Ушагларынызы өјрәдин

Һеч өзүнү башгалары тәрәфиндән рәдд едилмиш һисс етмисәнми?

РӘДД ЕДИЛМИШ дедикдә башгаларынын кимисә өз араларына гәбул етмәдикләри кәс нәзәрдә тутулур. Ола билсин, инсан дәрисинин рәнҝинә, миллијәтинә, данышығына вә һәрәкәтләринә ҝөрә башгаларындан фәргләнир. Һеч өзүнү башгалары тәрәфиндән рәдд едилмиш һисс етмисәнми? ~a

Ҝәл бу кими һиссләри кечирмиш бир адам һаггында данышаг. Онун ады Мефибошет иди. Ҝәл өјрәнәк, ҝөрәк, о, ким олуб вә нә үчүн инсанлар ондан узаг ҝәзиб. Әҝәр һачанса сән дә өзүнү рәдд олунмуш һисс етмисәнсә, онда Мефибошетдән чох шеј өјрәнә биләрсән.

Мефибошет Давудун јахын досту Јонатанын оғлу иди. Јонатан дөјүшдә һәлак олмамышдан габаг, Давуддан ушагларына гаршы хејирхаһ олмағы хаһиш етмишди. Давуд падшаһ олду, илләр кечәндән сонра Јонатанын сөзләри онун јадына дүшдү. Јонатанын ушагларындан јалныз Мефибошет галмышды. О, балаҹа оланда бәдбәхт бир һадисә илә үзләшмиш вә бүтүн һәјаты бојунҹа ајагдан шикәст галмышды. Инди сән баша дүшүрсән, нәјә ҝөрә о, өзүнү рәдд едилмиш һисс едирди? ~

Давуд Јонатанын оғлуна гаршы хејирхаһлыг етмәк истәди. Буна ҝөрә дә, о, Мефибошети Јерусәлимә өз евинин јахынлығына ҝәтиздирди, она өз сүфрәсиндә јер ајырды. Һәмчинин Давуд Сива адлы адамы оғуллары вә гуллары илә бирликдә Мефибошетә хидмәтчи верди. Давуд, һәгигәтән дә, Јонатанын оғлуна гаршы бөјүк бир еһтирам ҝөстәрди. Бәс билирсән сонра нә баш верди? ~

Давудун аиләсиндә бәдбәхтлик баш верди. Онун оғулларындан бири, Авшалом атасына гаршы чыхараг падшаһ олмаг истәјирди. Давуд ҹаныны гуртармаг үчүн гачмалы олду. Ону гануни падшаһ кими гәбул едәнләр онунла ҝетдиләр. Мефибошет дә онларла ҝетмәк истәјирди, анҹаг ҝедә билмәди, чүнки ҝүҹлә јеријирди.

Онда Сива Давуда деди ки, ҝуја Мефибошет әслиндә падшаһ олмаг истәдији үчүн галыб. Давуд бу јалана инанды вә Мефибошетин бүтүн мүлкүнү Сиваја верди. Тезликлә, Давуд Авшаломла дөјүшдә галиб ҝәлди вә Јерусәлимә гајытды. Инди о, һадисәни Мефибошетин өз дилиндән ешидир вә әмр едир ки, мүлк Сива илә Мефибошет арасында бөлүнсүн. Сәнҹә, Мефибошет нә етди? ~

О, наразылығыны билдирәрәк Давудун гәрарынын әдаләтсиз олдуғуну демәди. Мефибошет баша дүшүрдү ки, сүлһ һөкм сүрмәсә, падшаһ өлкәни јахшы идарә едә билмәз. Буна ҝөрә дә о деди ки, бүтүн мүлкү Сива өзүнә ҝөтүрә биләр. Мефибошет үчүн ән әсасы Јеһова Аллаһын падшаһ тәјин етдији Давудун Јерусәлимә гајытмасы иди.

Мефибошетин һәјаты һеч дә асан олмајыб. О, тез-тез өзүнү рәдд едилмиш һисс едирди. Анҹаг Јеһова Мефибошети чох севир вә онун гајғысына галырды. Бу һадисәдән биз нә өјрәнә биләрик? ~ Дүзҝүн һәрәкәт етмиш олсаг белә, кимсә бизим һаггымызда јаланлар даныша биләр. Иса демишди: «Әҝәр дүнја сизә нифрәт едирсә, билин ки, сиздән габаг мәнә нифрәт едиб». Исаны һәтта өлдүрдүләр! Анҹаг биз әмин ола биләрик ки, доғру оланы едириксә, һәгиги Аллаһ Јеһова вә Онун оғлу Иса Мәсиһ бизи севәҹәк.

Мүгәддәс китабыныздан охујун

1 Шамуел 20:15—17, 41, 42

2 Шамуел 4:4; 9:1—10; 19:24—30

Јәһја 15:18

[Һашијә]