Кечмишдән нүмунә. Рут

Рут садиглијә даир ҝөзәл нүмунә гојуб. О, әринин өлүмүндән сонра өз евинә гајыдыб раһат һәјат јашамаг әвәзинә, јашлы гајынанасы Наоминин јанында галмаг гәрарына ҝәлди. Әлбәттә, Рут белә бир сечими етмәклә әрә ҝетмәк шансыны итирә биләрди, анҹаг о, һәмин ан јалныз өзүнү дүшүнмүрдү. Онун үчүн Наомијә олан мәһәббәти вә Јеһованын халгы илә бирҝә олмаг истәји әрә ҝетмәк истәјиндән даһа бөјүк әһәмијјәт кәсб едирди (Рут 1:8—17).

Сән аилә гурмаг барәдә дүшүнүрсән? Онда Рутдан нүмунә ҝөтүр. Һиссләрини бир кәнара гојуб ҝәләҹәк һәјат јолдашыны хошбәхт едәҹәк һансы мүсбәт кејфијјәтләрә малик олдуғун барәдә дүшүн. Мәсәлән: сәндә садиглик вә фәдакарлыг кими кејфијјәтләр вармы? Ҝүнаһлы бәдәнин сәни әксинә һәрәкәт етмәјә тәһрик етсә белә, Аллаһын принсипләринә бағлы галырсанмы? Рут нәјин баһасына олурса-олсун, аилә гурмаға ҹан атмырды. Лакин бир мүддәтдән сонра о, өзү кими јүксәк кејфијјәтләрә малик, јеткин — ән әсасы, Аллаһы севән бир инсана раст ҝәлди. Ејнилә, сән дә буна үмид едә биләрсән.