Теократик Хидмәт Мәктәби бизә фајдалы оланы өјрәдир
1 Јеһованын халгынын теократик тә’лим алмаг үчүн надир имканы вар (Иш. 54:13; Јәһ. 6:45). Лакин бу тә’лимин бизә фајда ҝәтирмәси нә дәрәҹәдә сә’ј ҝөстәрмәјимиздән асылыдыр. Теократик Хидмәт Мәктәбинин сәнә руһән инкишаф етмәкдә неҹә көмәк етдијини ҝөрүрсәнми?
2 Мүсбәт рә’јләр. Бир чох мәктәб нәзарәтчиләри гејд едирләр ки, натиглик мәһарәтинә даир дәрсләрә һәртәрәфли нәзәрдән кечирмәјин сајәсиндә јығынҹағын тәблиғ хидмәти даһа да јахшылашмышдыр. Бундан әлавә бир мәктәб нәзарәтчиси диггәт јетирмишдир ки, динләјиҹиләрин Мүгәддәс Китабдан диггәтәлајиг фикирләрин мүзакирәсиндә иштирак етмәси сајәсиндә, даһа чох баҹы вә гардашлар Мүгәддәс Китабын охунмасы ҹәдвәлинә риајәт едирләр. 2 №-ли тапшырыға даир исә бир чох гардашлар гејд етдиләр ки, ҝириш сөзләрин вә хүласәнин һазырланмасына вахт сәрф етмәдән диггәти јалныз материалын охунмасына мәркәзләшдирмәк олур, бу исә чох фајда ҝәтирир. Инди, бу тапшырығы алан гардашлар диггәтләрини даһа чох уҹадан охумаг габилијјәтләрини инкишаф етдирмәјә јөнәлдирләр (1 Тим. 4:13).
3 Һамы фајда әлдә едә биләр. Јығынҹаг ҝөрүшләриндә шәрһләр вермәклә биз чох севинҹ әлдә едирик (Сүл. мәс. 15:23). Шифаһи тәкрар үчүн суаллар габагҹадан чап едилдији үчүн биз онлара габагҹадан һазырлаша вә ҝөрүшдә мәмнунијјәтлә иштирак едә биләрик. “Ҝөзәтчи Гүлләси”нин 2004-ҹү ил 1 јанвар сајындан е’тибарән дәрҹ олунан Мүгәддәс китабдан диггәтәлајиг фикирләр рубрикасы Теократик Хидмәт Мәктәбиндә Мүгәддәс Китабын охунмасы ҹәдвәлинә мүвафигдир. Бу мәгаләләр бир чохларына Мүгәддәс китабдан диггәтәлајиг фикирләр мүзакирә олунанда инкишафетдириҹи шәрһләр вермәјә көмәк едир.
4 Мәктәбә јазыланларын һәр биринин тапшырыглары һазырламаг вә онларла чыхыш етмәк үчүн ҝөзәл имканлары вар. Мәктәбин нәзарәтчисинин тапшырыглара даир етдији тә’рифдән бизим һамымыз фајдалана биләрик. О, чыхыш едән һәр бир баҹы вә гардаша јарарлана биләҹәкләри мәсләһәтләри ҝөрүшдән сонра тәкликдә верә биләр. “Теократик Хидмәт Мәктәбиндә тә’лим алырыг” (рус.) китабынын һәр фәслинин сонунда верилән тапшырыглар да әлавә көмәкдир.
5 Ҝөрүш заманы вә ја ондан сонра диггәтини ҹәлб едән Мүгәддәс Китаб фикирләрини “Хидмәт Мәктәби” китабында гејд ет. Өјрәндијин шејләр вә Аллаһын вердији тә’лимин руһән инкишаф етмәкдә сәнә неҹә көмәк етдијинин үзәриндә дүшүн.