Һәгиги иман нәдир?

ҺӘГИГИ ИМАН садәҹә Аллаһын вар олдуғуна инанмаг демәк дејил. Бу ҝүн милјонларла инсан Аллаһа инаныр, бунунла белә, пис әмәлләрдән әл чәкмир. Бу ҹүр «иманы» сахта пула бәнзәтмәк олар. Сахта пул әсл пула охшаса да, әслиндә онун һеч бир дәјәри јохдур. Бәс һәгиги иман барәдә нә демәк олар?

Һәгиги иман Мүгәддәс Китабдакы дәгиг биликләрә әсасланыр. Аллаһдан илһам алмыш бу јазылар бизә Аллаһ һаггында һәгигәти өјрәдир вә Ону танымаға көмәк едир. Орада Онун ганунлары, вәдләри вә тәлимләри ачыгланыр. Бу тәлимләрә ашағыдакылар дахилдир:

• Аллаһ тәкдир, Ондан башга Аллаһ јохдур.

• Иса Гадир Аллаһ дејил. О, Аллаһын пејғәмбәридир.

• Аллаһын ҝөзүндә бүтпәрәстлијин һәр нөвү писдир.

• Бәшәријјәт һөкм ҝүнүнүн астанасындадыр.

• Һәјатыны итирмиш сајсыз-һесабсыз инсан Ҹәннәтдә дирилдиләҹәк.

Һәгиги иман инсаны јахшы әмәлләрә тәшвиг едир. Јахшы әмәлләр Аллаһы шәрәфләндирир, бизә вә башгаларына фајда ҝәтирир. Бу әмәлләрә ашағыдакылар дахилдир:

• Аллаһа ибадәт етмәк;

• Аллаһы разы салан хүсусијјәтләр, хүсусилә дә мәһәббәт инкишаф етдирмәк;

• пис фикирләри вә арзулары рәдд етмәк;

• сынаглара бахмајараг, Аллаһа иманы горујуб сахламаг;

• башгаларына Аллаһ һаггында өјрәтмәк.

Һәгиги имана неҹә саһиб олмаг олар?

Аллаһдан көмәк диләјин. Муса пејғәмбәр дуасында Аллаһа демишди: «Хаһиш едирәм, јолларыны мәнә ач, гој Сәни јахшы таныјым вә бундан сонра да Сәни разы салым»a. Аллаһ онун дуасыны ҹавабсыз гојмады. Муса әсл иман нүмунәсидир. Аллаһ сизә дә һәгиги имана саһиб олмаға көмәк едәҹәк.

Мүгәддәс Китабы арашдырмаг үчүн вахт ајырын. Аллаһдан илһам алмыш Јазылар — Төврат, Зәбур вә Инҹил Мүгәддәс Китаба дахил олуб, дүнјада ән чох дилә тәрҹүмә олунмуш вә ҝениш јајылмыш китабдыр. Бу китаб сиздә вар?

Аллаһын Кәламындакы мәсләһәтләри һәјатынызда тәтбиг един. Иманы әзәлә илә мүгајисә етмәк олар. Әзәләнин инкишаф етмәси үчүн ону мәшг етдирмәк лазымдыр. Ејнилә, сиз иманыныза ујғун даврандыгҹа иманыныз артаҹаг. Белә етмәклә Аллаһын мәсләһәтләринин һәјатыныза фајда ҝәтирдијини ҝөрәҹәксиниз. Һәгигәтән дә, Мүгәддәс Китабдакы фајдалы мәсләһәтләр инсанларын һәјатыны јахшылыға доғру дәјишир. Ҝәлин бир нечә нүмунәни нәзәрдән кечирәк.