Мүгәддәс Китабда субајлыг вә евлилик

Бәзи мәдәнијјәтләрдә инсанлар дүшүнүр ки, аилә гурмадан хошбәхт олмаг мүмкүн дејил. Амма бүтүн аиләли инсанларын хошбәхт, бүтүн субајларын исә бәдбәхт олдуғуну демәк олмаз. Әслиндә, Мүгәддәс Китабда дејилир ки, һәм субајлыг, һәм дә никаһ Аллаһдан әнамдыр.

1. Субајлығын һансы мүсбәт тәрәфләри вар?

Мүгәддәс Китабда дејилир: «Евләнән хејир тапыр, субај галан исә даһа чох хејир тапаҹаг». (1 Коринфлиләрә 7:32, 33, 38 ајәләрини охујун.) Һансы мәнада субај инсан «даһа чох хејир» тапа биләр? Субај мәсиһинин һәјат јолдашынын гајғысына галмаг кими мәсулијјәти јохдур. Буна ҝөрә дә о даһа чох сәрбәстдир. Субајлар мүхтәлиф үсулларла хидмәтләрини ҝенишләндирә биләр, мәсәлән, хош хәбәри тәблиғ етмәк үчүн башга әразиләрә ҝедә биләрләр. Ән башлыҹасы исә, онларын Јеһоваја јахынлашмаг үчүн даһа чох вахт ајырмаг имканлары вар.

2. Рәсми никаһ бағламағын һансы хејри вар?

Субајлыг кими, аилә гурмағын да өз мүсбәт тәрәфләри вар. Мүгәддәс Китабда дејилир ки, «ики нәфәр бир нәфәрдән јахшыдыр» (Ваиз 4:9). Бу сөзләр хүсусилә никаһларында Мүгәддәс Китаб принсипләрини тәтбиг едән мәсиһиләрә аиддир. Рәсми никаһ бағлајан киши илә гадын бир-бирини севәҹәјинә, бир-биринә һөрмәт едәҹәјинә вә дәјәр верәҹәјинә сөз верир. Бунун сајәсиндә онлар рәсми никаһ бағламадан бирҝә јашајан ҹүтлүкләрдән фәргли олараг өзләрини даһа чох тәһлүкәсизликдә һисс едирләр. Белә аиләдә бөјүјән ушаглар да өзләрини тәһлүкәсизликдә һисс едир.

3. Јеһова никаһа неҹә јанашыр?

Јеһова илк никаһын тәмәлини гојаркән демишди: «Киши өз ата-анасыны тәрк едиб арвадына бағланаҹаг вә онлар бир бәдән олаҹаг» (Јарадылыш 2:24). Јеһова истәјир ки, әрлә арвад һәјатда олдуглары мүддәтдә бир-бирини севиб, бир-биринә бағлансынлар. Јеһова бошанмаға јалныз бир һалда иҹазә верир: тәрәфләрдән бири зина едибсә. Белә вәзијјәтдә Јеһова бошаныб-бошанмајаҹағына даир гәрар вермәк ихтијарыны ҝүнаһсыз тәрәфә верирa (Мәтта 19:9). Мүгәддәс Китаба әсасән, мәсиһиләрә чохарвадлылыг гадағандыр (1 Тимутијә 3:2, 3а).

Д Ә Р И Н Л И Ј Ә  В А Р Ы Н

4. Субајлыг әнамынын гәдрини билин

Иса Мәсиһ субајлығы әнам адландырмышды (Мәтта 19:11, 12). Мәтта 4:23 ајәсини охујун вә нөвбәти суалы мүзакирә един:

• Иса Мәсиһ Јеһоваја хидмәт етмәк вә инсанлара көмәк етмәк үчүн субајлыг әнамындан неҹә истифадә етмишди?

Субај мәсиһиләр дә, Иса Мәсиһ кими, субајлыг әнамындан дүзҝүн истифадә едәрәк севинҹ дуја биләрләр. ВИДЕОЈА бахын вә нөвбәти суалы мүзакирә един:

ВИДЕО: «Сәдагәтли субајлар» (3:11)

• Мәсиһиләр өз субајлыгларындан һансы хејирли ишләр үчүн истифадә едә биләрләр?

Билирсиниз?

Мүгәддәс Китабда аилә гурмаг үчүн минимум јаш һәдди јазылмајыб. Бунунла белә, орада мәсләһәт ҝөрүлүр ки, инсан «ҝәнҹлијинин гајнар чағы» өтәнә гәдәр ҝөзләсин. Чүнки ҹинси истәкләрин ҝүҹлү олдуғу бу дөврдә ҝәнҹә дүзҝүн гәрар вермәк чәтин ола биләр (1 Коринфлиләрә 7:36).

