Һиссә 9

Јер күрәси нә заман Ҹәннәтә чевриләҹәк?

Јер үзүндә бу гәдәр әзаб-әзијјәтләрин олмасы сүбут едир ки, Аллаһын Падшаһлығы тезликлә бөјүк дәјишикликләр едәҹәк (Лука 21:10, 11; 2 Тимутијә 3:1—5).

Ахырзамана аид әламәтләр-гумар, мүһарибә, хәстәлик, аҹлыг, валидејнләрә итаәтсизлик, мәишәт зоракылығы

Мүгәддәс Китабда габагҹадан дејилмишди ки, бизим ҝүнләрдә инсанлар пулпәрәст, гәддар олаҹаг, әјләнҹәни даһа чох севәҹәк вә валидејнләринә гулаг асмајаҹаглар.

Һәмчинин орада бөјүк зәлзәләләрин, мүһарибәләрин, аҹлығын олаҹағы вә хәстәликләрин ҝениш јајылаҹағы дејилмишди. Бүтүн бунларын баш вердијини бу ҝүн биз өз ҝөзләримизлә ҝөрүрүк.

Бир Јеһованын Шаһиди Аллаһын Падшаһлығы һагда мүждәни кишијә чатдырыр

Иса һәмчинин демишди ки, Падшаһлыг һаггында хош хәбәр бүтүн дүнјада тәблиғ олунаҹаг (Мәтта 24:14).

Аллаһын Падшаһлығы бүтүн писликләри арадан галдыраҹаг (2 Бутрус 3:13).

Пис инсанлар Армаҝеддонда мәһв олаҹаг, сонра Шејтан вә ҹинләри ҹәзаланаҹаг

Тезликлә Јеһова Аллаһ писләрин һамысыны мәһв едәҹәк.

Шејтан вә онун ҹинләри өз ҹәзаларыны алаҹаглар.

Иса ҝөјдә тахтында отуруб, мүхтәлиф мәншәли инсанлар севинҹ ичиндәдир

Аллаһа гулаг асан инсанлар сағ галыб салеһлијин һөкм сүрәҹәји јени дүнјада јашајаҹаглар. Орада горху олмајаҹаг. Бүтүн инсанлар бир-бирини севәҹәк вә бир-биринә етибар едәҹәкләр.