Јеһованын Шаһидләринин 2003-ҹү илдә кечирәҹәкләри “Аллаһа иззәт верин” адлы вилајәт конгреси

¹ Јеһова садиг пејғәмбәри Ишајанын васитәсилә ҝөстәриш верди: “Мәни јахшы динләјин, еј халгым; вә еј үммәтим, мәнә гулаг верин” (Иш. 51:4). Бу чәтин ҝүнләрдә Јеһованы динләмәјин даһа ваҹиб олдуғу илә разы дејиликми? Мәсәлән, биз Јеһованын бир јерә топлашмаг әмринә риајәт етмәклә Ону ‘динләјә’ биләрик. Тезликлә вилајәт конгресиндә бизә белә бир имкан нәсиб олаҹаг вә биз һәмин аны неҹә дә сәбирсизликлә ҝөзләјирик! Јеһованын Шаһидләринин Рәһбәрлик шурасы Русија филиалынын нәздиндә олан әразиләрдә 2003-ҹү илдә јенидән кечириләҹәк чохлу вилајәт конгресләри тәшкил етмишдир.

² “Ҝөзәтчи Гүлләси”нин 2002-ҹи ил 1 ијул сајында (рус.) гејд олунмушду ки, үзүмүзә ҝәлән ил дүнјанын бүтүн өлкәләриндән инсанларын топлашаҹаглары бејнәлхалг конгресләр кечириләҹәкдир. Бу конгресләрин сајы мәһдуд олдуғундан, орада јалныз дә’вәт алмыш јығынҹаглар иштирак едәҹәк, лакин бејнәлхалг гардашлыг әһвал-руһијјәси бүтүн вилајәт конгресләриндә һисс олунаҹагдыр. Бу конгресләрин әксәријјәтинә, бизимлә мараглы һадисәләри бөлүшәҹәк миссионерләр ҝәләҹәкләр. Јај конгресләринин програмындан неҹә там фајда әлдә етмәк олар?

³ Үч ҝүнүн һамысында иштирак ет. Садиг вә ағыллы гул синфи тәрәфиндән һазырланмыш руһани азугәләрин һамысындан дадмаг үчүн, програмын бүтүн һиссәләриндә иштирак етмәјә гәти гәрарлы олмалыјыг (Мат. 24:45). Бунун үчүн сәнә ишдән иҹазә алмаг лазымдырмы? Јерусәлимә ҝедиб, онун диварларыны бәрпа етмәк үчүн Артаксеркс падшаһдан иҹазә истәмәздән әввәл Неһемја ‘ҝөјләрин Аллаһына дуа етди’ (Неһ. 2:4). Конгресин һәр үч ҝүнү үчүн иҹазә алмагдан өтрү Јеһовадан ҹәсарәт истә. Әҝәр мүдир сәни бурахмаг истәмәсә неҹә? Она изаһ ет ки, конгресләрдә бизи доғру, чалышган, е’тибарлы ишчиләр олмаға өјрәдирләр, бәлкә бу ону иҹазә вермәјә тәшвиг етди. Бундан әлавә, әҝәр аиләнин бә’зи үзвләри сәнин иманына шәрик дејилләрсә, јахшы оларды ки, конгрес барәдә планларыны онлара габагҹадан билдирәсән.

⁴ Јер сифариш едәркән “Мәсләһәт ҝөрүлән мәнзилләрин сијаһысы”ндан истифадә ет. Сон бир нечә ај әрзиндә, мәнзил шө’бәси конгресин кечириләҹәји әразидә вилајәт конгресинә ҝәләҹәк нүмајәндәләри јерләшдирмәк үчүн мәнзил ахтарышы илә әлагәдар иш апарыр. Тезликлә сизин јығынҹаг “Мәсләһәт ҝөрүлән мәнзилләрин сијаһысы” бланкыны алаҹаг. Бу сијаһы е’ланлар лөвһәсинә асылаҹаг. Китабөјрәнмә нәзарәтчиләри өз груплары үчүн бу сијаһынын сурәтини јалныз о һалда чыхара биләрләр ки, јығынҹағын һансы вилајәт конгресинә дә’вәт олундуғу һагда мәктуб охунан һәфтәдә һәмин јығынҹаг үчүн рајон конгреси кечирилсин. Һәтта белә һалда да, ајры-ајры тәблиғчиләр үчүн “Мәсләһәт ҝөрүлән мәнзилләрин сијаһысы”нын сурәтини чыхармаг олмаз.

