Ҝөзәл көмәкчи вәсаит

Мәсиһчиләр һәр јердә хош хәбәри тәблиғ едәрәк, “халга хидмәт” едирләр (Филип. 2:17, ЈД). Интернетдә www.wатҹһтоwер.орҝ. үнванында 20 дилдә јерләшдирилмиш брошүра, трактат вә мәгаләләр бу ишдә јахшы көмәк олараг хидмәт едирләр. Бу Wеб-сајт Јеһованын Шаһидләринин сон нәшрләри әлдә едә билмәләри үчүн јарадылмајыб. Онун мәгсәди, бүтүн арзу едәнләрә Јеһованын Шаһидләринин Мүгәддәс Китаба әсасланан тә’лимләри һаггында башга инсанлара дәгиг мә’лумат чатдырмагдыр.

Бу јахынларда, бизим рәсми Wеб-сајтымыза 220-дән чох дилдә “Аллаһ биздән нә тәләб едир?” брошүрасы јерләшдирилмишдир. Һәмчинин, 2004-ҹү илин јанвар ајынын 1-дән Wеб-сајтымызын үнваны “Ҝөзәтчи Гүлләси” вә “Ојанын!” журналларынын нәшр олундуғу һәр бир дилдә, журналларын сонунҹу сәһифәсиндә чап олунаҹагдыр.

Сән бу үнвандан неҹә истифадә едә биләрсән? Ола билсин, сән һәгигәтлә марагланан адама раст ҝәлмисән, амма о, башга дилдә охујур. Әҝәр һәмин адамын Интернетә дахил олмаг имканы варса, сән она “Ҝөзәтчи Гүлләси” вә ја “Ојанын!” журналларынын сонунҹу сәһифәсиндәки үнваны ҝөстәрә биләрсән. Бу, она имкан верәҹәк ки, сән она өз дилиндә әдәбијјат ҝәтирәнә гәдәр, “Аллаһ тәләб едир” брошүрасыны ана дилиндә тапсын. Јахуд сән һәмин адамын үнваныны бу дилдә тәблиғ едән јығынҹаға вә ја група чатдыра биләрсән.

“Ҝөзәл көмәкчи вәсаит” чәрчивәсини гыса олараг шәрһ ет. Изаһ ет ки, Јеһованын Шаһидләринин Wеб-сајтындакы јенилик әсасән башга дилдә данышан инсанлар үчүн едилмишдир.