Мәләкләр барәдә нә билирик?

Јеһова истәјир ки, биз Онун сәмави аиләсини таныјаг. Бу аилә мәләкләрдән ибарәтдир. Онлар «Аллаһ оғуллары» адланыр (Әјјуб 38:7). Мүгәддәс Китабда мәләкләр барәдә нә јазылыб? Инсанларын һәјатында онларын һансы ролу вар? Мәләкләрин һамысы Аллаһын аиләсинә дахилдир?

1. Мүгәддәс Китабда мәләкләр барәдә нә јазылыб?

Јеһова Јер күрәсини јаратмаздан габаг мәләкләри хәлг етмишди. Онлар да, Јеһова Аллаһ кими, ҝөзәҝөрүнмәз руһани варлыглардыр. Онларын мәскәни ҝөјләрдир (Ибраниләрә 1:14). Мәләкләрин сајы милјонларладыр вә һәр бири бир-бириндән фәргләнир (Вәһј 5:11). Онлар Јеһованын «сөзүнү ешидиб» әмәл едирләр (Зәбур 103:20). Гәдимдә Јеһова мәләкләри васитәсилә халгына хәбәр чатдырырды, онлара көмәк едирди вә бәлалардан гуртарырды. Бу ҝүн исә мәләкләр мәсиһиләрә Аллаһ һаггында өјрәнмәк истәјән инсанлары тапмаға көмәк едир.

2. Шејтан вә ҹинләр һагда нә билирик?

Бәзи мәләкләр Јеһоваја садиг галмады. Аллаһдан үз дөндәрән илк мәләк «Иблис вә Шејтан» адыны газаныб. Мүгәддәс Китабда дејилир ки, о, бүтүн дүнјаны алдадыр (Вәһј 12:9). Шејтан истәјирди ки, башгалары үзәриндә һөкмранлыг етсин. Елә бу мәгсәдлә о, Адәмлә Һәвваны Аллаһа гаршы галдырды. Һәтта сонрадан бәзи мәләкләри дә өз тәрәфинә чәкди. Бу үсјанкар мәләкләр ҹинләр адланыр. Јеһованын әмри илә онлар ҝөјдән јерә атылды. Бу шәр мәләкләр тамамилә мәһв едиләҹәкләр. (Вәһј 12:9, 12 ајәләрини охујун.)

3. Шејтан вә ҹинләр инсанлары неҹә алдадыр?

Шејтан вә ҹинләр инсанлары ҹиндарлыгла алдадыр. Ҹиндарлыг дејилдикдә руһларла әлагә јаратмаг нәзәрдә тутулур. Бу, ҝүнаһ ишдир. Бәзи инсанлар мәсләһәт үчүн фалчылара, екстрасенсләрә, ҹадуҝәрләрә, јухујозма китабларына, улдуз фалына үз тутур. Бир башгалары исә ҹиндарлыгла әлагәси олан мүалиҹә үсулларындан истифадә едир. Ҹинләр һәмчинин инсанлары инандырыр ки, ҝуја инсан өлү илә даныша биләр. Амма Јеһова хәбәрдарлыг едир: «Ҹиндарлара үз тутуб, бахыҹы јанына ҝедиб өзүнүзү мурдарламајын» (Лавилиләр 19:31). Јеһова бизи Шејтан вә ҹинләрдән горумаг үчүн бу хәбәрдарлығы верир. Онлар Аллаһын дүшмәнләридир вә бизә зәрәр вурмаг истәјирләр.

Д Ә Р И Н Л И Ј Ә  В А Р Ы Н

4. Мәләкләр инсанлара Јеһова һагда өјрәнмәјә көмәк едир

Мәләкләр инсанлара бирбаша тәблиғ етмир. Онлар Аллаһын хидмәтчиләринә көмәк едирләр ки, Аллаһ һагда өјрәнмәк истәјән инсанлары тапсынлар. Вәһј 14:6, 7 ајәләрини охујун вә нөвбәти суаллары мүзакирә един:

• Нәјә ҝөрә тәблиғ ишиндә мәләкләрин көмәјинә еһтијаҹымыз вар?

• Мәләкләр сизә Аллаһы ахтаран инсанлары тапмаға көмәк едәҹәк. Буну билмәк сиздә һансы һиссләри доғурур?

