Ушагларынызы өјрәдин
Нә заман ојаг галмаг лазымдыр?
МӘКТӘБДӘ ојаг галмағын нә гәдәр ваҹиб олдуғу илә јәгин разылашаҹагсан. Бир чох шаҝирдләр исә дәрс вахты јатырлар, анҹаг шаҝирдин дәрсдән фајдаланмасы үчүн ојаг галмасы лазымдыр. Әҝәр сән Мүгәддәс Китабын арашдырылдығы јығынҹаг ҝөрүшләринә дә ҝедирсәнсә, бу, хүсусилә ваҹибдир.
Ојаг галмаг үчүн сән нә едә биләрсән? ~a Илк нөвбәдә, ахшам тез јатмаг лазымдыр. Ҝүнортадан сонра бир аз јатмағын да хејри ола биләр. Ҝәлин ҝөрәк, бир ахшам һәвари Павел Аллаһ һаггында данышан заман јухуја ҝедән бир ҝәнҹин башына ҝәлән һадисәдән нә өјрәнә биләрик. «Һәвариләрин ишләри» китабынын 20-ҹи фәслинин 7-дән 12-ә кими олан ајәләрини оху вә нә баш вердијини өјрән.
Павел лиман шәһәри олан Троасдакы јығынҹаға баш чәкмишди. Мүгәддәс Китабда дејилир ки, Павел ертәси ҝүн ҝәми илә јола чыхмаға һазырлашырды. «Буна ҝөрә дә топлашанларын гаршысында мәрузә илә чыхыш етди вә ҝеҹә јарысына кими данышды». Һәмчинин орада охујуруг ки, «Ефтик адлы бир ҝәнҹ пәнҹәрәдә отурмушду. Павел данышдыгҹа ону јуху басырды». Бәс сонра нә олду? ~
Ефтик пәнҹәрәдән, «үчүнҹү мәртәбәдән ашағы јыхылды». Павел вә орада оланлар пилләкәнләрлә баҹардыглары гәдәр ҹәлд гачараг өзләрини онун јанына чатдырдылар. Онлар ҝәләндә Ефтик артыг өлмүшдү! Онларын нә һалда олдугларыны тәсәввүр едирсәнми? ~ Мүгәддәс Китабда дејилир ки, Павел ону бәрк-бәрк гуҹаглады. О анда севинҹлә уҹадан гышгырыб деди: «Нараһат олмајын, һәр шеј јахшыдыр!» Аллаһ Ефтики һәјата гајтарды!
Ефтикин башына ҝәлән һадисәдән Аллаһ һаггында нә өјрәнә биләрик? ~ Һәр шејә Гадир олан Јеһова Аллаһ бүтүн өлүләри, о ҹүмләдән ушаглары дирилдә биләр. Јеһова Аллаһ сәни јахшы баша дүшүр вә севир, һәтта валидејнләриндән дә чох севир. Иса пејғәмбәр јер үзүндә оланда балаҹа ушаглары гуҹағына алмагла вә хејир-дуа вермәклә Јеһованын неҹә Аллаһ олдуғуну ҝөстәрди. О, 12 јашлы гыз да дахил олмагла, ҝәнҹләри дирилтмишди.
Аллаһын сәни севдијини билмәјин сәни нәјә тәшвиг едир? ~ Бәли, бу, бизи Јеһова Аллаһы севмәјә вә Онун сөзүнә гулаг асмаға тәшвиг едир. Бәс биз Ону севдијимизи неҹә ҝөстәрә биләрик? ~ Дуада Аллаһа Ону севдијимизи демәклә. Иса пејғәмбәр дә Аллаһы севдијини демишди. Лакин Иса Мәсиһ Аллаһы севдијини садәҹә дилдә демирди, әмәлләри илә дә ҝөстәрирди.
Иса Мәсиһ Аллаһын сөзүнә гулаг асырды. О дејирди: «Мән һәмишә Онун бәјәндији ишләри ҝөрүрәм». Јеһова Аллаһы вә Иса Мәсиһи разы салмаг истәјириксә, биз дә мәктәбдә вә јығынҹаг ҝөрүшләриндә ојаг галмаг үчүн әлимиздән ҝәләни едәҹәјик.
Өз мүгәддәс китабыныздан охујун
[Һашијә]
a Әҝәр бу мәгаләни ушагла охујурсунузса, гојулан тилда (~) ишарәси ҝөстәрир ки, пауза етмәк вә ушағы өз фикрини сөјләмәјә тәшвиг етмәк лазымдыр.