Аллаһын адыны инсанлара таныдын
1. Аллаһын адыны өјрәндикдә бә’зи инсанлар неҹә реаксија ҝөстәрирләр?
1 Илк дәфә Аллаһын адыны биләндә неҹә реаксија ҝөстәрмишдин? Бир чохлары, ашағадакы сөзләри дејән гадын кими реаксија ҝөстәрмишләр: “Илк дәфә Аллаһын адыны Мүгәддәс Китабда ҝөрәндә ағладым. Артыг Аллаһын шәхси адыны билмәјим вә бу ады истифадә едә биләҹәјим мәнә чох тә’сир бағышламышды”. Һәмин гадын үчүн бир шәхсијјәт кими Јеһова Аллаһла таныш оларкән, Онунла достлуғун башланғыҹында бу ады билмәк ваҹиб бир аддым иди.
2. Вахт итирмәдән Јеһова барәдә билик әлдә етмәкдә башгаларына көмәк етмәк нәјә ҝөрә белә ваҹибдир?
2 Бу ады билмәк нәјә ҝөрә ваҹибдир? Аллаһын адыны билмәк, Онун хүсусијјәтләрини, нијјәтләрини вә давраныш тәрзини билмәк демәкдир. Онун ады һәм дә хиласла бағлыдыр. Һәвари Павел јазырды: “Һәр ким Рәббин [“Јеһованын”, ЈД] адыны зикр етсә, хилас олаҹагдыр”. Сонра өзү дә суал верир ки, инсанлар иман етмәдикләри вә ешитмәдикләри “о Кимсәни неҹә чағыраҹаглар?” Буна ҝөрә дә мәсиһчиләр вахт итирмәдән, башгаларына Аллаһын адыны билмәкдә вә бу адын дашыдығы мә’наны баша дүшмәкдә көмәк етмәлидирләр (Ром. 10:13, 14). Лакин Аллаһын ады барәдә данышмағымызын башга бир ваҹиб сәбәби дә вар.
3. Тәблиғимизин әсас мәгсәди нәдир?
3 1920-ҹи илләрдә Аллаһын халгы Мүгәддәс Јазылардан, Аллаһын һөкмранлығына вә Онун адынын тәгдис едилмәсинә даир бүтүн дүнјаја тә’сир едән мүбаһисәли суал һаггында өјрәнди. Јеһова пислији арадан галдыраҹағы вә өз адыны ләкәдән тәмизләјәҹәји ҝүнә гәдәр, Онун һаггындакы һәгигәт “бүтүн дүнјада” билинмәлидир (Иш. 12:4, 5; Һез. 38:23). Буна ҝөрә дә тәблиғимизин әсас мәгсәди, Јеһованы үмумхалг гаршысында иззәтләндирмәк вә адыны бәшәријјәт гаршысында тәгдис етмәкдир (Ибр. 13:15). Аллаһа вә јахынларымыза олан мәһәббәтимиз, бизи Аллаһын әмр етдији ишдә баҹардыгҹа фәал сурәтдә иштирак етмәјә тәшвиг едәҹәкдир.
4. Нәјә ҝөрә Јеһованын Шаһидләрини Аллаһын ады илә таныјырлар?
4 “Өз ады наминә бир халг”. Биз, 1931-ҹи илдә Јеһованын Шаһидләри адыны гәбул етдик (Иш. 43:10). Һәмин вахтдан е’тибарән Аллаһын халгы Онун адыны о дәрәҹәдә танытмышдыр ки, “Тәблиғчиләр” китабынын 124-ҹү сәһифәсиндә (инҝ.) гејд олунур: “Һансы өлкәдә олмасындан асылы олмајараг, ким исә Јеһованын адыны чәкәндә, инсанлар дәрһал баша дүшүрләр ки, онларын гаршысында дуран Јеһованын Шаһидидир”. Сәнинлә дә буна бәнзәр һал баш верибми? Јеһованын јахшылығына ҝөрә олан миннәтдарлығымыз бизи, мүнасиб олан һәр бир вәзијјәтдә Онун һаггында данышараг ‘исмини тәгдис етмәјә’ тәшвиг едир (Мәз. 20:7; 145:1, 2, 7).
5. Аллаһын адыны дашымағымыз давранышымызда неҹә әкс олунур?
5 “Ады наминә бир халг” кими, биз Аллаһын нормаларына мүвафиг јашамалыјыг (Һәв. иш. 15:14; 2 Тим. 2:19). Чох вахт инсанлар, Јеһованын Шаһидләринин илк нөвбәдә нүмунәви давранышларына диггәт јетирирләр (1 Пет. 2:12). Аллаһа мәгбул принсипләри позмагла, јахуд Она ибадәти һәјатымызда икинҹи јерә чәкмәклә Онун адына ләкә ҝәтирмәк истәмирик (Лев. 22:31, 32; Мал. 1:6-8, 12-14). Әксинә, ҝәлин һәјат тәрзимизлә ҝөстәрәк ки, Аллаһын адыны дашымаг шәрәфини гијмәтләндиририк!
6. Һәм инди, һәм дә ҝәләҹәкдә һансы ҝөзәл шәрәфә лајиг ҝөрүлмүшүк?
6 Бу ҝүн, Јеһованын сөзләринин јеринә јетдијини ҝөрүрүк: “Ҝүнәшин доғдуғу јердән батдығы јерә гәдәр исмим Милләтләр арасында бөјүк олаҹаг” (Мал. 1:11). Ҝәлин Јеһова һаггындакы һәгигәти өјрәнмәкдә башгаларына көмәк етмәјә давам едәк вә Онун ‘мүгәддәс исмини даима вә әбәдијјән тәгдис едәк’ (Мәз. 145:21).