Суаллар гутусу

◼ Мәктуб васитәсилә шаһидлик едән заман нәји јадда сахламаг лазымдыр?

Мәктуб васитәсилә шаһидлик етмәк, инсанлара хош хәбәри чатдырмаг үчүн заманын сынағындан чыхмыш үсулдур. Лакин дүнјада баш верән сон һадисәләр уҹбатындан, инсанлар намә’лум шәхсләрдән алдыглары мәктублары ачмаға еһтијат едирләр. Намә’лум мәншәли вә ја үзәриндә ҝеријә үнваны олмајан зәрфләр, хүсусән дә һәҹмли вә әл илә имзаланмыш оларларса, шүбһә ојадыр. Сакинләр белә мәктубу, һәтта охумадан туллаја биләрләр. Неҹә едәк ки, мәктубларымызы тулламасынлар?

Әҝәр мүмкүндүрсә, һәм мәктубу, һәм дә зәрфин үзәриндәки јазылары јазы макинасында чап етмәк лазымдыр. Зәрфин үзәриндә һәмин адамын ады гејд олунмалыдыр. Садәҹә олараг “мәнзилин сакининә” јазмајын. Бундан әлавә һәмишә ҝеријә үнваны да гејд един. Әҝәр шәхси үнваны гејд етмәк мәгсәдәујғун дејилсә, адыны вә Падшаһлыг Залынын үнваныны јаз. Имзасыз мәктуб јолламајын. Һеч заман филиалын үнваныны гејд етмәјин. (“Бизим Падшаһлыг Хидмәтимиз”ин 1996-ҹы ил нојабр сајында олан “Суаллар гутусу”на бахын, рус.)

Әлавә мәсләһәтләри вә мәктубун нүмунәсини “Теократик Хидмәт Мәктәбиндә тә’лим алырыг” (рус.) китабында, 71-73-ҹү сәһифәләрдә тапмаг олар. Нәзәрдән кечирдијимиз принсипләр, инсанлара хош хәбәри чатдырмаг үчүн мәктублардан сәмәрәли истифадә етмәкдә бизә көмәк едәҹәк.