Аллаһын сөзүнү ҹәсарәтлә сөјләмәјә давам един
1 Мәсиһчи хидмәтчиләри кими, тәблиғ етдијимиз хош хәбәрә бүтүн инсанларын гулаг асмајаҹагларыны билирик (Мат. 10:14). Лакин киминсә мәнфи рә’јинин бизи хош хәбәри јајмагдан чәкиндирмәсинә јол вермирик (Сүл. мәс. 29:25). Аллаһын сөзүнү ҹәсарәтлә сөјләмәјә давам етмәкдә бизә нә көмәк едир?
2 Һәвари Павел дәрк едирди ки, ‘Мәсиһ Исаны танымаг үстүн дәјәрдир’. Бу, Павели «там бир е’тигадла» данышмаға тәшвиг едирди (Филип. 3:8; 1 Салон. 1:5). Бә’зи инсанлар Павелин тәблиғ етдији мүждәни әсассыз вә ағылсыз һесаб етсә дә, о билирди ки, хош хәбәр «иман едән һәр кәсин ...хиласы үчүн Аллаһын гүдрәтидир» (Ром. 1:16). Буна ҝөрә дә, һәтта мүгавимәтләрлә гаршылашдығы заман о ‘Рәббә архаланараг, ҹәсарәтлә данышырды’ (Һәв. иш. 14:1-7; 20:18-21, 24).
3 Гүввә мәнбәјимиз. Павелин тәблиғдә ҹәсарәтли олмасы өз гүввәси сајәсиндә дејилди. Сила вә өзү һаггында данышараг о јазмышдыр: «Габагҹа Филипидә әзаб чәкиб, тәһгир олундуғумуз һалда, биз Аллаһымыздан ҹәсарәт алдыг ки, бөјүк мүгавимәтә бахмајараг, сизә Аллаһын Мүждәсини е’лан едәк» (1 Салон. 2:2; Һәв. иш. 16:12, 37). Ромада зинданда отурдуғу заман Павел һәмиманлыларындан хаһиш етмишдир ки, онун хош хәбәри ‘лазым олдуғу кими ҹәсарәтлә јајмаға’ давам етмәси барәдә Аллаһа дуа етсинләр (Ефес. 6:18-20). О, хош хәбәри өзүнүн јох, Јеһованын гүввәсинә ҝүвәнәрәк ҹәсарәтлә тәблиғ етмәјә давам едә билди (2 Кор. 4:7; Филип. 4:13).
4 Бу ҝүн дә вәзијјәт беләдир. Бир гардаш иш јолдашларына Јеһованын Шаһиди олдуғуну демәкдә чәтинлик чәкирди. Лакин башгаларына тәблиғ етмәк үчүн о, Јеһоваја дуа етди вә дәрһал тәблиғ етмәјә башлады. Онун иш јолдашларындан бири башланғыҹда гулаг асмаг истәмирди, лакин дирилмәјә олан үмид һаггында ешидәндә о, мараг ҝөстәрди, бу исә Мүгәддәс Китаб өјрәнмәсинә ҝәтириб чыхартды. Бу һадисәдән сонра гардаш шаһидлик етмәк үчүн һәр бир имкандан истифадә едирди. Тәзә иш јериндә исә о, тәхминән 14 ил әрзиндә 34 нәфәрә вәфтиз олмагда көмәк едиб. Әмин ола биләрик ки, Јеһова Онун ‘сөзүнү там ҹәсарәтлә сөјләмәјә’ давам етмәк үчүн бизи дә мөһкәмләндирәҹәк (Һәв. иш. 4:29).