⁵ Мәнзил сифариш едән заман 4-ҹү сәһифәдәки графада олан ҝөстәришләрә риајәт един. Мәнзил шө’бәси, мадди имканлары мәһдуд олан тәблиғчиләр үчүн хүсуси олараг јатагханаларда вә јашамаг үчүн јарарлы олан диҝәр јерләрдә уҹуз мәнзилләрлә әлагәдар мүгавилә бағлајыр. Бу ҹүр мәнзилләрдә јашамаг баһа баша ҝәлмир, лакин бир гајда олараг, белә јерләрдә јашамаг вә јахшы истираһәт етмәк үчүн нормал шәраит јохдур.

⁶ Буну нәзәрә алараг, аиләләрин чоху вә јығынҹағын ајры-ајры үзвләри ил әрзиндә мүәјјән мәбләғи ајырыб кәнара гојурлар ки, конгрес ҝүнләриндә меһманханада отаг кирајәләјә билсинләр. Беләликлә онларын һәм хәрҹләрини өдәмәк, һәм дә конгресин һәр ҝүнүндән сонра јахшы истираһәт етмәк имканлары олур. Јашајыш шәраити конгресдә руһани гиданы мәнимсәмәјимизә вә баҹы-гардашларымызла үнсијјәтдән һәзз алмағымыза аз тә’сир ҝөстәрмир.

⁷ Мәнзил шө’бәси әризәләрдә гејд едилән тәләбатлара мүвафиг олан мәнзилләр тәгдим етмәјә чалышыр. Бу саһәдә исә, конгресә ҝәлән нүмајәндәләр үчүн өз мәнзилләрини тәгдим едән баҹы-гардашлар чох көмәклик ҝөстәрирләр. Әҝәр сиз вилајәт конгресинин кечириләҹәји шәһәрдә јашајыр вә нүмајәндәләрә өз мәнзилиниздә јер ајырмағы планлашдырырсынызса, јығынҹағын катибинин сизә верәҹәји “Мәнзилләр” (ҸО-4) бланкында бә’зи тәфсилатлары гејд етмәјә чалышын, мәсәлән: јатаг дәстләри, гида вә с. вармы?

⁸ Хүсуси тәләбатлары оланлара көмәк. Сизин јығынҹағынызда, конгресә ҝетмәк үчүн көмәјә еһтијаҹ дујан кәсләр вармы? Јашлыларын, зәифләрин вә ја таммүддәтли хидмәтдә чалышанларын гајғысына галмаг илк нөвбәдә онларын мәсиһчи гоһумларынын вәзифәсидир, лакин буна бәнзәр вәзијјәтдән хәбәри олан ағсаггаллар вә диҝәр тәблиғчиләр дә лазым олан көмәји ҝөстәрә биләрләр.

⁹ Јығынҹағын хидмәти комитәси, тәблиғчиләр тәрәфиндән долдурулмуш “Хүсуси тәләбатлы шәхсләр үчүн мәнзил сорғусу” бланкынын һамысыны нәзәрдән кечирәҹәкләр. Бланкда гејд олунан ҝөстәришләрә риајәт едәрәк хидмәти комитә ајдынлашдырмалыдыр ки, ҝөрсүн һәгигәтәнми бу бланклардакы хаһишләрин һамысыны јерли сәвијјәдә тә’мин етмәк мүмкүн олмајаҹаг? Бу ҹүр бланклар ушаглары јахшы тәрбијәли олан нүмунәви тәблиғчиләр үчүндүр. Әҝәр мәнзил шө’бәсиндә чалышан гардашларын бланкда хатырланан хүсуси тәләбатлара даир суаллары јаранарса, онлар јығынҹағын катиби илә әлагә сахлајаҹаглар.

¹⁰ Башга конгресдә олмаг. Әҝәр сәнин јығынҹағынын дә’вәт олундуғу конгресә дејил, башгасына кедәҹәксәнсә вә меһманханада јер кирәләмәк истәјирсәнсә, хаһиш олунур, јығынҹағынын катибинә мүраҹиәт ет. О сәнә, “Хүсуси тәләбатлы шәхсләр үчүн мәнзил сорғусу” бланкынын архасында дәрҹ олунан конгресләрин баш шө’бәсинин үнванларыны верәҹәкдир. Өз сорғуну мүвафиг үнвана ҝөндәр вә мәктубун ичинә үзәриндә марка вә өз үнванын олан зәрф гој. Әҝәр һәмин шәһәрдә бирдән артыг конгрес кечириләҹәксә, онда мүтләг бланкда мәһз олмаг истәдијин конгреси гејд ет. Һәмин шәһәрин мәнзил шө’бәси, орада кечирилән конгресин нүмајәндәләри үчүн мәсләһәт ҝөрүлән мәнзилләрин ән јени сијаһысыны ҝөндәрәҹәкдир.

