Мәсиһиләрин спиртли ичкијә мүнасибәти

Ички илә бағлы фәргли фикирләр мөвҹуддур. Бәзи инсанлар һәрдәнбир достлары илә ичмәји севир. Бәзиләри үмумијјәтлә дилинә ички вурмур. Бир башгалары исә сәрхош оланаҹан ичир. Бәс Мүгәддәс Китабда спиртли ичкиләр барәдә нә јазылыб?

1. Ички ичмәк ҝүнаһдыр?

Мүгәддәс Китаба әсасән, спиртли ички ичмәк ҝүнаһ дејил. Әксинә, орада Аллаһын инсанлара бәхш етдији немәтләр сырасында шәрабын да ады чәкилир вә дејилир ки, шәраб үрәји шәнләндирир (Зәбур 104:14, 15). Мүгәддәс Китабда ады чәкилән мөмин киши вә гадынларын да бәзиләри ички ичирди (1 Тимутијә 5:23).

2. Мүгәддәс Китабда ички ичәнләрә нә мәсләһәт ҝөрүлүр?

Чох ичмәк вә әјјашлыг Јеһованын ҝөзүндә ҝүнаһдыр (Галатијалылара 5:21). Онун Кәламында дејилир: «Шәраб дүшкүнләринә... гошулма» (Мәсәлләр 23:20). Демәли, һәтта тәк олсаг да, о гәдәр ичмәмәлијик ки, зеһнимиз күтләшсин, данышығымызы вә һәрәкәтләримизи идарә едә билмәјәк, јахуд сәһһәтимизә зијан вураг. Әҝәр ичкидә һәдди горуја билмириксә, онда јахшысы будур, үмумијјәтлә ичмәјәк.

3. Башгаларынын гәрарына һөрмәтлә јанашдығымызы неҹә ҝөстәрә биләрик?

Һәр кәс ички ичиб-ичмәјәҹәјинә өзү гәрар вермәлидир. Буна ҝөрә дә кимсә гәдәриндә ичирсә, ону мүһакимә етмәмәлијик, јахуд кимсә ичмәк истәмирсә, ону ичмәјә мәҹбур етмәмәлијик (Ромалылара 14:10). Әҝәр ички ичмәјимиз кимин үчүнсә проблем јарадаҹагса, о заман ичмәмәлијик. (Ромалылара 14:21 ајәсини охујун.) Чүнки Мүгәддәс Китаб мәсләһәт ҝөрүр ки, «һеч кәс өз хејрини дүшүнмәсин, башгасынын хејрини дүшүнсүн». (1 Коринфлиләрә 10:23, 24 ајәләрини охујун.)

Д Ә Р И Н Л И Ј Ә  В А Р Ы Н

4. Ички ичиб-ичмәјәҹәјинизлә бағлы гәрар верин

Иса Мәсиһ спиртли ичкијә неҹә јанашырды? Ҹавабы билмәк үчүн ҝәлин онун ҝөстәрдији илк мөҹүзәјә диггәт јетирәк. Јәһја 2:1—11 ајәләрини охујун вә нөвбәти суаллары мүзакирә един:

• Бу мөҹүзәдән Исанын спиртли ичкијә вә ичән кәсләрә мүнасибәти һагда нә өјрәнирик?

• Иса Мәсиһ ички ичмәји мүһакимә етмәмишди. Демәли, мәсиһи ички ичән адама неҹә мүнасибәт ҝөстәрмәлидир?

Дүздүр, мәсиһинин ички ичмәси ҝүнаһ дејил. Амма бу о демәк дејил ки, онун истәнилән вахт ички ичмәси дүзҝүн һәрәкәт олар. Мәсәлләр 22:3 ајәсини охујун вә сонра дүшүнүн: Ашағыдакы амилләр ички ичиб-ичмәмәк гәрарыныза неҹә тәсир едә биләр?

• Сүкан архасында олаҹагсынызса вә ја һансыса техники аваданлығы идарә едәҹәксинизсә

• Һамиләсинизсә

• Һәким ички ичмәмәји мәсләһәт ҝөрүрсә

• Ичкидә һәдди ҝөзләјә билмирсинизсә

• Ганун сизә спиртли ички ичмәјә иҹазә вермирсә

• Әввәлләр ички илә бағлы проблеми олдуғу үчүн ичмәк истәмәјән инсанла бир јердәсинизсә

Тојда вә ја диҝәр шәнликләрдә сүфрәјә ички гојмаг олар? Бунунла бағлы гәрар вермәјә сизә нә көмәк едә биләр? ВИДЕОЈА бахын.

