Гәрарларынызла Аллаһы севиндирин

Һәр биримиз гәрарлар вермәли олуруг. Чох вахт вердијимиз гәрарлар һәм бизә, һәм дә Јеһова илә достлуғумуза тәсир едир. Ола билсин, гәрар вермәлијик ки, һарада јашајаг, өзүмүзү неҹә доландыраг, аилә гураг, јохса гурмајаг. Вердијимиз гәрарлар дүзҝүн оланда һәм биз хошбәхт олуруг, һәм дә Јеһова разы галыр.

1. Гәрар верәндә Мүгәддәс Китаб сизә неҹә көмәк едә биләр?

Гәрар вермәздән әввәл дуа едиб Јеһовадан көмәк истәјин вә Онун мәсәләјә мүнасибәтини билмәк үчүн Мүгәддәс Китабы арашдырын. (Мәсәлләр 2:3—6 ајәләрини охујун.) Мүәјјән һаллара аид Мүгәддәс Китабда конкрет ганунлар тапаҹагсыныз. Белә олан һалда, бу ганунлара табе олмаг ән дүзҝүн гәрар олар.

Бәс әҝәр Мүгәддәс Китабда һансыса мәсәләјә аид ганун јохдурса, онда нә етмәк олар? Һәтта бу һалда белә, Јеһова сизә ҝетмәли олдуғунуз јолу ҝөстәрәҹәк (Әшија 48:17). О буну Кәламындакы принсипләр васитәсилә едәҹәк. Принсип дедикдә Аллаһын фикирләрини вә һиссләрини бизә ачан әсас, рәһбәр идеја нәзәрдә тутулур. Чох вахт Мүгәддәс Китабдан һансыса парчаны охујанда Аллаһын мүәјјән мәсәләјә мүнасибәтини өјрәнирик. Јеһованын мүнасибәтини баша дүшәндә исә Ону разы салан гәрарлар верә билирик.

2. Гәрар гәбул етмәздән әввәл нәләри нәзәрә алмаг лазымдыр?

Мүгәддәс Китабда дејилир: «Узагҝөрән һәр аддымыны өлчүб-бичәр» (Мәсәлләр 14:15). Бу о демәкдир ки, гәрар вермәздән әввәл гаршымыздакы вариантлары ҝөтүр-гој етмәлијик. Вариантларын һәр бирини нәзәрдән кечирәндә нөвбәти суаллар барәдә дүшүнүн: «Мүгәддәс Китабдакы һансы принсипләр бу вәзијјәтә аиддир? Һансы варианты сечсәм, виҹданым раһат олаҹаг? Вердијим гәрар башгаларына неҹә тәсир едәҹәк? Ән әсасы, бу гәрары версәм, Јеһова разы галаҹаг?» (Ганунун тәкрары 32:29).

Јеһованын бизә нәјин јахшы, нәјин пис олдуғуну демәјә ихтијары вар. Онун ганун вә принсипләри илә таныш оланда, онлара әмәл едәндә виҹданымызы тәрбијә едирик. Виҹдан бизә нәјин дүзҝүн, нәјин јанлыш олдуғуну дејән дахили сәсдир (Ромалылара 2:14, 15). Тәрбијә олунмуш виҹдан бизә дүзҝүн гәрарлар вермәјә көмәк едир.

Д Ә Р И Н Л И Ј Ә  В А Р Ы Н

3. Гој Мүгәддәс Китаб сизә јол ҝөстәрсин

ВИДЕО: «Гој Мүгәддәс Китабдакы принсипләр сизә бәләдчилик етсин» (5:54)

• Ирадә азадлығы нәдир?

• Нәјә ҝөрә Јеһова бизә ирадә азадлығы вериб?

• Ирадә азадлығындан дүзҝүн истифадә етмәк үчүн Јеһова бизә нә вериб?

Мүгәддәс Китаб принсипинә бир нүмунә олараг, Ефеслиләрә 5:15, 16 ајәләрини охујун. Сонра мүзакирә един ки, вахтын гәдрини билмәк нөвбәти мәсулијјәтләри јеринә јетирмәјә сизә неҹә көмәк едә биләр.

• Мүгәддәс Китабы мүнтәзәм охумаға

• Даһа јахшы һәјат јолдашы, валидејн, өвлад олмаға

• Јығынҹаг ҝөрүшләриндә иштирак етмәјә

4. Дүзҝүн гәрарлар вермәк үчүн виҹданынызы тәрбијә един

ВИДЕО: «Виҹданынызы тәмиз сахлајын» (5:13)

• Баҹы виҹданыны тәрбијә етмәк вә Јеһованы разы салан гәрар вермәк үчүн нә етди?

