Иса Мәсиһин өлүмү хиласа неҹә јол ачды?

Адәмлә Һәвва Аллаһын итаәтиндән чыхдығы үчүн биз ҝүнаһ ишләјир, әзаб-әзијјәт чәкир вә өлүрүкa. Амма вәзијјәт үмидсиз дејил. Јеһова Аллаһ бизи ҝүнаһ вә өлүмдән хилас етмәк үчүн тәдбир ҝөрдү: Иса Мәсиһи јер үзүнә ҝөндәрди ки, уғрумузда һәјатыны гурбан версин. Мүгәддәс Китабда дејилир ки, Исанын өлүмү илә фидјә әлдә олунду. Фидјә кимисә азад етмәк үчүн өдәнилән дәјәрдир. Исанын өдәдији дәјәр онун камил инсан һәјаты иди. (Мәтта 20:28 ајәсини охујун.) Иса көнүллү сурәтдә јер үзүндә әбәди јашамаг һүгугундан имтина етди. Бунун сајәсиндә биз Адәмлә Һәвванын итирдији һәр шеји јенидән әлдә едә биләрик. Фидјә һәмчинин Исанын вә Јеһованын бизи нә гәдәр чох севдијини ҝөстәрир. Бу дәрс сизә Иса Мәсиһин өлүмүнүн маһијјәтини дәриндән баша дүшмәјә көмәк едәҹәк.

1. Иса Мәсиһин өлүмү сајәсиндә бу ҝүн нә әлдә едирик?

Ҝүнаһлы олдуғумуз үчүн Јеһованын гаршысында чохлу сәһвләр едирик. Бунунла белә, биз Аллаһла дост ола биләрик. Бир шәртлә ки, ҝүнаһларымыза ҝөрә үрәкдән төвбә едәк, Јеһовадан Иса Мәсиһ васитәсилә бизи бағышламасыны диләјәк вә һәмин ҝүнаһлары бир даһа тәкрарламамаг үчүн вар ҝүҹүмүзлә чалышаг (1 Јәһја 2:1). Мүгәддәс Китабда дејилир: «Салеһ инсан олан Мәсиһ дә гејри-салеһләрин уғрунда ҝүнаһлардан өтрү бир дәфә өлдү ки, сизи Аллаһа јахынлашдырсын» (1 Бутрус 3:18).

2. Иса Мәсиһин өлүмү сајәсиндә ҝәләҹәкдә нә әлдә едәҹәјик?

Јеһова Иса Мәсиһи ҝөндәрди ки, камил инсан һәјатыны гурбан версин. «Буну она ҝөрә етди ки, она [Исаја] иман едәнләр мәһв олмасын, онларын әбәди һәјаты олсун» (Јәһја 3:16). Исанын бу фәдакарлығы сајәсиндә Јеһова Адәмин итаәтсизлији уҹбатындан бәшәријјәтә дәјмиш бүтүн зәрәри тезликлә арадан галдыраҹаг. Бу о демәкдир ки, Иса Мәсиһин гурбанлығына иман етсәк, јер үзү ҹәннәтдә әбәдијјән хошбәхт јашајаҹағыг! (Әшија 65:21—23).

Д Ә Р И Н Л И Ј Ә  В А Р Ы Н

3. Иса Мәсиһин өлүмү бизи ҝүнаһ вә өлүмдән азад едир

ВИДЕО: «Аллаһ Иса пејғәмбәрин өлүмүнә нә үчүн јол верди?» (I һиссә) (2:01)

• Аллаһа итаәтсизлик етмәклә Адәм һансы имканы итирди?

Ромалылара 5:12 ајәсини охујун вә нөвбәти суалы мүзакирә един:

• Адәмин ҝүнаһынын сизин һәјатыныза һансы тәсири вар?

Јәһја 3:16 ајәсини охујун вә нөвбәти суалы мүзакирә един:

• Јеһова Оғлуну јер үзүнә нәјә ҝөрә ҝөндәрди?

1. А) Адәм камил инсан иди. О, Аллаһын итаәтиндән чыхды, беләҹә, бәшәријјәти ҝүнаһ вә өлүмә дүчар етди

2. Б) Иса Мәсиһ камил инсан иди. О, Аллаһа итаәт етди, беләҹә, инсанларын камиллијә вә әбәди һәјата говушмасына јол ачды

4. Иса Мәсиһин өлүмү бүтүн бәшәријјәтә фајда ҝәтирир

ВИДЕО: «Аллаһ Иса пејғәмбәрин өлүмүнә нә үчүн јол верди?» (II һиссә) (2:00)

• Неҹә ола биләр ки, бир нәфәрин өлүмү бүтүн бәшәријјәтә фајда версин?

1 Тимутијә 2:5, 6 ајәләрини охујун вә нөвбәти суалы мүзакирә един:

• Адәм камил инсан иди. О, бәшәријјәти ҝүнаһ вә өлүмә дүчар етди. Иса да камил инсан иди. Нәјә ҝөрә Исанын өдәдији фидјә мүвафиг фидјә иди вә бунун сајәсиндә нә әлдә едилди?

5. Фидјә Јеһованын сизә әнамыдыр

Јеһованын достлары фидјәјә шәхсән өзләринә верилмиш бир әнам кими бахырлар. Галатијалылара 2:20 ајәсини охујун вә нөвбәти суалы мүзакирә един:

• Нәдән ҝөрүнүр ки, Булус фидјәјә шәхсән она верилмиш бир әнам кими бахырды?

Адәм ҝүнаһ ишләјәндә һәм о, һәм дә бүтүн өвладлары өлүмә мәһкум олунду. Анҹаг Јеһова Оғлуну јер үзүнә ҝөндәрди ки, ҹаныны гурбан версин вә бунун сајәсиндә сиз әбәди јашаја биләсиниз.

Нөвбәти ајәләри охујаркән тәсәввүр един, Оғлу әзаб чәкәндә Јеһова һансы һиссләри кечирмишди. Јәһја 19:1—7, 16—18 ајәләрини охујун вә нөвбәти суалы мүзакирә един:

• Јеһованын вә Исанын сизин үчүн етдикләри үзәриндә дүшүнәндә һансы һиссләри кечирирсиниз?

ИҸМАЛ

Иса Мәсиһин өлүмү ҝүнаһларымызы бағышламаг үчүн Јеһоваја әсас верди вә әбәди хошбәхт һәјата јол ачды.

Тәкрар

• Иса нәјә ҝөрә өлдү?

• Нә үчүн Исанын өдәдији фидјә мүвафиг фидјә иди вә бунун сајәсиндә нә әлдә едилди?

• Исанын өлүмү шәхсән сизин гаршынызда һансы имканы ачыр?

Ә Л А В Ә  М Ә Л У М А Т

Нәјә ҝөрә Исанын камил инсан һәјаты фидјә адланыр?

«Иса Мәсиһин һәјатыны гурбан вермәси “чохлары уғрунда” неҹә фидјә олду?» (интернет мәгаләси)

Ҝүнаһдан вә өлүмдән хилас олмаг үчүн нә етмәлијик?

«Иса Мәсиһ Хиласкардыр. Бу нә демәкдир?» (интернет мәгаләси)

Јеһова ағыр ҝүнаһлары да бағышлајыр?

«Мүгәддәс Јазылара аид суаллара ҹаваб» («Ҝөзәтчи гүлләси», 1 мај 2013)

Фидјә барәдә өјрәнмәк бир нәфәрә һәјат тәрзини дәјишмәјә неҹә көмәк еди?

«Даһа зоракылығын гулу дејиләм» (интернет мәгаләси)