Кечмишдән нүмунә. Јагуб
Узун илләр боју Јагубла гардашы Есав күсүлү олублар. Есавын Јагубу ҝөрәси ҝөзү јох иди. Јагубун һеч бир ҝүнаһы олмаса да, араларындакы ҝәрҝинлији һәлл етмәк үчүн илк аддымы о, өзү атды. О, ҝүзәштә ҝетмәјә һазыр иди. Онун мәгсәди мүнагишәдә гәләбә газанмаг јох, гардашыны газанмаг иди. Јагуб өз принсипләринә зидд ҝетмирди, бунунла белә, гардашынын ондан үзр истәмәсини дә тәләб етмирди (Јарадылыш 25:27—34; 27:30—41; 32:3—22; 33:1—9).
Аилә үзвләринлә проблемләр јарананда сән онлары неҹә һәлл едирсән? Бәзән сәнә елә ҝәлә биләр ки, тамамилә һаглысан, баҹы-гардашын вә ја ата-анан исә тамамилә сәһвдир. Белә вәзијјәтдә сән онларын илк аддым атмаларыны ҝөзләјирсән? Јохса, Јагуб кими давранырсан? Әҝәр Мүгәддәс Китаб принсипләри позулмурса, әмин-аманлыг наминә ҝүзәштә ҝетмәјә һазырсанмы? (1 Петер 3:8, 9). Јагуб јол вермәди ки, гүруру онун аиләсини парчаласын. Әксинә, тәвазөкарлыг ҝөстәрди вә гардашыны газанды. Бәс сән неҹә давранаҹагсан?