Јадыныздадырмы?

«Ҝөзәтчи Гүлләси»нин сон сајлары хошунуза ҝәлдими? Елә исә ашағыдакы суаллара ҹаваб вермәјә чалышын:

• Нәјә ҝөрә мәсиһчи нөгсансызлығымызы горумаг олдугҹа ваҹибдир?

Нөгсансызлығымызы горумагла биз Јеһованын рәһбәрлијинә мәһәббәтдән ирәли ҝәләрәк табе олдуғумузу вә Шејтанын јаланчы олдуғуну сүбут едирик. Һәмчинин Јеһова бизә нөгсансызлығымыз әсасында һөкм етдијинә ҝөрә нөгсансызлыг ҝәләҹәјә үмидимиз үчүн ваҹибдир (15.12. сәһифә 4-6).

• Аллаһын нијјәтиндә Исанын хүсуси ролуну ҝөстәрән бәзи титуллар һансылардыр?

Ваһид Оғул. Кәлам. Амин. Јени әһдин Васитәчиси. Баш Каһин. Вәд олунмуш Өвлад (15.12. сәһифә 15).

• Хидмәтдән даһа чох севинҹ әлдә етмәк үчүн нә едә биләрик?

Фикримизи өз имканларымыз дахилиндә башгаларына нә гәдәр көмәк едә биләҹәјимизә ҹәмләмәклә үрәјимизи һазырлаја биләрик. Биз тәблиғ едәркән гаршымыза Мүгәддәс Китаб өјрәнмәси башламағы мәгсәд гојмалыјыг. Әҝәр лагејдликлә үзләшириксә, саһәмиздә јашајан инсанлар үчүн мараглы олсун дејә тәгдимәмизи шәраитә ујғунлашдырмаг олар (15.1. сәһифә 8-10).

• Мүгәддәс Китаб тәлимләри мәсиһчинин дәфн адәт-әнәнәләринә мүнасибәтләринә неҹә тәсир етмәлидир?

Мәсиһчинин өлән әзизи үчүн ағламасында һеч бир пис шеј олмаса да, о билир ки, өлүләр шүурсуз вәзијјәтдәдирләр. Иманына шәрик олмајан инсанларын ону тәнгид атәшинә тутмасына бахмајараг, о, өлүләрин јашајанлара тәсир етмәси етигады илә бағлы әнәнәләрдән гачыр. Проблемләрдән гачмаг үчүн бәзи мәсиһчиләр дәфн мәрасимләри илә бағлы јазылы ҝөстәришләр верирләр (15.2. сәһифә 29-31).

• ‘Јашар китабыны’ вә «“Рәббин Дөјүшләри” китабы»ны Мүгәддәс Јазыларын итмиш китаблары һесаб етмәк олармы? (Јешуа 10:13; Сај. 21:14).

Хејр. Ҝөрүнүр, онлар Мүгәддәс Китабын јазылдығы дөврдә мөвҹуд олан вә бәзи Мүгәддәс Китаб јазычыларынын истинад етдикләри, анҹаг Аллаһын руһунун тәсири алтында јазылмамыш сәнәдләр иди (15.3. сәһифә 32).