Атасыз бөјүјән ушаглара гајғы ҝөстәрин
1 Јеһова “јетимләрин атасы”дыр (Мәз. 68:5). Јеһованын онларын рифаһы үчүн ҝөстәрдији гајғы, гәдим Исраилә вердији ганунларда әкс олунур: “Һеч бир дул гадыны вә јетими инҹитмәјәҹәксиниз. Әҝәр онлары инҹидәрсәнсә вә бир јолла мәнә фәрјад едәрләрсә, онларын фәрјадыны мүтләг ешидәҹәјәм” (Чых. 22:22, 23). Аллаһын Ганунунда, һәмчинин дулларын вә јетимләрин мадди тәләбатыны тә’мин етмәк дә нәзәрдә тутулмушду (Тәс. 24:19-21). Мәсиһчиләр дә ‘јетимләри вә дуллары онларын мәшәггәтли анларында зијарәт етмәјә’ чағырылырлар (Јаг. 1:27). Јалныз бир валидејн тәрәфиндән тәрбијә олунан вә ја фәргли дини бахышлара малик олан аиләләрдә јашајанлара Јеһованын ҝөстәрдији гајғыны неҹә тәглид едә биләрик?
2 Руһани нәсиһәт. Әҝәр ушағы тәк бөјүдүрсүнүзсә вә ја һәјат јолдашыныз иманыныза шәрик дејилсә, о заман ушагларынызла евдә мүнтәзәм олараг Мүгәддәс Китаб өјрәнмәси кечирмәк чәтин ола биләр. Лакин онлар таразлашмыш, јеткин инсанлар кими бөјүсүнләр дејә, Мүгәддәс Китабы мүнтәзәм вә кејфијјәтли сурәтдә өјрәнмәк ваҹибдир (Сүл. мәс. 22:6). Ушагларла һәр ҝүн руһани мөвзуда сөһбәтләр етмәк дә ваҹибдир (Тәс. 6:6-9). Бә’зән руһ дүшкүнлүјү кечирә биләрсиниз, лакин тәслим олмајын. Ушаглары “Рәббин тәрбијә вә нәсиһәти илә” бөјүдәркән Јеһовадан ҝүҹ вә рәһбәрлик истәјин (Ефес. 6:4).
3 Әҝәр Мүгәддәс Јазыларын үзәримизә гојдуғу вәзифәләри јеринә јетирмәкдә һансыса көмәк лазым ҝәләрсә, бу барәдә ағсаггаллара билдирин. Еһтимал ки, онлар сизә практики мәсләһәтләр верә биләҹәк вә ја руһани фәалијјәт үчүн јахшы график гурмагда аиләнизә көмәк едәҹәкләр.
4 Башгалары неҹә көмәк едә биләр? Биринҹи әсрдә јашајан мәсиһчиләрдән бири олан Тимотеј дини ҹәһәтдән фәргли бахышлара малик олан аиләдә бөјүмүш олса да, Јеһованын чалышган хидмәтчиси олду. Шүбһәсиз ки, бунда, ушаглыгдан е’тибарән Тимотејә Мүгәддәс Јазылара мәһәббәт ашыламаға чалышан анасынын вә нәнәсинин бөјүк ролу олмушдур (Һәв. иш. 16:1, 2; 2 Тим. 1:5; 3:15). Буна бахмајараг, она башга мәсиһчиләрлә, о ҹүмләдән һәвари Павеллә үнсијјәтдә олмаг да фајдалы тә’сир ҝөстәрмишдир. Павел ону “Рәббдә садиг олан оғлум Тимотеј” адландырырды (1 Кор. 4:17).
5 Буна бәнзәр тәрздә бу ҝүн руһән јеткин баҹы вә гардашларын јығынҹагда јетим бөјүјән ушаглара мәһәббәтлә гајғы ҝөстәрмәләри неҹә дә ҝөзәлдир! Бу ҹүр ушагларын һамысыны ады илә таныјырсынызмы? Онларла мәсиһчи ҝөрүшләриндә вә ја башга јерләрдә сөһбәт едирсинизми? Онлары өзүнүзлә хидмәтә дә’вәт един. Еһтимал ки, һәрдән онлары иманда олан вә ушағыны тәнһа бөјүдән валидејни илә бирликдә аиләви өјрәнмәнизә вә ја бирҝә фајдалы истираһәтә дә’вәт едә биләрсиниз. Ушаглар сизинлә достлашдыгда, нүмунәнизи даһа һәвәслә тәглид едәҹәк вә үрәкләнәҹәкләр (Филип. 2:4).
6 Јеһова “јетим” бөјүјән ушагларын рифаһы илә даһа дәриндән марагланыр, буна ҝөрә дә һәгигәти гәбул етмәкдә вә севмәкдә онлара көмәк етмәк ҹәһдимизә хејир-дуа верир. Јалныз валидејнләрдән биринин тәрбијәси алтында вә ја дини ҹәһәтдән фәргли бахышлара малик олан аиләләрдә бөјүјән ушаглардан чохуна вахты илә бу ҹүр көмәк ҝөстәрилмишдир. Инди исә онлар пионер, хидмәти көмәкчи, ағсаггал, сәјјаһ нәзарәтчи, миссионер вә ја Бејт-Ел аиләсинин үзвләри кими сәдагәтлә хидмәт едирләр. Ҝәлин сәмави Атамызы тәглид едәрәк, јетим бөјүјән ушаглара гајғы ҝөстәрмәкдә ‘үрәкләримизи ҝенишләндирәк’ (2 Кор. 6:11-13).