәкҹә тәблиғ етмир, һәм дә бу нормалара мүвафиг һәјат сүрүрләр. Биз сизи тәшвиг едирик ки, Аллаһын тәләбләрини өјрәнмәк үчүн Јеһованын Шаһидләринә мүраҹиәт едәсиниз. Бу сизә Аллаһа мәгбул тәрздә ибадәт етмәјә көмәк едәҹәк. Инди һәрәкәт етмәјин әсл вахтыдыр. Ләнҝимәјин. Јалан динин сону јахындыр! (Сефанја 2:2, 3).

Әҝәр Јеһованын Шаһидләринин тәблиғ етдији Мүгәддәс Китаба әсасланан хәбәр һаггында даһа чох мә’лумат әлдә етмәк истәјирсинизсә, ашағыда ҝөстәрилән үнванлара мүраҹиәт един.

□ Мән «Ојаг дурун!» брошүрасыны әлдә етмәк истәјирәм. Һансы дилдә истәдијинизи ҝөстәрин.

□ Мүгәддәс Китабын пулсуз олараг евдә өјрәнилмәси үчүн хаһиш едирәм мәнимлә әлагә сахлајын.

[Һашијә]

[3-ҹү сәһифәдәки шәкил]

Јалан дин ‘јерин һөкмдарлары‘ үзәриндә нүфуза маликдир

[3-ҹү сәһифәдәки шәкил]

«Еј халгым, орадан чыхын»