ДӘРС 46

Аллаһа һәср олунуб, вәфтиз олунмаг ваҹибдир

Чап версијасы

Өзүнү Јеһоваја һәср едән инсан дуа едиб сөз верир ки, јалныз Она ибадәт едәҹәк вә Онун ирадәсини һәјатда һәр шејдән үстүн тутаҹаг (Зәбур 40:8). Бундан сонра исә о вәфтиз олунур. Вәфтиз олунмагла башга инсанлара да билдирир ки, өзүнү Аллаһа һәср едиб. Инсанын өзүнү Јеһоваја һәср етмәси һәјатда вердији ән ваҹиб гәрардыр. Бу гәрар инсанын һәјатында дөнүш нөгтәси олур. Бәс бу ваҹиб гәрары вермәјә сизә нә көмәк едә биләр?

1. Инсаны Јеһоваја һәср олунмаға нә тәшвиг едир?

Биз Јеһованы севдијимиз үчүн һәјатымызы Она һәср едирик (1 Јәһја 4:10, 19). Мүгәддәс Китабда дејилир: «Аллаһын Јеһованы бүтүн гәлбинлә, бүтүн варлығынла, бүтүн ағлынла вә вар ҝүҹүнлә сев» (Марк 12:30). Биз Аллаһы севдијимизи тәкҹә дилдә демирик, һәмчинин әмәлләримизлә дә ҝөстәририк. Бир-бирини үрәкдән севән ики нәфәр сонда евләндији кими, Јеһоваја олан мәһәббәт дә бизи һәјатымызы Она һәср едиб, вәфтиз олунмаға тәшвиг едир.

2. Јеһова вәфтиз олунмуш хидмәтчиләринә һансы немәтләри бәхш едир?

Вәфтиз олунмагла сиз Јеһованын хошбәхт аиләсинин бир үзвү олаҹагсыныз. Бундан сонра Јеһова сизә мәһәббәтини даһа чох ҝөстәрәҹәк вә Она индикиндән дә јахын олаҹагсыныз. (Мәлаки 3:16—18 ајәләрини охујун.) Јеһова сизә Ата олаҹаг, үстәлик, бүтүн дүнјада һәм Ону, һәм дә сизи севән баҹы-гардашларыныз, бөјүк руһани аиләниз олаҹаг. (Марк 10:29, 30 ајәләрини охујун.) Анҹаг вәфтиздән габаг бәзи аддымлары атмалысыныз: Јеһова һаггында өјрәнмәли, Ону севмәли вә Оғлуна иман етмәлисиниз. Сонда исә һәјатынызы Јеһоваја һәср етмәлисиниз. Бу аддымлары атыб вәфтиз олунсаныз, әбәди хошбәхт һәјата апаран јола гәдәм гојаҹагсыныз. Аллаһын Кәламында дејилир ки, вәфтиз инсаны хилас едир (1 Бутрус 3:21).

Д Ә Р И Н Л И Ј Ә В А Р Ы Н

Ҝөрүн һәјатынызы Јеһоваја һәср едиб, вәфтиз олунмаг нәјә ҝөрә ваҹибдир.

3. Кимә ибадәт едәҹәјимизә гәрар вермәлијик

Гәдимдә бәзи исраиллиләр дүшүнүрдү ки, һәм Јеһоваја, һәм дә Баал бүтүнә ибадәт едә биләрләр. Амма Јеһова Илјас пејғәмбәри ҝөндәрди ки, онлара дүшүнҹәләринин јанлыш олдуғуну баша салсын. 1 Падшаһлар 18:21 ајәсини охујун вә нөвбәти суалы мүзакирә един:

Исраиллиләр һансы сечими етмәли идиләр?

Исраиллиләр кими, биз дә кимә ибадәт едәҹәјимизә гәрар вермәлијик. Лука 16:13 ајәсини охујун вә нөвбәти суаллары мүзакирә един:

Нәјә ҝөрә биз ејни вахтда һәм Јеһоваја, һәм дә кимәсә вә ја нәјәсә ибадәт едә билмәрик?
Јеһоваја неҹә ҝөстәрә биләрик ки, Она ибадәт етмәји сечирик?

4. Јеһованын сизә бәсләдији мәһәббәт барәдә дүшүнүн

Шәкилләр: Киши Аллаһын она вердији немәтләр барәдә дүшүнүр. 1) Мәһәббәт, ананын көрпәсинә олан мәһәббәти тәсвир олунуб. 2) Ләзиз гидалар, мүхтәлиф мејвә-тәрәвәзләр. 3) Мүгәддәс Китаб. 4) Иса Мәсиһин фидјә гурбанлығы.

Јеһова бизә чохлу немәтләр бәхш едиб. Бәс бунларын гаршылығында биз Она нә верә биләрик? ВИДЕОЈА бахын.

ВИДЕО: «Јеһоваја вердијимиз бәхшишләр» (3:04)

Ҝәлин ҝөрәк Јеһова сизә мәһәббәтини неҹә ҝөстәрир. Зәбур 104:14, 15 вә 1 Јәһја 4:9, 10 ајәләрини охујун. Сонра нөвбәти суаллары мүзакирә един:

Бәхш етдији һансы немәтләрә ҝөрә Јеһоваја хүсусилә миннәтдарсыныз?
Бу немәтләр барәдә дүшүнәндә Јеһоваја гаршы нә һисс едирсиниз?

Алдығымыз һәдијјә үрәјимизҹә оланда хүсусилә истәјирик ки, ону верән кәсә миннәтдарлығымызы билдирәк. Ганунун тәкрары 16:17 ајәсини охујун вә нөвбәти суалы мүзакирә един:

Јеһованын сизә етдији јахшылыглар үзәриндә дүшүнәндә Онун үчүн нә етмәк истәјирсиниз?

5. Јеһоваја һәср олунмаг чохлу немәтләрә јол ачыр

Чохлары дүшүнүр ки, шан-шөһрәт, уғурлу карјера, пул инсаны хошбәхт едир. Бу, һәгигәтән дә, беләдир? ВИДЕОЈА бахын вә нөвбәти суаллары мүзакирә един:

ВИДЕО: «Футбол һәјатымын мәнасы иди» (5:45)

Шәкилләр: «Футбол һәјатымын мәнасы иди» адлы видеодан сәһнәләр. 1) Андреј Мүгәддәс Китаб дәрсини бәрпа едир. 2) Андреј гызы илә бирҝә тәблиғ едир.

Гардаш футбол ојнамағы севсә дә, нәјә ҝөрә бу карјерадан әл чәкди?
О, һәјатыны футбола јох, Јеһоваја һәср етмәклә дүзҝүн гәрар верди? Нәјә ҝөрә белә дүшүнүрсүнүз?

Һәвари Булус мәсиһи олмаздан өнҹә ҝөркәмли бир мүәллимдән јәһуди ганунларыны өјрәнмишди. Онун гаршысында ҹәмијјәтдә јүксәк мөвге тутмаг имканы вар иди. Амма Булус мәсиһи олмаг үчүн бүтүн бунлардан имтина етди. Бәс о буна ҝөрә пешман иди? Филиппилиләрә 3:8 ајәсини охујун вә нөвбәти суаллары мүзакирә един:

Нәјә ҝөрә Булус демишди ки, мәсиһи олмаздан габаг ҝөрдүјү ишләри зибил һесаб едир?
Бәс о бунун әвәзиндә нә газанмышды?
Һәјатынызы Јеһоваја хидмәтә һәср етсәниз, неҹә олар? Бәс башга шејләрә һәср етсәниз, неҹә олар?