Нәјә ҝөрә башгаларындан бизим әвәзимизә гәрар вермәји хаһиш етмәмәлијик? Ибраниләрә 5:14 ајәсини охујун вә нөвбәти суаллары мүзакирә един:

• Башгаларындан бизим јеримизә гәрар вермәји хаһиш етмәк даһа раһат олса да, өзүмүз нәји баҹармалыјыг?

• Виҹданынызы тәрбијә етмәјә вә дүзҝүн гәрар вермәјә сизә нәләр көмәк едә биләр?

5. Башгаларынын виҹданыны нәзәрә алын

Инсанлар фәргли олдуғу кими, вердикләри гәрарлар да фәргли олур. Бәс биз башгаларынын виҹданыны нәзәрә алдығымызы неҹә ҝөстәрә биләрик? Ики нүмунәјә бахаг:

1-ҹи нүмунә: Косметикадан истифадә едән бир баҹы елә јығынҹаға кечир ки, орадакы баҹыларын чоху косметика чәкмәјә пис бахыр.

Ромалылара 15:1 вә 1 Коринфлиләрә 10:23, 24 ајәләрини охујун. Сонра нөвбәти суаллары мүзакирә един:

• Баҹы бу ајәләрә әсасланараг һансы гәрара ҝәлә биләр? Сизин виҹданынызын јол вердији шеји јаныныздакы адамын виҹданы ҝөтүрмүрсә, нә едәрсиниз?

2-ҹи нүмунә: Бир гардаш билир ки, Аллаһ гәдәриндә спиртли ички ичмәјә иҹазә верир. Бунунла белә, о гәрар вериб ки, ички ичмәсин. Анҹаг бир мәҹлисдә оланда гардашларын ички ичдијини ҝөрүр.

Ваиз 7:16 вә Ромалылара 14:1, 10 ајәләрини охујун. Сонра нөвбәти суаллары мүзакирә един:

• Гардаш бу ајәләрә әсасланараг һансы гәрара ҝәлә биләр? Јаныныздакы адам виҹданынызын јол вермәдији бир шеји етсә, нә едәрсиниз?

Дүзҝүн гәрар вермәк үчүн нә етмәк лазымдыр?

1. Јеһоваја дуа един. Ондан хаһиш един ки, сизә гәрар вермәјә көмәк етсин (Јагуб 1:5).

2. Арашдырма апарын. Мүгәддәс Китабдан вә она әсасланан нәшрләрдән вәзијјәтә аид принсипләр ахтарын. Һәмчинин тәҹрүбәли мәсиһиләрлә дә мәсләһәтләшә биләрсиниз.

3. Нәтиҹәни дүшүнүн. Вердијиниз гәрарын сизин виҹданыныза вә башгаларынын виҹданына неҹә тәсир едәҹәјини нәзәрә алын.

ИҸМАЛ

Биз Јеһованын мәсәләјә мүнасибәтини өјрәнәндә, һәмчинин һәрәкәтләримизин башгаларына фајда ҝәтирәҹәјини, ја да зәрәр јетирәҹәјини нәзәрә аланда дүзҝүн гәрарлар веририк.

Тәкрар

• Јеһованы разы салан гәрарлар вермәјә сизә нә көмәк едә биләр?

• Виҹданынызы неҹә тәрбијә едә биләрсиниз?

• Башгаларынын виҹданыны нәзәрә алдығынызы неҹә ҝөстәрә биләрсиниз?

Ә Л А В Ә  М Ә Л У М А Т

Аллаһла достлуғунузу мөһкәмләндирән гәрарлар вермәјә сизә нә көмәк едә биләр?

«Гој һәр бир гәрарын Јеһоваја иззәт ҝәтирсин» («Ҝөзәтчи гүлләси», 15 апрел 2011)

Ҝөрүн Јеһова мәсләһәти неҹә верир.

«Јеһова халгына јол ҝөстәрир» (9:50)

Бир нәфәрә чәтин мәсәләдә гәрар вермәјә нә көмәк едиб?

«Јеһованын јолунда һәр шејә зәманәт вар» (5:46)

Ҝөрүн конкрет ганун олмајанда Јеһованы разы салан гәрар вермәјә нә көмәк едә биләр.

«Һәр вәзијјәт үчүн конкрет ганун лазымдыр?» («Ҝөзәтчи гүлләси», 1 декабр 2003)