ЧӘРЧИВӘ 19Б
Булаг чаја чеврилир
Һизгијал Јеһованын мәбәдиндән чыхан сујун ахыб јаваш-јаваш дәринләшдијини, һарадаса бир километр јарымдан сонра исә бөјүк чаја чеврилдијини ҝөрүр. Чајын кәнарында барлы, шәфалы ағаҹлар вар иди. Бунун мәнасы нәдир?
Немәтләр ҝәтирән чај
ГӘДИМДӘ: Әсир јәһудиләр вәтәнә гајыдандан сонра мәбәддә пак ибадәти бәрпа етдикҹә Јеһова онлара немәтләр јағдырырды
МҮАСИР ДӨВРДӘ: 1919-ҹу илдән пак ибадәт бәрпа олду, бунунла да Аллаһ садиг бәндәләринә ҝөрүнмәмиш руһани немәтләр вермәјә башлады
ҜӘЛӘҸӘКДӘ: Армаҝеддондан сонра Јеһова һәм физики, һәм дә руһани немәтләр јағдыраҹаг
Һәјат верән сулар
ГӘДИМДӘ: Итаәткар инсанларын сајы артдыгҹа Јеһованын немәтләри дә артырды вә онлары руһани фираванлыға говушдурурду
МҮАСИР ДӨВРДӘ: Руһани ҹәннәтдә ҝетдикҹә даһа чох инсан Јеһованын ҝүнү-ҝүндән артан руһани немәтләриндән јарарланыр вә руһани мәнада ҹанланыр
ҜӘЛӘҸӘКДӘ: Милјонларла инсан дириләрәк Армаҝеддондан сағ чыханларла бирҝә јашајаҹаг. Јеһова һәр кәсә бол-бол немәтләр верәҹәк
Бар ҝәтирән шәфалы ағаҹлар
ГӘДИМДӘ: Јеһова садиг бәндәләрини вәтәнләриндә руһани ҹәһәтдән гидаландырырды, һәмчинин онлара узун сүрән руһани хәстәликдән шәфа верирди
МҮАСИР ДӨВРДӘ: Бу ҝүн руһани гида еһтијаты инсанлары дүнјада ҝениш јајылмыш руһани хәстәликдән вә аҹлыгдан горујур
ҜӘЛӘҸӘКДӘ: Мәсиһ вә онун 144 000 һәмвариси итаәткар инсанлары камиллијә чатдыраҹаг, онлара әбәди сағламлыг вә ҝүмраһлыг бәхш едәҹәк