Аилә графики: јығынҹаг ҝөрүшләри
1 Әҝәр сиз мәсиһчи валидејнсинизсә, онда истәрдиниз ки, ушагларыныз Јеһованы севсин вә Она хидмәт етсинләр, ҝәләҹәкдә исә Аллаһын вә’д етдији јени дүнјада әбәди һәјата наил олсунлар. Јеһоваја хидмәти һәјатларында өн плана гојмагда сиз онлара неҹә көмәк едә биләрсиниз? Ән тә’сирли үсул сизин шәхси нүмунәниздир (Сүл. мәс. 20:7). Анасынын она неҹә нүмунә ҝөстәрдијини хатырлајараг бир баҹымыз демишдир: «Јығынҹаға ҝедиб-ҝетмәмәк суалы һеч заман јаранмырды». О буну индијәдәк унутмур.
2 Сизин аилә үзвләриниз јығынҹаг ҝөрүшләринин нә дәрәҹәдә ваҹиб олдуғуну дәрк едирләрми? Ҝөрүшләрдә бизи Аллаһын ирадәсини јеринә јетирмәјә тәшвиг едирләр, руһани гардашларымызла достлуғумуз исә чох гијмәтли руһландырма мәнбәјидир (Јешаја 54:13; Ром. 1:11, 12). Лакин бу ҝөрүшләрин әсас мәгсәди «ҹәмијјәтин ичиндә» Јеһованы иззәтләндирмәкдир (Мәз. 26:12). Мәсиһчи ҝөрүшләриндә Јеһоваја мәһәббәтимизи тәзаһүр етдирмәк вә Она хидмәт етмәк имканымыз вар.
3 «Диггәт верин». Әҝәр биз јығынҹаг ҝөрүшләримизин әсас мәгсәдини анлајырыгса, онда ‘диггәт верәҹәјик’ ки, әһәмијјәтсиз сәбәбләрә ҝөрә ҝөрүшләри бурахмаг вәрдишимиз јаранмасын (Ефес. 5:15, 16; Ибр. 10:24, 25). Аиләниз үчүн график тәртиб едәркән илк нөвбәдә ҝөрүшләрин вахтыны гејд един. Башга ишләрин ҝөрүшләрдә иштирак етмәјә мане олмасына јол вермәјин. Диггәт јетирин ки, ҝөрүшләрдә иштирак етмәк сизин аиләниз үчүн ән ваҹиб иш олсун.
4 Мәҝәр мүхтәлиф манеәләрә бахмајараг, јығынҹаглара вә конгресләрә ҝәлмәјә давам едән гардашларымызын нүмунәләри бизә тә’сир бағышламырмы? Сәнин шәраитин бир о гәдәр ағыр олмаса да, еһтимал ки, сән дә һәр һансы проблемләрлә гаршылашырсан. Шејтан чалышыр ки, Јеһоваја етдијимиз ибадәтдә олдугҹа чох манеәләр төрәтсин. Әмин ол ки, сәнин аиләнин бүтүн јығынҹаг ҝөрүшләриндә иштирак етмәк үчүн ҝөстәрдији сә’ј әбәс дејил. Бу, сәнин өвладларына верә биләҹәјин ән јахшы мирасдыр.