«Мәсиһи һәјаты вә ибадәти. Иш дәфтәри» үчүн мәнбәләр

МАРТ

*** w95-E 15/2 с. 27, абз. 5, 6 ***

Проблемләри һәлл етмәк үчүн ибрәт дәрси

⁵ Онларын бүтүн мәсләһәтләри јанлыш фәрзијјәјә әсасланмышды. Онлар зәнн едирдиләр ки, әзаб-әзијјәт јалныз ҝүнаһ едән кәсләрин габағына чыхыр. Әлифәз биринҹи нитгиндә деди: «Һансы тәгсирсиз инсан мәһв олуб? Һарада ҝөрүнүб ки, әмәлисалеһ һәлак олсун? Мән ҝөрмүшәм ки, фитнә-фәсад әкәнләр, бәдбәхтлик тохуму сәпәнләр әкдијини бичир» (Әјјуб 4:7, 8). Әлифәзин зәннинҹә, ҝүнаһсыз инсанлар хата-баладан узаг олурлар. О фикирләширди ки, әҝәр Әјјубун башына мүсибәт ҝәлибсә, демәли, о, Аллаһа гаршы ҝүнаһ едиб*. Билдад вә Сөфәр дә тәкидлә Әјјуба ҝүнаһларына ҝөрә төвбә етмәји дејирдиләр (Әјјуб 8:5, 6; 11:13—15).

[Һашијә]

Мүгәддәс Китабда дејилир: «Инсан нә әкәрсә, ону да бичәҹәк» (Галатијалылара 6:7). Анҹаг бу, о демәк дејил ки, инсан әзаб чәкирсә, демәли, Аллаһ ону ҹәзаландырыб. Шејтанын ат ојнатдығы бу дүнјада салеһ инсанлар даһа чох проблемлә үзләширләр, нәинки пис инсанлар (1 Јәһја 5:19). Иса өз шаҝирдләринә демишди: «Мәним адыма ҝөрә һамы сизә нифрәт едәҹәк» (Мәтта 10:22). Хәстәлик вә диҝәр бәлалар Аллаһын һәр бир садиг хидмәтчисинин башына ҝәлә биләр (Зәбур 41:3; 73:3—5; Филиппилиләрә 2:25—27).

⁶ Әјјубун үч досту илаһи һикмәти бир кәнара гојуб өз фикирләрини дејир, Әјјубун үрәјини лап үзүрдүләр. Иш о јерә чатды ки, Әлифәз Јеһованын Өз гуллугчуларына етибар етмәдијини, Әјјубун салеһ олуб-олмамағынын Ону марагландырмадығыны деди (Әјјуб 4:18; 22:2, 3). Бу сөзләрдән сонра инсан сарсылмасын, нејләсин?! Һәм дә ки, Аллаһын үнванына бу бојда јалан демәк лап ағ иди! Тәәҹҹүблү дејил ки, Јеһова Әлифәзи вә онун јолдашларыны бу ҹүр күфр сөзләрә ҝөрә данлајыб демишди: «Сиз... Мәним барәмдә һәгигәти данышмадыныз» (Әјјуб 42:7). Анҹаг ән бетәри һәлә габагда иди.

*** w15-Е 1/7 с. 12, абз. 2 ***

Биз Аллаһы разы сала биләрик?

Әјјубун башына далбадал мүсибәтләр ҝәлмишди. Она елә ҝәлирди ки, о, әдаләтсизлијин гурбаныдыр. Әјјуб јанлыш олараг белә бир нәтиҹәјә ҝәлмишди ки, садиг галыб-галмамасы Аллаһын веҹинә дејил (Әјјуб 9:20—22). Әјјуб өз салеһлијинә һәддиндән артыг әмин иди. Кәнардакыларда елә тәәссүрат јаранырды ки, о, өзүнү Аллаһдан һаглы сајыр (Әјјуб 32:1, 2; 35:1, 2).

*** w15-E 1/3, с. 3 ***

Биз нәдән хилас олмалыјыг?

«Инсанын, гадындан доғуланын өмрү ҝөдәкдир, әзаб-әзијјәтлә долудур. Чичәк кими ачыр, сонра солур, көлҝә кими гачыр вә ҝөздән итир» (Әјјуб 14:1, 2).