5. Һәјат јолдашыны һикмәтлә сечин

Һәјат јолдашы сечмәк инсанын һәјатда вердији ән ваҹиб гәрарлардан биридир. Мәтта 19:4—6, 9 ајәләрини охујун вә нөвбәти суалы мүзакирә един:

• Нәјә ҝөрә мәсиһи тез-тәләсик аилә гурмамалыдыр?

Мүгәддәс Китабын көмәји илә биләҹәксиниз ки, һәјат јолдашы сечәркән һансы хүсусијјәтләрә фикир вермәк лазымдыр. Һәр шејдән өнҹә һәмин инсан Јеһованы севмәлидирb. 1 Коринфлиләрә 7:39 вә 2 Коринфлиләрә 6:14 ајәләрини охујун. Сонра нөвбәти суаллары мүзакирә един:

• Нәјә ҝөрә јалныз мәсиһи диндашымызла аилә гурмалыјыг?

• Сизҹә, Јеһованы севмәјән инсанла аилә гурсаг, бу, Јеһоваја неҹә тәсир едәр?

6. Никаһа Јеһованын ҝөзү илә бахын

Гәдим Исраилдә бәзи кишиләр өз хејирләрини ҝүдәрәк арвадларыны бошајырдылар. Мәлаки 2:13, 14, 16 ајәләрини охујун вә нөвбәти суалы мүзакирә един:

• Нә үчүн Јеһова Мүгәддәс Китаба әсасланмајан сәбәбләрә ҝөрә бошанмаға нифрәт едир?

ВИДЕОЈА бахын вә нөвбәти суалы мүзакирә един:

ВИДЕО: «Никаһ өмүрлүк иттифагдыр» (4:30)

• Әҝәр һәјат јолдашыныз иманыныза шәрик дејилсә, аиләнизин хошбәхт олмасы үчүн нә едә биләрсиниз?

7. Јеһованын никаһла бағлы гојдуғу гајдалара әмәл един

ВИДЕО: «Никаһа Јеһованын ҝөзү илә бахын» (4:14)

Ибраниләрә 13:4 ајәсини охујун вә нөвбәти суаллары мүзакирә един:

• Сизҹә, Јеһованын никаһла бағлы гојдуғу ганунлара әмәл етмәк мүмкүндүр? Нәјә ҝөрә белә дүшүнүрсүнүз?

Јеһова истәјир ки, мәсиһиләр никаһа дахил оларкән вә бошанаркән дөвләт гејдијјатындан кечсинләр, чүнки әксәр өлкәләрдә ганун да буну тәләб едир. Титуса 3:1 ајәсини охујун вә нөвбәти суалы мүзакирә един:

• Әҝәр аиләлисинизсә, никаһыныз дөвләт гејдијјатындан кечиб?

ИҸМАЛ

Субајлыг да, евлилик дә Јеһовадан әнамдыр. Әҝәр инсан Јеһованын ирадәсинә ујғун јашајырса, икиси дә инсана севинҹ вә хошбәхтлик ҝәтирир.

Тәкрар

• Инсан өз субајлығындан дүзҝүн шәкилдә неҹә истифадә едә биләр?

• Нәјә ҝөрә Мүгәддәс Китабда дејилир ки, јалныз мәсиһи диндашымызла аилә гурмалыјыг?

• Мүгәддәс Китаб јалныз һансы һалда бошанмаға иҹазә верир?

Ә Л А В Ә  М Ә Л У М А Т

«Ағанын јолунда» олан адамла аилә гурмаг нә демәкдир?

«Охуҹуларын суаллары» («Ҝөзәтчи гүлләси», 1 сентјабр 2004)

Нөвбәти видео сизә ҝөрүшмәклә вә аилә гурмагла бағлы дүзҝүн гәрар вермәјә көмәк едә биләр.

«Никаһа һазырлыг» (11:53)

Ҝөрүн нәјә ҝөрә бир гардаш дүшүнүр ки, Јеһова ону вердији гурбанлардан гат-гат артыг мүкафатландырыб.

«Онун һәгигәти өјрәнәҹәјинә үмидими итирмәдим, амма...» (1:56)

Ајрылмаздан вә ја бошанмаздан әввәл инсан нәләри ҝөтүр-гој етмәлидир?

«Аллаһын бир бојундуругда бирләшдирдијинә һөрмәт един» («Ҝөзәтчи гүлләси», декабр 2018)