Пионер хидмәти, Рәббин нә јахшы олдуғуну ‘дадмағын вә ҝөрмәјин’ үсулудур
1 “Пионер хидмәтинин нә гәдәр бөјүк хошбәхтлик ҝәтирдијини гијмәтләндирмәк үчүн ону сынагдан кечирмәк лазымдыр”. Узун илләр пионер хидмәтиндә чалышанлар да өз һиссләрини бу ҹүр ифадә едәрдиләр. Аллаһын бу садиг, таммүддәтли хидмәтчиләри нәјә ҝөрә пионер хидмәти һаггында бу ҹүр һәрарәтлә данышырлар? Онлар Рәббин нә јахшы олдуғуну дадмыш вә ҝөрмүшләр (Мәз. 34:8; 1 Пет. 2:3).
2 Кимләр пионер ола биләр? Бә’зиләри дүшүнүрләр ки, јалныз хүсуси тип адамлар — сағлам, гүввәли, фәрасәтли, гајнајыб-гарышан, мадди тә’минатлы адамлар пионер ола биләр, амма бу белә дејил. “Бизим Падшаһлыг Хидмәтимиз”ин 1983-ҹү ил ијул бурахылышында (инҝ.) даһа ваҹиб шејләр хатырладылыр: “Нәһајәтдә... инсанлар истәдикләри үчүн пионер олурлар” (Мат. 17:20). Онлары фәргләндирән сәҹијјәви хүсусијјәт — пионер руһудур.
3 “Пионер руһу” нәдир? Бу, тәблиғ етмәк вә шаҝирдләр һазырламаг тапшырығына мүсбәт нөгтеји-нәзәрлә јанашмаг демәкдир. Пионер руһуна малик оланлар, фәдакарлыг руһу әкс етдирәрәк, башгаларына мәһәббәтлә көмәк етмәјә тәшвиг олунурлар. Онлар Исанын нүмунәсини тәглид едәрәк һәгиги севинҹ әлдә едирләр. Онлара мадди дејил, руһани шејләр даһа чох мәмнунлуг ҝәтирир. Бу ҹүр руһа малик олан һәр бир кәс, имканы јол верән кими таммүддәтли хидмәтә башлајаҹаг.
4 Дөрд аддым. Имканларыны јохла: Һәрдән пионер ола билиб-билмәјәҹәјини сәмимијјәтлә вә дуа едәрәк өлчүб-бичмәк фајдалыдыр. Әҝәр нәтиҹәјә ҝәлсән ки, һал-һазырда бу сәнин үчүн мүмкүн дејил, нөвбәти аддыма кеч: бунун үчүн зәмин һазырла. Бу о демәкдир ки, һәјаты садәләшдирмәк лазымдыр. Бунун үчүн сәнин вахтынын чох һиссәсини алан лазымсыз ишләрдән вә һәгигәтән сәнә о дәрәҹәдә лазым олмајан әшјалардан азад олмаг лазымдыр. (Мат. 19:12, 21, 27, 29; “Бизим Падшаһлыг Хидмәтимиз”ин 1998-ҹи ил ијул сајы үчүн әлавә вәрәгә, рус.) Имкандан истифадә ет: Әҝәр фактики олараг пионер хидмәтинә башламағына мане олан һеч бир әсаслы сәбәб ҝөрмүрсәнсә, онда бу хидмәтә башла (Һәв. иш. 8:36, 38). Әввәлҹә өзүнү көмәкчи пионер хидмәтиндә јохла.
5 Пионер хидмәтинин ҝәтирдији хејир-дуалар Рәббин јахшы олдуғуну ҝөстәрир. Бир ҝәнҹ баҹы өзүнүн 9 илдән артыг давам едән пионер хидмәти барәдә хатырлајараг деди: “Јеһоваја о гәдәр јахын олурсан ки, санки О, сәнин әлиндән тутуб апарыр. [...] Пионер хидмәтиндән башга нә исә бу гәдәр севинҹ, руһани мәмнунлуг вә бу гәдәр хејир-дуалар ҝәтирә биләрми?” (Мәз. 73:23). 7 илдән артыг пионер хидмәтиндә чалышан бир әр-арвад исә дејирди: “Бизим јашда вә шәраитдә олан әр-арвад башга нә илә мәшғул ола биләр? Евдән-евә тәблиғ едәркән өзүмүз кими адамлара тез-тез раст ҝәлирик. Лакин онлар өзләринә раһат шәраит јарадыр, көкәлир, гоҹалыр вә әлдән дүшүрләр. Хидмәт бизим әгли вә физики ҹәһәтдән сағлам галмағымыза көмәк едир. Биз һәмишә бир јердәјик. Чох ҝүлүрүк вә һәјатдан зөвг алырыг”. Бәли, пионер хидмәти руһани мүвәффәгијјәтләрә наил олмаг истәјәнләрә, һәмчинин доғру мәгсәдләрлә хидмәт едәнләрә вә башгаларына көмәк етмәк истәјәнләрә чохлу хејир-дуалар ҝәтирир (Сүл. мәс. 11:25).