Әјани вәсаитләрдән истифадә ет
1. Јеһова Өз гәдим хидмәтчиләрини өјрәтмәк үчүн әјани вәсаитләрдән неҹә истифадә едирди вә бу онлара һансы тә’сири бағышлады?
1 Гәдим заманларда Јеһова ваҹиб мә’луматлары хидмәтчиләринә чатдырмаг үчүн вәһј вә рө’јалардан истифадә едирди. Мәсәлән, Језекелин Јеһованын сәмави арабасыны ҝөрдүјү ҝөрүнтү һаггында дүшүн (Јез. 1:1-28). Бир-бирини әвәз едән дүнја империјаларыны пејғәмбәрлик рө’јасында ҝөрән Даниелин һансы һиссләри кечирдијини тәсәввүрүнә ҝәтир (Дан. 7:1-15, 28). Һәлә һәвари Јәһјанын алдығы «Рәббин ҝүнүндә» баш верәҹәк һадисәләри ҝөстәрән һәјәҹанландырыҹы вәһји хатырла (Вәһј 1:1, 10). Јеһова парлаг бојалардан вә динамик һәрәкәтләрдән истифадә едәрәк бу пејғәмбәрләри өјрәтдији үчүн, онларын бејниндә унудулмаз тәәссүрат јаранды.
2. Башгаларына Мүгәддәс Китаб һәгигәтләрини чатдырмаг үчүн биз һансы әјани вәсаитләрдән истифадә едә биләрик?
2 Әҝәр Мүгәддәс Китаб һәгигәтләрини унудулмаз тәәссүрат ојадараг башгаларына чатдырмаг истәјириксә, биз дә, ејнилә, тә’лим верәркән видеофилмләрдән истифадә едә биләрик. Биздә мүхтәлиф мөвзулара даир видеофилмләр вар. Онлар Мүгәддәс Китаба, Јеһованын тәшкилатына, һәмчинин јеткин мәсиһчи олмағымыза көмәк едән принсипләрә е’тибарымызы артырыр. Видеофилмләрдән истифадә етмәјин бир нечә үсулуну нәзәрдән кечирәк.
3. Мүгәддәс Китаб өјрәнмәләрини Јеһованын тәшкилатына неҹә јөнәлтмәк олар?
3 Хидмәтдә. Сән һеч Мүгәддәс Китаб өјрәнмәнә бизим үмумдүнја мәсиһчи гардашлығымыз һаггында данышмысанмы? Она «Јеһованын Шаһидләри. Адына лајиг тәшкилат» (рус.) видеофилминин көмәјилә тәшкилатымызын мигјасы һагда мә’лумат вер. Филми нөвбәти мәшғәләјәдәк бахмаг үчүн она верә вә ја онунла бирҝә баха биләрсән. Сонра «Бизим Падшаһлыг Хидмәтимиз»ин 2000-ҹи ил октјабр сајында (рус.) олан суалларын көмәјилә филми бирликдә мүзакирә един.
4. Ҝәнҹ Шаһидләр мәктәбдә һансы тә’лим вәсаитләриндән истифадә едә биләрләр?
4 Ҝәнҹләр, «Јеһованын Шаһидләринин насизм гаршысында ҝөстәрдикләри мәтанәт» (рус.) вә ја «Сынаглар заманы садиг галанлар. Јеһованын Шаһидләри Совет Иттифагында» (рус.) видеофилмини синифдә нүмајиш етдирмәји мүәллиминиздән хаһиш едә биләрсиниз. Мүзакирә етмәк үчүн суаллар һазырламағы тәклиф ет вә «Бизим Падшаһлыг Хидмәтимиз»ин 2001-ҹи ил јанвар (рус.) вә 2003-ҹү ил феврал сајындакы суаллары синфә ујғунлашдыр.
5. Валидејнләр аиләви өјрәнмәдә даһа нәдән истифадә едә биләрләр?
5 Аилә үзвләрин вә достларынла. Валидејнләр, ушагларынызла сонунҹу дәфә «Ҝәнҹләрин суаллары: әсл достлары неҹә тапмаг олар?» (рус.) видеофилминә нә заман бахмысыныз? Нә үчүн нөвбәти аиләви өјрәнмәдә јенидән бу филмә бахмајасыныз? «Бизим Падшаһлыг Хидмәтимиз»ин 2004-ҹү илин сентјабр сајында (рус.) филмин ҹанлы вә ачыг мүзакирә едилмәси үчүн суаллар вардыр.
6. Достларынла неҹә руһландырыҹы вахт кечирә биләрсән?
6 Јығынҹагдакы достларындан кимисә евинә дә’вәт етмәк истәјирсәнми? «Мүгәддәс Китаб: тарихин дәгиглији, пејғәмбәрликләрин доғрулуғу» (рус.) филминә бирликдә бахмагла, хүсусән дә сонра «Бизим Падшаһлыг Хидмәтимиз»ин 2000-ҹи ил декабр сајында (рус.) дәрҹ едилмиш суалларын васитәсилә, һансы фајдалар әлдә етдијинизи мүзакирә етмәклә сиз руһландырыҹы бир ҝүн кечирәҹәксиниз.
7. Видеофилмләримизи ҝөстәрмәк үчүн сән һансы имканлардан истифадә едә биләрсән?
7 Башга имканлар. Башга һансы үсулларла сән 13 видеофилмдән (рус.) истифадә едә биләрсән? Онлардан бирини вә ја икисини мүнтәзәм олараг баш чәкдијин адама ҝөстәрмәјин онун руһани инкишафына көмәк едә биләрми? Сән ону јерли гоҹалар евиндә ҝөстәрмәји тәклиф едә биләрсәнми? Бу видеофилмләр сәнин иманына шәрик олмајан гоһумларын, гоншуларын вә иш јолдашларында хош тәәссүрат ојада биләрми? Бизим видеофилмләр тә’сирли, тә’лимвериҹи вә чох еффектли әјани вәсаитдир. Тә’лим верәркән онлардан истифадә етмәји унутма.