Та гәдим заманлардан инсанлар әбәди јашамағы, һәмишә ҹаван вә сағлам олмағы арзулајыблар. Лакин аҹы ҝерчәклик бундан ибарәтдир ки, бир ҝүн доғулан бир ҝүн бу дүнјадан ҝедир. Әјјуб пејғәмбәр јухарыда јазылан сөзләри үч мин ил бундан әввәл демишди, анҹаг бу сөзләр һәлә дә һәгигәт олараг галыр.

Һәјат ешги чох ҝүҹлү һиссдир. Вә бу, бүтүн инсанлара хасдыр. Мүгәддәс Китабда дејилир ки, Аллаһ инсанларын үрәјинә әбәди јашамаг арзусу, һәмчинин әбәди һәјаты дәрк етмәк истәји гојуб (Ваиз 3:11). Бәс сизҹә, инсанлары севән Аллаһ онларын үрәјинә әлчатмаз арзу гојарды? Бу, һеч бир мәнтигә сығмыр. Аллаһын Кәламында өлүм дүшмән адланыр. Орада вәд едилир ки, өлүм мәһв едиләҹәк (1 Коринфлиләрә 15:26).

Өлүмүн дүшмән олдуғуна һеч бир шүбһә јохдур. Ағлы башында олан һеч ким өлмәк истәмир. Адәтән, инсан тәһлүкә илә үзләшәндә ҝизләнир, гачыр. Хәстәләнәндә шәфа тапмаг үчүн чарә ахтарыр. Биз һәјатымыз үчүн тәһлүкә јарадан һәр шејдән өзүмүзү ҝөзләјирик.

Бәс бу гәдим дүшмәнин мәһв едиләҹәјинә неҹә инана биләрик? Бунун үчүн бир әсас вармы? Әлбәттә, вар. Јараданымыз Јеһова Аллаһ инсанлары она ҝөрә јаратмајыб ки, ҹәми бир нечә ил өмүр сүрүб өлсүнләр. Инсанларын өлүмү Онун әзәли нијјәтинә дахил дејилди. Аллаһ истәјирди ки, инсанлар јер үзүндә әбәди јашасынлар. Нијјәт етдији шеји исә О, мүтләг һәјата кечирир (Әшија 55:11).

Бәс өлүм неҹә јох едиләҹәк? Бәшәр тарихинә нәзәр салсаг, ҝөрәрик ки, инсанлар өлүмә чарә тапмаг үчүн ҹүрбәҹүр үсуллара әл атыблар, амма буна мүвәффәг олмајыблар. Бу ҹәһдләр индијәнәдәк давам едир. Алимләр хәстәликләри мүалиҹә едән ваксинләр, дәрманлар иҹад едирләр. Онлар ҹанлыларын ҝенетикасына гәдәр ҝедиб чыхыблар. Бир чох өлкәләрдә инсанларын өмрү өтән әсрә нисбәтән орта һесабла хејли узаныб. Бунунла белә, өлүм һәлә дә мејдан сулајыр. Мүгәддәс Китабда дејилдији кими, һамы торпаға гајыдыр (Ваиз 3:20).

Анҹаг үмидсизлијә гапылмајын. Инсанларын өлүмә чарә тапаҹағыны отуруб ҝөзләмәк лазым дејил. Јеһова Аллаһ бизим хилас олмағымыз, өлүмдән гуртулмағымыз үчүн артыг тәдбир ҝөрүб. Бу тәдбирдә әсас ролу исә Иса Мәсиһ ојнајыр.

*** w08-Е 1/3 с. 3, абз. 3 ***

Хиласа мөһтаҹыг!

Дүздүр, бу о демәк дејил ки, һамы һәмин о доггуз шахтачы кими јерин алтында галаҹаг, ја да фәлакәтә дүшүб һәјатыны итирәҹәк. Бунунла белә, һамымыз хиласа мөһтаҹыг. Һеч ким хәстәликдән, гоҹалыгдан вә өлүмдән јаха гуртара билмәз. Әјјуб пејғәмбәр демишди: «Инсанын, гадындан доғуланын өмрү ҝөдәкдир, әзаб-әзијјәтлә долудур. Чичәк кими ачыр, сонра солур, көлҝә кими гачыр вә ҝөздән итир» (Әјјуб 14:1, 2). Бу сөзләрин дејилдији вахтдан тәхминән 3500 ил кечсә дә, онлар һәлә дә һәгигәт олараг галыр. Ахы ким бу дүнјаны тутуб дуруб? Һарада јашасаг да, сәһһәтимизә нә гәдәр фикир версәк дә, һамымыз әввәл-ахыр хәстәләнирик, гоҹалыб өлүрүк. Бәли, биз бунлардан хилас олмаға мөһтаҹыг.

