Китабөјрәнмәнин нәзарәтчиси һәр бир кәсә гајғы ҝөстәрир

¹ Јығынҹағын китабөјрәнмәси имкан јарадыр ки, ајры-ајрылыгда һәр кәсин руһани ҹәһәтдән инкишаф етмәси үчүн гајғы ҝөстәрилсин. Бунунла Јеһованын өз халгына олан мәһәббәти вә Онун сәмими гајғысы ифадә олунур (ом с. 75, русҹа; Иш. 40:11). Бу ҹүр фәрди диггәт илк өнҹә китабөјрәнмәнин нәзарәтчиси тәрәфиндән ҝөстәрилмәлидир.

² Китабөјрәнмәдә. Китабөјрәнмәләр кичик груплара бөлүнүр ки, китабөјрәнмәнин нәзарәтчиси групун һәр бир үзвүнү јахшы таныја билсин (Сүл. мәс. 27:23). Адәтән китабөјрәнмәдән әввәл вә сонра үнсијјәтдә олмаг имканы вар. Бу сәбәбдән нәзарәтчи, еһтимал ки, ај әрзиндә групун үзвләринин һамысы илә сөһбәт едә биләр. Бу, руһландырылмаға вә көмәјә еһтијаҹ дујан заман баҹы-гардашларын һәмин ағсаггала сәрбәст мүраҹиәт етмәләринә көмәк едәҹәкдир (Иш. 32:2).

³ Китабөјрәнмәнин нәзарәтчиси, өјрәнмәни меһрибанлыгла вә хејирхаһлыгла апарараг, һамыны, о ҹүмләдән ушаглары да мүзакирәдә иштирак етмәјә тәшвиг едир (1 Сал. 2:7, 8). Һәмин гардаш, ҹаваб вермәјә утанан кәсә Мүгәддәс Китабдан ајә охумаға вә мүәјјән абзаса ҹаваб вермәји әввәлҹәдән тәклиф едә биләр, јахуд да өз сөзләри илә неҹә ҹаваб вермәк лазым ҝәлдијини ҝөстәрәҹәкдир.

⁴ Әҝәр китабөјрәнмә нәзарәтчисинин көмәкчиси хидмәти көмәкчидирсә, нәзарәтчи она ики ајда бир дәфә өјрәнмә кечирмәјә имкан верир (Тит. 1:9). Беләликлә нәзарәтчи, көмәкчинин өјрәнмәни неҹә кечирдијини мүшаһидә едиб, она практики мәсләһәтләр верә биләр. Бу ҹүр ҝөзәл јенилик, һәгигәтән дә гардашлара өјрәтмәк мәһарәтини јахшылашдырмагда көмәк едәҹәкдир (Тит. 1:9).

⁵ Тәблиғ хидмәтиндә. Китабөјрәнмәнин нәзарәтчисинин вәзифәләриндән бири дә тәблиғ хидмәтиндә тәшәббүс ҝөстәрмәкдир (Сај. 27:16, 17). О, груп һалында хидмәт тәшкил едир вә групун үзвләринин һамысынын хидмәтдән севинҹ әлдә етмәләринә көмәк етмәјә чалышыр (Ефес. 4:11, 12). О, буна наил олмаг үчүн китабөјрәнмәнин һәр бир тәблиғчиси илә әмәкдашлыг етмәјә ҹан атыр. Хидмәтинин бә’зи саһәләрини јахшылашдырмаг истәјән кәсләр үчүн исә, хидмәти нәзарәтчи илә бирликдә даһа тәҹрүбәли тәблиғчиләрлә әмәкдашлыг етмәји тәшкил едир.

⁶ Севән чобан кими. Китабөјрәнмәнин нәзарәтчиси, шәраити үзүндән тәблиғ хидмәтиндә лап аз иштирак едән кәсләрлә марагланыр. О, әмин олмалыдыр ки, гоҹалыг, ағыр хәстәлик вә ја травма үзүндән имканлары һәддиндән артыг мәһдуд олан кәсләр, әҝәр ај әрзиндә бир саатдан аз тәблиғ едибләрсә, артыг тәблиғ хидмәти һаггында 15 дәгигәдән аз олмамаг шәртилә һесабат вермәк имканлары олдуғу барәдә хәбәрдар олсунлар. (Бу јенилијин кимә аид олдуғуну јығынҹағын хидмәти комитәси гәрарлашдырыр.) Бу гардаш, теократик фәалијјәтләрини бәрпа етмәкдә көмәк етмәјә чалышараг, китабөјрәнмәјә тә’јин олунмуш гејри-фәал тәблиғчиләрә дә диггәт јетирир (Лука 15:4-7).

⁷ Биз, китабөјрәнмә нәзарәтчиләринин ҝөстәрдикләри мәһәббәтә вә гајғыја ҝөрә неҹә дә миннәтдарыг! Бу ҹүр гајғы көмәк едир ки, “һамымыз иманда... бирлијә... Мәсиһин долғунлуг гамәтинин өлчүсүнә” чатаг (Ефес. 4:13).