Мүвәффәгијјәтлә Мүгәддәс Китаб өјрәнмәси кечир

¹ Мүгәддәс Китабы өјрәнән адам даима ирәлиләјиш етсин дејә, тәдбирли олмаг вә јахшы планлашдырма тәләб олунур. Өјрәнмәни ајдын мәгсәдлә башламаг вә кечирмәк, јә’ни өјрәнән адама Иса Мәсиһин фәал шаҝирди олмагда көмәк етмәк лазымдыр (Мат. 13:23). Буна ҝөрә дә, онлара Исанын бујурдуғу һәр шејә риајәт етмәји өјрәтмәк лазымдыр (Мат. 28:19, 20). Өјрәнәнләрә баша сал ки, Аллаһын Кәламындакы әсас биликләри әлдә етмәкдә онлара көмәк ҝөстәрмәк үчүн, өјрәнмә һәр һәфтә кечириләҹәк. Һәмчинин нәзакәтлә гејд ет ки, әлдә етдији билији һәјата кечирмәклә, өјрәнән кәсин дә өз тәрәфиндән наилијјәтләр етмәси ҝәрәкдир (Сүл. мәс. 22:17; Филип. 3:16). Бәс әсасән һансы саһәләрдә наилијјәтләр мүшаһидә едилмәлидир?

² Вахташыры тәблиғчи, Мүгәддәс Китабы өјрәнән адамын етдији наилијјәтләр үзәриндә дүшүнмәлидир. Өзүндән соруш: Һәмин адам ҝөстәрилән, лакин ситат ҝәтирилмәјән ајәләри нәзәрдән кечирәрәк, мәшғәләјә һазырлашырмы? (Һәв. иш. 17:11; 1 Салон. 2:13). Өз сөзләри илә ҹаваб верирми вә ҹавабларында, өјрәндији Мүгәддәс Китаб һәгигәтләринә ҝөрә миннәтдарлыг һисси әкс олунурму? (Сүл. мәс. 2:1-6). Мүгәддәс Китабы вә Ҹәмијјәтин нәшрләрини әлавә олараг охумаға ону тәшвиг етмәк мүнасиб олардымы? О, руһани ҹәһәтдән елә бир сәвијјәјә чатыбмы ки, Мүгәддәс Јазыларын ҝүндәлик ајәсини арашдыра билсин?

³ Онун данышығындан, әһвал-руһијјәсиндән вә давранышындан Мүгәддәс Китабын әхлаг нормаларыны гәбул етдији ҝөрүнүрмү? (1 Кор. 6:9, 10). Хүсусијјәтләриндә дәјишиклик едирми? (Ефес. 4:22-24). Мүгәддәс Китаб һәгигәтләринә ҝөрә миннәтдарлыг һисси ону тәшвиг едирми ки, өјрәндикләрини гејри-рәсми сурәтдә гоһумларына, иш јолдашлары вә гоншуларына сөјләсин? (Лука 6:45). Әҝәр онун сәһһәти вә вәзијјәти јол верирсә, јығынҹаг ҝөрүшләринә мүнтәзәм ҝәлирми? (Ибр. 10:23-25). Өјрәнән адамын бу саһәләрдә әлдә етдији наилијјәти нәзәрдән кечирмәк, онун “әкилән кәламы һәлимликлә” гәбул едиб-етмәмәсини мүәјјәнләшдирмәјә көмәк едәҹәк (Јаг. 1:21).

⁴ Сәмәрәсиз өјрәнмәни дајандырмағын јолу. Әҝәр хејли вахт әрзиндә сәбирлә көмәк етдикдән сонра, өјрәнән адам нәзәрә чарпан ирәлиләјишләр етмирсә, бәлкә вахтымызы буна ләјагәтли олан кәсләри ахтармаға сәрф етмәк даһа јахшы олар (Мат. 10:11-13). Вәзијјәтдән асылы олараг, бәлкә һәмин өјрәнмәни давам етдирмәмәк мүдриклик олар. Етдији наилијјәтә ҝөрә ев саһибини үрәкдән тә’рифлә. Лакин гејд ет ки, өјрәнилән Мүгәддәс Китаб һәгигәтләрини тәтбиг етмәк лазымдыр. Исанын әкинчи барәсиндә олан мәсәлини истифадә едәрәк, орада хатырланан дөрд торпагдан һәр бирини мүзакирә едиб ҝөстәрә биләрсән ки, һәмин мәсәл Падшаһлыг һаггындакы хәбәрә мүсбәт ҹаваб вермәјин ваҹиблијини гејд едир. Бу, өјрәнәнә көмәк едәҹәк ки, даима ирәлиләјиш етмәкдә она нәјин мане олдуғуну анласын. Нәзәринә чарпан шејләри демәјә мүнасиб мәгамлар ола биләр. Мүлајим, амма дүз вә ачыгсөзлү ол (1 Кор. 14:8, 9). Она де ки, лазыми дәјишиклији етдикдә өјрәнмә бәрпа олуна биләр. Бунунла бәрабәр, руһландырмаг үчүн, вахташыры она баш чәкәҹәксән.

⁵ Јығынҹағын саһәсиндә, әввәлләр Мүгәддәс Китабы өјрәнмиш инсанларла гаршылашдыгда, онларын нә гәдәр вахт әрзиндә вә киминлә өјрәндикләрини сорушмаг мүдриклик оларды. Өјрәнмәни нәјә ҝөрә дајандырыблар? Әҝәр һәмин адамларла әввәлләр өјрәнмә кечирән мәсиһчини таныјырсынызса, өјрәнмәни бәрпа етмәздән габаг бу мәсәләни елә онунла вә јығынҹағын хидмәти комитәсиндән олан ағсаггал илә мүзакирә етмәк јахшы оларды. Бәлкә сәнин билмәдијин амилләр вар. Бә’зи адамлар, һеч бир ирәлиләјиш етмәдән, илләр узуну ајры-ајры тәблиғчиләрлә Мүгәддәс Китабы өјрәнирләр. Биз, һәгигәтә сәмими мараг ҝөстәрән адамлара вахт ајырмалыјыг.

⁶ Мүгәддәс Китаб өјрәнмәсини дајандырмаг вә ја әввәлләр кечирилән өјрәнмәни бәрпа етмәк гәрарындан асылы олмајараг, јәгин ки, ев саһиби илә “Ҝөзәтчи Гүлләси”нин “Сән Аллаһа нә үчүн хидмәт едирсән?” (w00 15.12, рус.) вә ја “Мәнә дөнүн, мән дә сизә дөнәрәм” (w92 1.8, рус.) мәгаләләриндән мараглы фикирләри мүзакирә етмәк фајдалы оларды. Мүвәффәгијјәтли Мүгәддәс Китаб өјрәнмәси кечирмәк габилијјәтини јахылашдырмагла, чохсајлы башга инсанларын һәгигәти өјрәнмәләринә, гәбул етмәләринә вә һәјата кечирмәләринә көмәк етмәк олар. Бу, Јеһова Аллаһла хош мүнасибәтләрә, нәһајәтдә исә әбәди һәјата наил олмаға ҝәтириб чыхара биләр (Филип. 4:9; Јәһ. 17:3).