ДӘРС 34

Јеһова Аллаһа севҝимизи неҹә ҝөстәрә биләрик?

Чап версијасы

Јәгин, Мүгәддәс Китабы өјрәнмәјә башлајандан Аллаһа мәһәббәтиниз артыб. Онунла достлуғунузу даһа да мөһкәм етмәк истәјәрдиниз? Онда унутмајын ки, Јеһоваја севҝинизи нә гәдәр чох ҝөстәрсәниз, О да сизи бир о гәдәр чох севәҹәк, гајғыныза бир о гәдәр чох галаҹаг. Јеһоваја мәһәббәтинизи неҹә ҝөстәрә биләрсиниз?

1. Јеһоваја севҝимизи неҹә ҝөстәрә биләрик?

Јеһованы севдијимизи Она итаәт етмәклә ҝөстәририк. (1 Јәһја 5:3 ајәсини охујун.) Јеһова һеч кәси Она итаәт етмәјә мәҹбур етмир. О, һәр бир инсана имкан верир ки, итаәт едиб-етмәјәҹәјинә өзү гәрар версин. Чүнки Јеһова бизим Она үрәкдән итаәт етмәјимизи истәјир (Ромалылара 6:17). Јәни Јеһова истәјир ки, сиз мәҹбуријјәтдән јох, севҝидән ирәли ҝәләрәк Она итаәт едәсиниз. Бу китабын 3 вә 4-ҹү бөлмәси сизә көмәк едәҹәк ки, Јеһоваја мәһәббәтинизи әмәлдә ҝөстәрәсиниз, јәни Она хош ҝедән ишләр ҝөрәсиниз, ағыр ҝедән әмәлләрдән исә узаг дурасыныз.

2. Јеһованы севдијимизи ҝөстәрмәк нәјә ҝөрә чәтин ола биләр?

«Салеһин дәрди-сәри чох олар» (Зәбур 34:19). Һәр биримиз ҝүнаһлы тәбиәтимизлә мүбаризә апарырыг. Үстәлик, мадди сыхынты, әдаләтсизлик вә диҝәр проблемләрлә үзләширик. Чәтинликлә үзләшәндә Јеһованын истәдији кими давранмаг елә дә асан олмаја биләр. Чүнки јанлыш шеји етмәк даһа раһат ола биләр. Амма Јеһованын бујурдуғу кими даврансаныз, Ону һәр шејдән чох севдијинизи ҝөстәрәҹәксиниз, һәмчинин Она садиг олдуғунузу сүбут едәҹәксиниз. Јеһова да сизә сәдагәт ҝөстәрәҹәк. Һеч вахт сизи атмајаҹаг. (Зәбур 4:3 ајәсини охујун.)

ДӘРИНЛИЈӘ ВАРЫН

Ҝөрүн итаәткарлығыныз нәјә ҝөрә Јеһова үчүн ваҹибдир вә Она садиг галмаға сизә нә көмәк едә биләр.

3. Сизә аидијјәти олан мәсәлә

«Әјјуб» китабына әсасән, Шејтан һәм Әјјуба гаршы, һәм дә Јеһоваја ибадәт етмәк истәјән һәр кәсә гаршы иттиһам ирәли сүрдү. Әјјуб 1:1, 6—2:10 ајәләрини охујун вә нөвбәти суаллары мүзакирә един:

Шејтанын иддиасына әсасән, Әјјуб Јеһоваја нәјә ҝөрә итаәт едирди? (Әјјуб 1:9—11 ајәләринә бахын.)
Шејтан бүтүн инсанлары, еләҹә дә сизи нәдә иттиһам едир? (Әјјуб 2:4 ајәсинә бахын.)

Әјјуб 27:5б ајәсини охујун вә нөвбәти суалы мүзакирә един:

Әјјуб Јеһованы үрәкдән севдијини неҹә сүбут етди?

Шејтан Јеһоваја мејдан охујур. Бәдәни чибанла долу олан Әјјубун вә мүасир дөврдә Јеһоваја хидмәт едән баҹынын сәдагәтини суал алтына алыр. — Әјјуб Јеһоваја садиг галараг Ону севдијини сүбут етди

Биз Јеһоваја садиг галараг Ону севдијимизи сүбут едирик

4. Јеһованын гәлбини севиндирин

Мәсәлләр 27:11 ајәсини охујун вә нөвбәти суаллары мүзакирә един:

Сиз һикмәтли олуб Јеһоваја итаәт едәндә О нә һисс едир? Нәјә ҝөрә?

5. Јеһоваја садиг галмаг мүмкүндүр

Јеһованы севириксә, инсанлара Онун һаггында данышаҹағыг. Она садигиксә, асан олмајанда да буну едәҹәјик. ВИДЕОЈА бахын вә нөвбәти суаллары мүзакирә един:

ВИДЕО: «Сынаглар заманы иманынызы мүдафиә един» (5:09)

Јеһова барәдә башгаларына данышмаг сизә чәтин ҝәлир?
Грејсона горхуларыны ашмаға нә көмәк етди?

Јеһованын севдији шејләри севиб, нифрәт етдији шејләрә нифрәт едәндә Она садиг галмаг даһа асан олур. Зәбур 97:10 ајәсини охујун вә нөвбәти суаллары мүзакирә един:

Өјрәндикләринизә әсасән, Јеһова нәләри севир? Бәс нәләрә нифрәт едир?
Јахшылығы севмәји, пислијә исә нифрәт етмәји неҹә өјрәнә биләрсиниз?

6. Јеһоваја итаәт етмәк бизим хејримизәдир

Јеһоваја итаәт етмәк һәмишә хејир ҝәтирир. Әшија 48:17, 18 ајәләрини охујун вә нөвбәти суаллары мүзакирә един:

Јеһованын гајда-ганунларынын бизим хејримизә олдуғуна инанырсыныз? Нәјә ҝөрә белә дүшүнүрсүнүз?
Мүгәддәс Китабы өјрәнмәјин вә Јеһова Аллаһы танымағын һансы фајдасыны ҝөрмүсүнүз?

БӘЗИ ИНСАНЛАР СОРУШУР: «Јәни мән Аллаһы өз әмәлләримлә севиндирә биләрәм?»