ВИДЕО: «Сүфрәјә ички гојмаг олар?» (2:41)

Ромалылара 13:13 вә 1 Коринфлиләрә 10:31, 32 ајәләрини охујун. Һәр ајәни охудугдан сонра нөвбәти суалы мүзакирә един:

• Бу принсип Јеһованы разы салан гәрар вермәјә сизә неҹә көмәк едә биләр?

5. Нә гәдәр ичәҹәјинизә гәрар верин

Ичмәк гәрарына ҝәлмисинизсә, бир шеји јадда сахлајын: Јеһова ички ичмәји ҝүнаһ һесаб етмәсә дә, ичкидә һәдди ашмағы ҝүнаһ һесаб едир. Нә үчүн? Һушә 4:11, 18 ајәләрини охујун вә нөвбәти суалы мүзакирә един:

• Инсан һәддиндән артыг ичәндә нә баш верә биләр?

Ички ичәркән һәдди неҹә ҝөзләјә биләрик? Биз өз мәһдудијјәтләримизи билмәлијик. Мәсәлләр 11:2 ајәсини охујун вә нөвбәти суалы мүзакирә един:

• Нәјә ҝөрә јахшы олар ки, ичкидә өзүмүз үчүн һәдд гојаг?

6. Ички алудәчилијиндән гуртулун

ВИДЕО: «Бу ҹүр јашамагдан безмишдим» (6:32)

• Дмитри ички ичәндә өзүнү неҹә апарырды?

• О, ичкини дәрһал ата билди?

• Бәс о, бу асылылығына неҹә галиб ҝәлди?

1 Коринфлиләрә 6:10, 11 ајәләрини охујун вә нөвбәти суаллары мүзакирә един:

• Мүгәддәс Китабда ички дүшкүнлүјү барәдә нә дејилир?

• Ајәләрдән неҹә ҝөрүнүр ки, ички дүшкүнлүјүндән гуртулмаг мүмкүндүр?

Мәтта 5:30 ајәсини охујун вә нөвбәти суалы мүзакирә един:

• Иса Мәсиһ әли кәсиб атмаг дејәндә Јеһованы разы салмаг үчүн гурбанлар вермәји нәзәрдә тутурду. Ички алудәчилијиндән гуртулмаг сизә чәтиндирсә, нә едә биләрсиниз?a

1 Коринфлиләрә 15:33 ајәсини охујун вә нөвбәти суалы мүзакирә един:

• Ичмәји севән адамларла отуруб-дурурсунузса, бу сизә неҹә тәсир едәҹәк?

ИҸМАЛ

Ички Јеһовадан немәтдир. О истәјир ки, бу немәт көнлүмүзү шад еләсин. Амма чох ичмәк вә әјјашлыг Јеһованын ҝөзүндә ҝүнаһдыр.

Тәкрар

• Мүгәддәс Китабда спиртли ичкиләр барәдә нә јазылыб?

• Чох ичмәјин һансы тәһлүкәләри вар?

• Башгаларынын гәрарына һөрмәтлә јанашдығымызы неҹә ҝөстәрә биләрик?

Ә Л А В Ә  М Ә Л У М А Т

Јенијетмәләр ички ичмәклә бағлы дүзҝүн гәрары неҹә верә биләрләр?

«Ичкинин фәсадлары һагда дүшүн» (2:31)

Ички асылылығындан гуртулмаг үчүн һансы аддымлары ата биләрсиниз?

«Спиртли ичкијә дүзҝүн мүнасибәт» («Ҝөзәтчи гүлләси», јанвар—март 2010)

Мәсиһиләрә сағлыг демәк олар?

«Охуҹуларын суаллары» («Ҝөзәтчи гүлләси», 15 феврал 2007)

«Күпүнә ҝирирдим» адлы мәгаләни охујун вә ҝөрүн бир нәфәр чох ичмәјә неҹә сон гојуб.

«Мүгәддәс Китаб һәјатлары дәјишир» («Ҝөзәтчи гүлләси», 1 мај 2012)