*** w15-Е 1/8 с. 5 ***

Өләнләр үчүн үмид вар? Өлүләр һәјата гајыда биләрләр?

МҮГӘДДӘС КИТАБДА ДЕЈИЛИР: «Елә бир вахт ҝәләҹәк ки, гәбирләрдә оланларын һамысы онун [Исанын] сәсини ешидәҹәк... [вә] дириләҹәкләр» (Јәһја 5:28, 29).

Бу сөзләрлә Иса Мәсиһ пејғәмбәрлик етмишди ки, ҝәләҹәкдә онун падшаһлығы алтында Мәзарда оланларын һамысы һәјата гајыдаҹаг. Өтән мәгаләдә ады чәкилән Фернандо дејир: «Биринҹи дәфә Јәһја 5:28, 29 ајәләрини охујанда мәни һејрәт бүрүмүшдү. Бу ајәләр мәнә үмид верди, өмрүмдә биринҹи дәфә иди ки, ҝәләҹәјә никбин бахмаға башладым».

Гәдимдә јашамыш Әјјуб пејғәмбәр инанырды ки, өлсә, Аллаһ ону нә вахтса јенидән һәјата гајтараҹаг. Әјјуб: «Инсан өлсә, бир дә јашармы?» — дејә сорушмушду. Сонра исә әминликлә ҹаваб вермишди: «Көләлик [јәни Мәзардакы] ҝүнләрим бојунҹа ҝөзләрәм, та азадлыға чыханадәк. Сән чағыраҹагсан, мән һај верәҹәјәм» (Әјјуб 14:14, 15).

Дирилмә Илазәрин баҹысы Марта үчүн јени бир шеј дејилди. Илазәр өләндә Иса она демишди: «Гардашын дириләҹәк». Марта да она белә ҹаваб вермишди: «Билирәм, о, ахырынҹы ҝүндә, дирилмә заманы дириләҹәк». Онда Иса она демишди: «Дирилмә вә һәјат мәнәм. Мәнә иман едән өлсә дә, һәјата гајыдаҹаг» (Јәһја 11:23—25). Бундан дәрһал сонра Иса Илазәри һәјата гајтармышды. Бу әһвалат бизә ҝәләҹәкдә неҹә мөһтәшәм һадисәләрин олаҹағыны ҝөстәрир. Тәсәввүр един, бүтүн дүнјада инсанлар дириләҹәк!

Дирилиб ҝөјдә јашајан олаҹагмы?

МҮГӘДДӘС КИТАБДА ДЕЈИЛИР: Аллаһын Кәламындан өјрәнирик ки, Исанын дирилмәси Мүгәддәс Китабда јазылан диҝәр сәккиз нәфәрин дирилмәсиндән фәргләнирди. Һәмин сәккиз нәфәр дирилиб јер үзүндә јашамышдылар. Анҹаг Исанын дирилмәси һаггында белә јазылыб: «Иса Мәсиһ... ҝөјә галхандан сонра Аллаһын сағында әјләшди» (1 Бутрус 3:21, 22). Бәс дирилиб ҝөјә ҝедән тәкҹә Иса олуб? Иса өлүмүндән әввәл һәвариләринә демишди: «Әҝәр мән ҝедиб сизин үчүн јер һазырласам, гајыдыб сизи евә, өз јаныма апараҹағам ки, сиз дә мән олан јердә оласыныз» (Јәһја 14:3).

Мәсиһ ҝөјә ҝедиб шаҝирдләринин бәзиләри үчүн јер һазырлады. Дирилиб ҝөјә ҝедәнләрин сајы 144 000 нәфәр олаҹаг (Вәһј 14:1, 3). Бәс Исанын бу давамчылары орада нә едәҹәкләр?

*** w11-Е 1/3 с. 22, абз. 2—4 ***

Аллаһа јахынлашын. «Әлләринин ишинин һәсрәтини чәкәҹәксән»

Сизә бир әһвалат данышаг. Бөјүк иман саһиби олан Әјјубун башына далбадал мүсибәт ҝәлир: вар-дөвләти әлиндән чыхыр, өвладларынын һамысы өлүр, өзү исә ағыр хәстәлијә мүбтәла олур. Дәрддән башыны итирән Әјјуб Аллаһа аһ-налә едир: «Каш мәни Мәзарда [үмумбәшәр мәзары] ҝизләдәјдин» (13-ҹү ајә). Әјјуб Мәзара динҹлик јери кими бахырды. Орада о, санки, Аллаһын ҝизләтдији хәзинә кими, әзаб-әзијјәтләрдән, дәрд-гәмдән азад олаҹагды*.

