Мәсиһчиләр арасында һәгиги бирлијә наил олмаг мүмкүндүр!
1 Тәхминән 380 дилдә данышан вә 234 өлкәдән олан 6 милјондан артыг инсаны бирләшдирән нә ола биләр? Јалныз Јеһова Аллаһа ибадәт (Мика 2:12; 4:1-3). Јеһованын Шаһидләри шәхси тәҹрүбәләриндән билирләр ки, һәгиги мәсиһчи бирлији бу ҝүн реаллыгдыр. Биз ‘тәк Чобана’ малик олан ‘тәк сүрүјүк’ вә биз бу дүнјанын ихтилаф јарадан руһуна гаршы мүгавимәт ҝөстәрмәјә гәти гәрарлыјыг (Јәһ. 10:16; Ефес. 2:2).
2 Аллаһын дәјишмәз нијјәти ондан ибарәтдир ки, јаратдығы бүтүн дәрракәли варлыглар һәгиги ибадәтдә бирләшсинләр (Вәһј 5:13). Иса Мәсиһ шаҝирдләринин араларындакы бирлији горујуб сахламаларынын нә дәрәҹәдә ваҹиб олдуғуну дәрк едәрәк, бу һагда үрәкдән дуа едирди (Јәһ. 17:20, 21). Мәсиһчи јығынҹағында бирлијин олмасы үчүн бизләрдән һәр биримиз нә едә биләр?
3 Бирлијә сәбәб олан амилләр. Аллаһын Кәламы вә мүгәддәс руһу олмасајды, биз һеч заман мәсиһчи бирлијинә наил ола билмәздик. Мүгәддәс Китабдан әлдә етдијимиз биликләри тәтбиг едәрәк, Аллаһын руһунун һәјатымыза сәрбәст шәкилдә тә’сир ҝөстәрмәсинә јол вермиш олуруг, бу исә бизә “руһун вәһдәтини сүлһ бағы илә сахламаға” көмәк едир (Ефес. 4:3). Бу, бизи бир-биримизә мәһәббәтлә тәһәммүл етмәјә тәшвиг едир (Колос. 3:13, 14; 1 Пет. 4:8). Аллаһын Кәламы үзәриндә һәр ҝүн дүшүнмәклә бирлијин олмасы үчүн әлиндән ҝәләни едирсәнми?
4 Тәблиғ етмәк вә шаҝирдләр һазырламаг тапшырығы да бизи бирләшдирир. Башгалары илә ‘Мүждәјә иман үчүн јекдилликлә сә’ј ҝөстәририксә’ о заман ‘һәгигәт уғрунда һәмкар олуруг’ (Филип. 1:27; 3 Јәһ. 8). Белә олдугда мәсиһчи мәһәббәтинин бирләшдириҹи телләри даһа да мөһкәмләнир. Нәјә ҝөрә чохдан бирҝә тәблиғә ҝетмәдијин тәблиғчини бу һәфтә хидмәтә дә’вәт етмәјәсән?
5 Јеҝанә һәгиги үмумдүнја гардашлығын бир һиссәси олмаг бизим үчүн шәрәфдир! (1 Пет. 5:9). Бу јахынларда “Аллаһа иззәт верин” адлы бејнәлхалг конгресләрдә минләрлә инсанлар Аллаһын халгынын үмумдүнја бирлијини ҝөрмүшләр. Гој бизләрдән һәр биримиз бу гијмәтли бирлији һәр ҝүн Мүгәддәс Китабы охумагла, наразылыглары мәһәббәт јолу илә һәлл етмәклә вә хош хәбәри “бир ағыздан” тәблиғ етмәклә мөһкәмләндирсин! (Ром. 15:6).