Ҝәләҹәк барәдә нә фикирләширсиниз?

МҮГӘДДӘС КИТАБДА НӘ ДЕЈИЛИР?

«Аллаһ инсанларын ҝөзләриндән бүтүн јашлары силәҹәк. Артыг өлүм олмајаҹаг. Нә дәрд, нә фәрјад, нә дә ағры олмајаҹаг, чүнки әввәлки шејләр кечиб ҝетди» (Инҹил, Вәһј 21:4).

БУ СИЗИН ҮЧҮН НӘ МӘНА КӘСБ ЕДИР?

Мәналы вә севинҹ ҝәтирән иш (Пејғәмбәрләрин китабы, Әшија 65:21—23).

Хәстәлијин вә ағры-аҹынын олмајаҹағы һәјат (Пејғәмбәрләрин китабы, Әшија 25:8; 33:24).

Доғмаларынызын вә достларынызын әһатәсиндә хошбәхт әбәди һәјат (Зәбур 37:11, 29).

МҮГӘДДӘС КИТАБДА ДЕЈИЛӘНЛӘРӘ ИНАНМАГ ОЛАРМЫ?

Бәли, олар, ән азы ики сәбәбә ҝөрә:

• Аллаһ Өз вәдләрини јеринә јетирмәјә гадирдир. Мүгәддәс Китабда јалныз Јеһова Аллаһ «Гүдрәт Саһиби» адланыр, чүнки Онун ҝүҹүнүн һәдди-һүдуду јохдур (Инҹил, Вәһј 15:3). Елә буна ҝөрә дә О, јер үзүндәки шәраити јахшылыға доғру дәјишәҹәјинә даир вәдини һәјата кечирмәјә гадирдир. Мүгәддәс Китабда дејилдији кими, «Аллаһ үчүн һәр шеј мүмкүндүр» (Инҹил, Мәтта 19:26).

• Аллаһ вәдини јеринә јетирмәк истәјир. Мәсәлән, Мүгәддәс Китабда дејилир ки, Аллаһ өлән инсанларын һәсрәтини чәкир вә онлары һәјата гајтараҹағы вахты ҝөзләјир (Пејғәмбәрләрин китабы, Әјјуб 14:14, 15).

  Һәмчинин Мүгәддәс Китабда јазылыб ки, Иса пејғәмбәр хәстәләрә шәфа верирди. Бәс о, нәјә ҝөрә белә хејирхаһ әмәлләр ҝөрүрдү? Чүнки бу, онун үрәјиндән ҝәлирди (Инҹил, Марк 1:40, 41). Аллаһа-Таала кими, Иса пејғәмбәр дә еһтијаҹы оланлара јардым етмәк истәјирди (Инҹил, Јәһја 14:9).

  Бәли, Јеһова Аллаһ бизим хошбәхт ҝәләҹәјә говушмағымыза көмәк етмәк истәјир! (Зәбур 145:16; Инҹил, 2 Бутрус 3:9).