5. Ҹиндарлыгдан узаг дурун

Шејтан вә ҹинләр Јеһованын дүшмәнидир. Демәли, бизим дә дүшмәнимиздир. Лука 9:38—42 ајәләрини охујун вә нөвбәти суалы мүзакирә един:

• Ҹинләр инсанларла неҹә давраныр?

Биз ҹинләрин тәсири алтына дүшмәк истәмирик. Ганунун тәкрары 18:10—12 ајәләрини охујун вә нөвбәти суаллары мүзакирә един:

• Ҹинләр һансы үсулларла бизи тәсир алтына салмаг вә ја бизимлә әлагә јаратмаг истәјир? Јашадығыныз әразидә һансы үсуллар ҝениш јајылыб?

• Сизҹә, нәјә ҝөрә Јеһованын ҹиндарлығы гадаған етмәси дүзҝүндүр?

ВИДЕОЈА бахын вә нөвбәти суаллары мүзакирә един:

ВИДЕО: «Иблисә мүгавимәт ҝөстәрин» (5:02)

• Сизҹә, Балесанын гызынын биләјиндәки һәмаил зәрәрли иди? Нәјә ҝөрә белә дүшүнүрсүнүз?

• Шәр руһлардан горунмаг үчүн Балеса нә етмәли иди?

Әсл мәсиһиләр һәмишә ҹинләрә гаршы дурублар. Һәвариләрин ишләри 19:19 вә 1 Коринфлиләрә 10:21 ајәләрини охујун. Сонра нөвбәти суалы мүзакирә един:

• Әҝәр сиздә ҹиндарлыгла әлагәли әшја варса, нәјә ҝөрә ону мәһв етмәк лазымдыр?

6. Шејтан вә ҹинләрлә мүбаризәдә галиб ҝәлин

Ҹинләр Шејтанын табелијиндәдир. Садиг мәләкләр исә баш мәләк Микајылын табелијиндәдир. Микајыл Иса Мәсиһин диҝәр адыдыр. Ҝәлин ҝөрәк Микајыл мәләк нә дәрәҹәдә ҝүҹлүдүр. Вәһј 12:7—9 ајәләрини охујун вә нөвбәти суаллары мүзакирә един:

• Ким даһа ҝүҹлүдүр: Микајыл вә мәләкләри, јохса Шејтан вә ҹинләри?

• Сизҹә, Исанын давамчылары Шејтан вә ҹинләрдән горхмалыдыр?

Сиз Шејтан вә ҹинләрлә мүбаризәдә галиб ҝәлә биләрсиниз. Јагуб 4:7 ајәсини охујун вә нөвбәти суалы мүзакирә един:

• Өзүнүзү Шејтан вә ҹинләрдән неҹә горуја биләрсиниз?

ИҸМАЛ

Садиг мәләкләр бизә көмәк едир. Шејтан вә ҹинләр Јеһованын дүшмәнидир. Онлар ҹиндарлыг васитәсилә инсанлары алдадыр.

Тәкрар

• Мәләкләр инсанлара Јеһова һагда өјрәнмәјә неҹә көмәк едир?

• Шејтан вә ҹинләр һагда нә билирик?

• Сиз нә үчүн ҹиндарлыгдан узаг дурмаг истәјирсиниз?

Ә Л А В Ә  М Ә Л У М А Т

Иса Мәсиһин баш мәләк Микајыл олдуғуну тәсдиг едән сүбутларла таныш олун.

«Баш мәләк Микајыл кимдир?» (интернет мәгаләси)

Шејтанын реал варлыг олдуғуна һансы сүбутлар вар?

«Шејтан вармы?» (интернет мәгаләси)

Ҝөрүн бир гадын ҹинләрин тәсириндән неҹә јаха гуртарды.

«О, һәјатын мәнасыны тапды» («Ҝөзәтчи гүлләси», 1 ијул 1993)

Шејтан ҹиндарлыг васитәсилә инсанлары неҹә алдадыр?

«Сеһрбазлыг, овсун вә ҹаду һагда һәгигәт» («Әбәди һәјата апаран јолу тапмысанмы?», һиссә 5)