¹¹ Биз тамаша олдуг. Инсанлар Јеһованын Шаһидләри илә башгалары арасында олан фәрги ҝөрүрләрми? Мүтләг! Бир шәһәрдә олан меһманхананын рәһбәр үзвләри бу сөзләри демишләр: “Биз һәмишә мүхтәлиф гурултајларын нүмајәндәләри илә әмәкдашлыг едирик, амма бу ҹүр мүлајим вә сәмими мүштәриләрә раст ҝәлмәмишик”. “Өтән һәфтә бизим меһманханада башга динин нүмајәндәләри јашајырдылар. Сизинлә онлар арасындакы фәрг ачыг-ајдындыр”. “Биз билирик ки, сизә бел бағламаг олар вә сиз һәвәслә әмәкдашлыг едирсиниз”. Мәҝәр “јухарыдан назил олан һикмәт”ин бизим шәхсијјәтимизә ҝөстәрдији бу ҹүр тә’сирә ҝөрә миннәтдар дејиликми? (Јаг. 3:17). Биз бу “дүнја... үчүн тамаша” олмушуг, буна ҝөрә дә гој бизим давранышымыз һәмишә Аллаһымыз Јеһованын мү­гәддәслијини вә бөјүклүјүнү әкс етдирсин (1 Кор. 4:9).

¹² “Бу дүнјанын индики сурәти кечиб ҝедир”, буна ҝөрә дә вилајәт конгресләринин диггәтимизи руһани дәјәрләрә мәркәзләшдирмәкдә бизә көмәк етмәси ваҹибдир (1 Кор. 7:31). Конгресин һәр үч ҝүнүндә иштирак етмәк үчүн сәрф етдијимиз ҹәһдләр мүтләг өдәнәҹәкдир! Шејтан дүнјасы үзәриндә Аллаһын һөкмүнүн јеринә јетмәсини ҝөзләдијимиз бир вахтда, бу илин “Аллаһа иззәт верин” адлы вилајәт конгреси ҹәсарәтимизи горујуб сахламагда бизә көмәк етмәлидир. Ҝәлин, Јеһованын бизим үчүн һазырланмыш нәсиһәтләрини әлдә етмәјә һеч нәјин мане олмасына јол вермәјәк! (Иш. 51:4, 5).

[3 сәһифәдәки чәрчивә]

Програмын вахты

Ҹүмә вә шәнбә

9:30-17:00

Базар ҝүнү

9:30-16:05

[4 сәһифәдәки чәрчивә]

Меһманханада јер сифариш етмәјин үсулу

1. Меһманханалара мүмкүн гәдәр тез вә иш вахты зәнҝ един. Меһманханаларын “Мәсләһәт ҝөрүлән мәнзилләрин сијаһысы”нда ҝөстәрилән телефон нөмрәләриндән истифадә един.

2. Меһманхана ишчиләринә билдирин ки, Јеһованын Шаһидләринин конгресинә ҝәлирсиниз.

3. Меһманханада галаҹағыныз вахты онлара билдирин.

4. Әмин олун ки, сизә “Мәсләһәт ҝөрүлән мәнзилләрин сијаһысы”нда гејд олунан гијмәтә јер верирләр. Бундан артыг гијмәтә разылашмајын.

Хаһиш олунур:

◼ “Мәсләһәт ҝөрүлән мәнзилләрин сијаһысы”нда ҝөстәрилән меһманханаларда галын.

◼ Сизә һәгигәтән дә лазым олаҹаг мәнзили сифариш един.

◼ Биринҹи сифаришинизи дәјишмәјин.

◼ Унутмајын, бүтүн хәрҹләри өзүнүз өдәмәлисиниз.

◼ Мәнзил үчүн гијмәт данышаркән “Мәсләһәт ҝөрүлән мәнзилләрин сијаһысы”нда гејд олунан гијмәтләрә әсасланын.

Хүсуси тәләбатлы шәхсләр үчүн мәнзил сорғусу бланкыны вермәјин үсулу

1. Јашајаҹағыныз мәнзил үчүн сорғуну садәҹә олараг мәктуб, телефон вә ја буна бәнзәр башга үсулла етмәјин.

2. “Хүсуси тәләбатлы шәхсләр үчүн мәнзил сорғусу” бланкыны сәлигә илә долдурун.

3. Бланкынызы, јығынҹагда мәктубла бәрабәр “Мәсләһәт ҝөрүлән мәнзилләрин сијаһысы”нын алынмасы барәдә е’лан едилән кими долдурун.

4. Сечдијиниз јашајыш јеринин саһиби илә әмәкдашлыг етмәјә, ҝүнүн ҹәдвәлинә риајәт етмәјә, тәмизлији горумаға вә с. һазыр олун.