Јадыныздадырмы?

«Ҝөзәтчи Гүлләси»нин сон сајлары хошунуза ҝәлдими?

Елә исә ашағыдакы суаллара ҹаваб вермәјә чалышын:

• Өлү доғулан ушағын дирилмәси мүмкүндүрмү?

Инсан һәјаты мајаланма заманы башлајыр. Һәјатынын һансы мәрһәләсиндә олмасындан асылы олмајараг, Јеһова һәр бир инсаны дирилтмәјә гадирдир, чүнки «Аллаһ үчүн һәр шеј мүмкүндүр» (Марк 10:27). Лакин Мүгәддәс Китаб Онун ана бәтниндә өлән ушағы дирилдиб-дирилтмәјәҹәји һагда бирбаша һеч нә демир (15.4. сәһифә 12, 13).

• Нәјә ҝөрә гарышгалар, гајадовшанлары, чәјирткә вә ҝеккон кәртәнкәләси һаггында мәлумат бизим үчүн фајдалы ола биләр?

Онларын дөрдү дә инстинктив мүдриклијә нүмунәдир. Беләликлә, онлар Аллаһын мүдриклијини мәдһ едирләр (Сүл. мәс. 30:24-28) (15.4. сәһифә 16-19).

• Нәјә ҝөрә Мүгәддәс Китабда сусмағын тәрифәлајиг бир шеј олдуғу дејилир?

Сусмаг һөрмәт әламәти, дүшүнмәјә көмәк едән, һәмчинин ағыл вә дәрракәјә дәлаләт едән бир амил ола биләр (Мәз. 37:7; 63:6; Сүл. мәс. 11:12) (15.5. сәһифә 3-5).

• Јәһуданын нечә падшаһы Аллаһын еви үчүн бөјүк гејрәт ҝөстәрмишдир?

Јәһуданын ҹәнуб падшаһлығыны он доггуз падшаһ идарә етмишдир вә онлардан дөрдү — Аса, Јеһошафат, Хизгија вә Јошија белә гејрәт ҝөстәрмишдир (15.6. сәһифә 7-11).

• Руһани гиданын тәгдим едилмәсиндә јер үзүндә јашајан мәсһ олунмушларын һамысы иштирак едирми?

Хејр. Аллаһын мүгәддәс руһу илә мәсһ олунанлар садиг вә ағыллы гул синфини тәшкил едир, лакин руһани гиданын пајланмасына Рәһбәрлик Шурасы нәзарәт едир (15.6. сәһифә 22-24).

• Нәјә ҝөрә демәк олар ки, Иса илә дин рәһбәрләри арасында фәргләндириҹи ҹәһәт инсанлара олан мәһәббәт иди?

Дин рәһбәрләри садә инсанлары севмәк әвәзинә, онлара нифрәт едирдиләр. Үстәлик, онлар Аллаһы да севмирдиләр. Иса һәм Атасыны севир, һәм дә онун инсанлара јазығы ҝәлирди (Мат. 9:36). О, онлара гаршы сәмими, шәфгәтли вә хејирхаһ иди (15.7. сәһифә 15).