Әдән бағында һәјат неҹә иди?

Јеһова Аллаһ Адәмлә Һәвваја чохлу ҝөзәл шејләр вермишди (Јарадылыш 1:28).

Јеһова илк гадыны — Һәвваны јарадыб Адәмин јанына ҝәтирди вә Һәвва Адәмин арвады олду (Јарадылыш 2:21, 22).

Јеһова илк инсанлара камил, јәни гүсурсуз бәдән вә шүур вермишди.

Онлар ҹәннәтдә — Әдән бағында јашајырдылар. Бу, чох ҝөзәл бағ иди. Орада чајлар ахырды, чохлу мејвә ағаҹлары битирди вә ҹүрбәҹүр һејванлар вар иди.

Јеһова онларла данышырды вә онлары өјрәдирди. Адәмлә Һәвва Аллаһа гулаг ассајдылар, бу ҹәннәтдә әбәди јашајаҹагдылар.

Аллаһ онлара јалныз бир ағаҹын мејвәсиндән јемәји гадаған етмишди (Јарадылыш 2:16, 17).

Мәләкләрдән бири Аллаһа гаршы чыхды. Бу пис мәләк Шејтан Иблисдир.

Јеһова Адәмлә Һәвваја бағда битән ағаҹлардан бирини ҝөстәрди вә деди ки, әҝәр ондан јесәләр, өләҹәкләр.

Шејтан Адәмлә Һәвванын Јеһоваја табе олмаларыны истәмирди. Буна ҝөрә дә, о, иландан истифадә едәрәк Һәвваја деди ки, әҝәр о, һәмин ағаҹын мејвәсиндән јесә, өлмәјәҹәк, әксинә, Аллаһ кими олаҹаг. Әлбәттә, бу, јалан иди (Јарадылыш 3:1—5).