[Һашијә]

Бир лүғәтә әсасән, Әјјубун «мәни ҝизләдәјдин» сөзләри «гијмәтли хәзинә кими етибарлы јерә гојуб сахлајајдын» мәнасыны дашыјыр. Диҝәр мәнбәдә исә дејилир ки, бу сөзләр «мәни хәзинә кими ҝизләдәјдин» мәнасыны верир.

Бәс Әјјуб һәмишәлик Мәзарда галаҹагды? О, белә дүшүнмүрдү. Дуасында демишди: «Вахт тәјин едәјдин, сонра мәни јада салајдын». Әјјуб әмин иди ки, Мәзарда мүвәггәти галаҹаг, Јеһова Ону унутмајаҹаг. Әјјуб Мәзарда кечирдији вахты көләлијә бәнзәдирди, јәни мәҹбури шәкилдә орада галыб ҝөзләмәли иди. Бәс нә вахта гәдәр? О дејир: «Та азадлыға чыханадәк» (14-ҹү ајә). Бу азадлыг Мәзардан гуртулмаг, башга сөзлә, дирилмәк демәк иди!

Нәјә ҝөрә Әјјуб азадлыға чыхаҹағына әмин иди? О билирди, садиг бәндәләринин һәјатдан көчмәси Јарадана неҹә тәсир едир. Әјјуб демишди: «Сән чағыраҹагсан, мән һај верәҹәјәм, әлләринин ишинин һәсрәтини чәкәҹәксән» (15-ҹи ајә). Әјјуб өзүнүн Аллаһын әлинин иши олдуғуну дејирди. Ана бәтниндә Әјјуба гурулуш верән Јарадан о, өләндән сонра да ону һәјата гајтара биләр (Әјјуб 10:8, 9; 31:15).

*** w15-Е 1/8 с. 7, абз. 3 ***

Өлүләр үчүн үмид вар! Неҹә әмин ола биләрсиниз?

Нәјә ҝөрә Јеһова өлүләрин дирилмәси үчүн тәдбир ҝөрүб? Чүнки О, инсанлары севир. Әјјуб: «Инсан өлсә, бир дә јашармы?» — дејә сорушмушду. Сонра исә ҹаваб вермишди: «Сән чағыраҹагсан, мән һај верәҹәјәм, әлләринин ишинин һәсрәтини чәкәҹәксән» (Әјјуб 14:14, 15). Әјјуб әмин иди ки, Јарадан ону севир вә ону дирилдәҹәји вахты һәсрәтлә ҝөзләјәҹәк. Аллаһ дәјишмәјиб. О, пејғәмбәринә демишди: «Мән Јеһовајам. Мән дәјишмирәм» (Мәлаки 3:6). Аллаһ инди дә өлүләрин һәјата гајыдыб сағлам, хошбәхт јашамасыны арзулајыр. Онун һиссләрини өвладыны итирән валидејнин һиссләри илә мүгајисә етмәк олар. Фәрг бирҹә ондадыр ки, Аллаһ Өз истәкләрини һәјата кечирмәјә гадирдир (Зәбур 135:6).

*** w11-Е 1/3 с. 22, абз. 3—6 ***

Аллаһа јахынлашын. «Әлләринин ишинин һәсрәтини чәкәҹәксән»

Бәс Әјјуб һәмишәлик Мәзарда галаҹагды? О, белә дүшүнмүрдү. Дуасында о демишди: «Вахт тәјин едәјдин, сонра мәни јада салајдын». Әјјуб әмин иди ки, Мәзарда мүвәггәти галаҹаг, Јеһова Ону унутмајаҹаг. Әјјуб Мәзарда кечирдији вахты көләлијә бәнзәдирди, јәни мәҹбури шәкилдә орада галыб ҝөзләмәли иди. Бәс нә вахта гәдәр? О дејир: «Та азадлыға чыханадәк» (14-ҹү ајә). Бу азадлыг Мәзардан гуртулмаг, башга сөзлә, дирилмәк демәк иди!

Нәјә ҝөрә Әјјуб азадлыға чыхаҹағына әмин иди? О билирди ки, садиг бәндәләринин һәјатдан көчмәси Јарадана неҹә тәсир едир. Әјјуб демишди: «Сән чағыраҹагсан, мән һај верәҹәјәм, әлләринин ишинин һәсрәтини чәкәҹәксән» (15-ҹи ајә). Әјјуб өзүнүн Аллаһын әлинин иши олдуғуну дејирди. Ана бәтниндә Әјјуба гурулуш верән Јарадан о, өләндән сонра да ону һәјата гајтара биләр (Әјјуб 10:8, 9; 31:15).

