Таммүддәтли хидмәтин ҝәтирдији хејир-дуалар
1 Әҝәр ҝәнҹсәнсә, јәгин ки, ҝәләҹәјин һаггында дүшүнмүсән. Сүлејманын мәсәлләри 21:5 (МКШ) ајәсиндә дејилир: “Чалышганын нијјәти хејир ҝәтирәр”. Бәли, һәјатдакы мәгсәдләрин барәдә ҹидди дүшүнмәк фајдалыдыр. Лакин ҝәләҹәјә даир планлар гуранда, таммүддәтли хидмәти нәзәрә алмаға дәјәр. Нәјә ҝөрә?
2 Ҝәнҹ јашларында пионер кими хидмәт етмиш бөјүкләрдән тәәссүратлары барәдә соруш вә онлар сәнә һөкмән: “Бу мәним һәјатымда ән јахшы илләр олмушдур!” дејәҹәкләр. Таммүддәтли хидмәтин хејир-дуаларыны ҝәнҹ јашларындан өз үзәриндә һисс едән гардаш сонрадан белә бир нәтиҹәјә ҝәлмишдир: “Ҝеријә бојланыб, ҝәнҹ илләрә нәзәр салараг “ҝәнҹлијинин ҝүнләриндә сәни Јараданы хатырла” мәсләһәтинә риајәт етдијини ҝөрәндә, дәрин мәмнунлуг һисси дујурсан” (Ваиз 12:1). Ҝәнҹлик илләриндә буна бәнзәр хејир-дуалары дадмаг үчүн сән вә валидејнләрин һәр шеји дәриндән ҝөтүр-гој едәрәк планлашдырмалысыныз.
3 Валидејнләр, таммүддәтли хидмәтә тәшвиг един. Гајғыкеш Ата кими, Јеһова бизә, ҝедәҹәјимиз јолу ҝөстәрир (Иш. 30:21). Мәһәббәтдән ирәли ҝәләрәк белә рәһбәрлик ҝөстәрмәклә, О, сиз мәсиһчи валидејнләрә ҝөзәл нүмунә верир. Өзләри үчүн јахшы јол сечмәји ҝәнҹләрин ихтијарына бурахмаг әвәзинә, онлары мүдрикликлә Јеһованын хејир-дуасыны әлдә едәҹәкләри доғру јола өјрәдин. Онлар бөјүјән заман, сизин тә’лиминиз онлара “хејирлә шәри ајырд” етмәјә көмәк едәҹәк (Ибр. 5:14). Бөјүкләр шәхси тәҹрүбәләриндән билирләр ки, инсан өз анлајышына ҝүвәнмәмәлидир, бунун әвәзинә јолларымызы доғрулдан Јеһоваја е’тибар етмәк лазымдыр. Бу даһа чох тәҹрүбәләри аз олан ҝәнҹләрә аиддир.
4 Јенијетмәлик дөврүнә јахынлашдыгҹа, ја да бир аз еркән јашларында ушагларынызын ким олмаг истәдикләри барәдә онларла реал сөһбәт един. Тәрбијәчиләри, мүәллимләри вә һәмјашыдлары онлары дүнјәви, мадди мәгсәдләрә јөнәлдәҹәкләр. Онлара, ҝәләҹәкдә Падшаһлығын мәнафејинә е’тинасыз јанашмадан өзләринин мадди тәләбатларыны өдәјә билмәләринә көмәк едәҹәк мәктәб курслары сечмәкдә јардым един (1 Тим. 6:6-11). Әксәр һалларда, өзләрини зәрури олан һәр шејлә тә’мин етмәк вә пионер хидмәтиндә фәалијјәт ҝөстәрмәк үчүн, орта мәктәб тә’лими илә јанашы пешә тә’лими вә (јахуд) иш јериндә әлдә етдији тә’лим кифајәт едир.
5 Јенијетмә ушагларынызы субајлыг мүкафатына ҹан атмаға тәшвиг един. Әҝәр онлар сонрадан евләнмәк гәрарына ҝәлсәләр, о заман аилә мәс’улијјәтини дашымаға даһа јахшы һазыр олаҹаглар. (“Бизим Падшаһлыг Хидмәтимиз”ин 2001-ҹи ил, ијун ајы үчүн олан әлавә вәрәгәсиндәки “Өзүнү хидмәтә тәгдим етмәјә һазырсанмы?” адлы мәгаләнин 19-ҹу абзасына бах, рус.) Пионер, Бејт-Ел вә миссионер хидмәтинин, һәмчинин тәблиғчиләрин аз олдуғу әразидә хидмәт барәдә мүсбәт данышараг, лап еркән чағларындан ушагларынызда Јеһованы севиндирән, о ҹүмләдән башгаларына фајда вә өзләринә хошбәхтлик ҝәтирән һәјат сүрмәк арзусуну ојадын.
6 Ҝәнҹләр, таммүддәтли хидмәтә ҹан атын. Пионерин һәјаты нәјә бәнзәјир? Чаш-баш галмаг лазым дејил. Буну, тәдрис или әрзиндә (мүмкүн олан һалларда) вә тә’тил заманы көмәкчи пионер кими хидмәт едәрәк өз тәҹрүбәндә өјрәнә биләрсән. О заман гөрәҹәксән ки, пионер хидмәтиндә олмаг неҹә дә ләззәтдир! Јаз вә ја јај ајларындан бириндә көмәкчи пионер хидмәти планлашдыра биләрсәнми?
7 Әҝәр ҝәнҹ гардашсанса, хидмәти көмәкчи үчүн олан тәләбләрә мүвафиг олмаға ҹан атмаг барәсиндә дә ҹидди дүшүн (1 Тим. 3:8-10, 12). Һәмчинин, тәләб олунан јаша чатдыгда Бејт-Ел хидмәтинә вә ја Хидмәти Тәкмилләшдирмә Мәктәбиндә тә’лим алмаг үчүн анкет јазыб-јазмајаҹағыны да гәрара ал. Пионер хидмәтиндәки тәҹрүбән сајәсиндә гијмәтли вәрдишләр әлдә едәҹәксән, мәсәлән, графикә әсасән јашамағы, даһа мүтәшәккил вә мәс’улијјәтли олмағы, һәмчинин башгалары илә јола ҝетмәји өјрәнәҹәксән. Бүтүн бунлар сәни Аллаһын тәшкилатында әлавә мәс’улијјәтләрә һазырлајаҹаг.
8 Теократик ишләрә үрәкдән ҝөстәрилән мүнасибәт — таммүддәтли хидмәтдәки мүвәффәгијјәтин ачарыдыр. Һәвари Павел бу ҹүр дүшүнҹә тәрзинә тәшвиг едир вә онун һансы хејир-дуалара сәбәб олаҹағына ишарә едирди: “Һәр нә етсәниз... Рәбб үчүн едир кими, ҹанла-башла един. Билин ки, мүкафат олараг, Рәббдән мирас алаҹагсыныз” (Колос. 3:23, 24). Гој Јеһова сәни, таммүддәтли хидмәтдә чохлу хејир-дуаларла мүкафатландырсын!