Тәкрар башчәкмәләр Мүгәддәс Китаб өјрәнмәси башламаға јол ачыр
1. Инсанларын јанына тәкрарән ҝәлмәк нәјә ҝөрә ваҹибдир?
1 Иса шаҝирдләринә садәҹә тәблиғ етмәји јох, тә’лим верәрәк ‘бүтүн халглар арасында шаҝирдләр һазырламағы’ тапшырмышдыр (Мат. 28:19, 20, ЈД). Тәблиғчинин тапшырығы тәблиғ етмәкдир, мүәллимдән исә даһа чох шеј ҝөзләнилир. О өјрәдир, изаһ едир вә дәлилләр ҝәтирир. Бизим тә’лим вермәк үсулларымыздан бири, мараг ҝөстәрән инсанларла Мүгәддәс Китаб өјрәнмәси башламаг үчүн онлара тәкрар баш чәкмәкдир.
2. Биз кимләрә баш чәкмәлијик?
2 Сән кимә тәкрар баш чәкмәлисән? Илк нөвбәдә, әлбәттә ки, әдәбијјат ҝөтүрән вә ја һәгигәтә, һеч олмазса бир аз мараг ҝөстәрән кәсләрә. Әҝәр гејри-рәсми сурәтдә вә ја ишҝүзар әразидә тәблиғ етдијин заман ким исә мараг ҝөстәрмишдирсә, бу марағы инкишаф етдирмәк үчүн, онун үнваныны вә ја телефон нөмрәсини алмаға чалыш. Мүгәддәс Китаб өјрәнмәси башламаға гәрарлы ол. Мүгәддәс Китабы өјрәнмәк истәјән инсанлары ахтармаға давам ет, еһтимал ки, сән онлары тапаҹагсан (Мат. 10:11).
3, 4. Башчәкмәләрин сәмәрәли олмасы үчүн нә етмәк лазымдыр?
3 Инсанлара сәмими гәлбдән мараг ҝөстәр. Тәкрар башчәкмәнин сәмәрәли олмасы үчүн, јахшы тәмәл илк сөһбәт заманы гојулур. Тәҹрүбәли тәблиғчиләр ев саһибинин нәјә мараг ҝөстәрдијини нәзәрә алыр вә буну сонракы мүзакирәләр үчүн әсас тутур. Бә’зиләри нөвбәти башчәкмә үчүн зәмин һазырламаг мәгсәдилә сөһбәтин ахырында һансыса бир суала тохунурлар. Әҝәр биз инсанларла сәмими гәлбдән марагланырыгса, һәтта сөһбәтимиздән сонра да онлар һаггында дүшүнмәјә давам едәҹәк вә чалышаҹағыг ки, јенидән онларын јанына мүмкүн гәдәр тез ҝәләк. Имкан дахилиндә чалыш ки, марагланан адамларын јанына һәлә мараглары сөнмәмиш ҝәләсән. Мисал үчүн, буну бир вә ја ики ҝүндән сонра етмәк олар.
4 Тәкрар башчәкмә заманы чалыш ки, өтән дәфә тохундуғунуз мөвзуну мүзакирә едәсән. Һәр башчәкмә заманы Мүгәддәс Китабдан, һеч олмаса бир фикри бөлүшмәји вә динләмәјә һазыр олмағы гаршына мәгсәд гој. Ев саһибини даһа јахшы танымаға чалыш вә нөвбәти башчәкмәләр заманы Аллаһын Кәламындан онун тәләбатларыны һәр шејдән јахшы тә’мин едән фикирләри онунла бөлүш.
5. Мүгәддәс Китаб өјрәнмәси башламаг үчүн һансы асан үсулдан истифадә етмәк олар?
5 Мүгәддәс Китаб өјрәнмәси башламаға гәрарлы ол. Тәкрар башчәкмәни Мүгәддәс Китаб өјрәнмәси башламаг мәгсәдилә ет. Бу мәгсәдә неҹә наил олмаг олар? Мисал үчүн, ев саһибинә онунла мараглы бир фикри бөлүшмәк истәдијини билдир вә “Билик” китабындан вә ја “Аллаһ тәләб едир” брошүрасындан сәнин фикринҹә она мараглы олаҹаг абзасы ач. Абзасы охудугдан сонра, суала диггәт јетир вә ситат ҝәтирилән ајәләрдән бир-икисини мүзакирә ет. Буну беш-он дәгигә әрзиндә гапынын ағзындаҹа етмәк олар. Сөһбәтин ахырында мүсаһибинә нөвбәти суалы вер вә ҝәлән дәфә нә вахт мүзакирә едәҹәјиниз һагда даныш.
6. Тәкрар башчәкмәнин ваҹиб олдуғуну дәрк етдијимизи неҹә ҝөстәрә биләрик?
6 Ҝөстәрилән марағы инкишаф етдирмәк чох ваҹибдир. Буна ҝөрә дә, инсанлара тәкрар баш чәкмәк үчүн, һәфтәлик ҹәдвәлиндә вахт ајыр. Онда хидмәтин даһа сәмәрәли олаҹаг вә сәнә әсл севинҹ ҝәтирәҹәк.