Әјјубун сөзләриндән Јеһова һаггында бир шеј өјрәнирик: О, Әјјуб кими өзүнү Онун әлләринә тәслим едән, әлиндә јумшаг ҝил олуб, Онун истәдији шәкли алан инсанлара хүсуси мәһәббәт бәсләјир (Әшија 64:8). Јеһова садиг хидмәтчиләрини әзиз тутур. О, һәјатдан көчән мөмин бәндәләринин һәсрәтини чәкир. «Һәсрәтини чәкмәк» кими тәрҹүмә олунан ибрани сөзү «ҝүҹлү истәји ифадә едән ән ҝүҹлү сөздүр». Бәли, Јеһова Өз хидмәтчиләрини нәинки унутмур, онлары һәјата гајтармағы үрәкдән арзулајыр.

Нә јахшы ки, Мүгәддәс Јазыларын илк гәләмә алынан китабларындан бири олан Әјјуб китабында Јеһова өлүләри дирилтмәк нијјәтиндә олдуғуну ачыглајыб. О, истәјир ки, биз өлән әзизләримизә јенидән говушаг. Бу фикри јадда сахласаг, иткијә дөзмәк нисбәтән асан олаҹаг. Јахшы оларды ки, бу ҹүр гајғыкеш Јарадан һаггында өјрәнәсиниз, Онун истәдији кими инсан оласыныз. Онда Аллаһын бу нијјәтинин ҝерчәкләшәҹәји вахты мүтләг ҝөрәҹәксиниз.

*** ҝ99-Е 22/7 с. 11, чәр. ***

Ағыл јашдадыр?

Әјјуб демишди: «Мәҝәр һикмәт аһылларда дејил? Дәрракә узун өмүрлә ҝәлмир?» (Әјјуб 12:12). Бу, беләдир? Тәдгигатчылар арашдырма апармышлар ки, ҝөрсүнләр јашлы инсанларда «бәсирәт, узагҝөрәнлик, дүзҝүн мүһакимә јүрүтмәк, бир-биринә зидд ҝедән фикирләри өлчүб-бичмәк вә проблемләрин һәллини тапмаг» кими хүсусијјәтләр нә дәрәҹәдәдир. Бир һесабата әсасән, арашдырмалар ҝөстәрмишдир ки, «јашлы инсанлар һәр ҹәһәтдән ҹаванлардан гат-гат һикмәтлидир вә даһа дүшүнүлмүш, тәҹрүбәјә сөјкәнән мәсләһәтләр верирләр». Арашдырмалар һәмчинин ҝөстәрмишдир ки, «чох вахт јашлы адамлар ҹаванлара нисбәтән ҝеҹ гәрар версәләр дә, адәтән, онларын гәрарлары даһа јахшы олур» («У.С.Неwс & Wорлд Репорт»). Беләликлә, Әјјуб китабында дүз дејилир, ағыл јашдадыр ки јашдадыр.

*** it-1-E с. 924, абз. 4 ***

Јумшаг тонда данышмаг һәлә әсил мүлајимлик дејил. Әсил мүлајимлик үрәкдән ҝәлмәлидир. Шејтан мөмин бәндә олан Әјјубун камиллијини сынајан вахт, Әјјубун чәкдији изтираблар азмыш кими Әјјубун үч досту да онун үстүнә дүшдү. Онлар Әјјубу хәлвәтдә ҝүнаһ етмәкдә, шәр ишләр ҝөрмәкдә, дикбашлыгда иттиһам етдиләр, онун дөнүк олдуғуна, оғулларынын исә пис әмәлләринә ҝөрә Аллаһ тәрәфиндән өлдүрүлдүјүнә ејһам вурдулар. Бунунла белә һәмин үч нәфәрдән бири олан Әлифәз Әјјуба деди: «Мәҝәр Аллаһын тәсәллиси, јумшаг дејилән сөзләр сәнә бәс еләмир?» (Әј 15:11). Ола билсин ки, онлар бәзән јумшаг тонда данышмышдылар, анҹаг аҹы, кобуд сөзләр демишдиләр. Буна ҝөрә дә онларын сөзләри әслиндә јумшаг сөзләр дејилди.