Инсанлара фидијә гурбанлығындан фајда әлдә етмәјә көмәк ет.
Мәсиһин өлүмүнүн Хатирә Ҝеҹәси апрелин 12-си гејд олунаҹаг
1. Аллаһын халгы фидијәјә ҝөрә миннәтдарлығыны неҹә ифадә едир?
1 «Сөзлә тәсвир едилә билмәјән һәдијјәси үчүн Аллаһа шүкүр олсун!» (2 Кор. 9:15). Бу сөзләр, Аллаһын Иса Мәсиһ васитәсилә Өз халгына ҝөстәрдији хејирхаһлығына вә мәһәббәтинә ҝөрә олан дујғуларымызы чох јахшы тәсвир едир. Апрелин 12-си Мәсиһин Хатирә Ҝеҹәсиндә топлашараг өз миннәтдарлығымызы ифадә етмәк үчүн ҝөзәл имканымыз олаҹаг.
2. Јеһованын хидмәтчиләри илә бирҝә Хатирә Ҝеҹәсиндә даһа кимләр иштирак едирләр вә фидијәдән фајда әлдә етмәк үчүн онлар нә етмәлидирләр?
2 Һәр ил он милјона јахын инсан Хатирә Ҝеҹәсиндә Јеһованын хидмәтчиләри илә бирҝә иштирак едир. Бунунла онлар да Мәсиһин гурбанлығына ҝөрә миннәтдар олдугларыны билдирирләр. Лакин фидијәдән фајда әлдә етмәк үчүн бу инсанлар она иман ҝәтирмәлидирләр (Јәһ. 3:16, 36). Онларын белә имана саһиб олмаларына биз неҹә көмәк едә биләрик? Хатирә Ҝеҹәси әрәфәсиндә онлары Мүгәддәс Китабы шәхсән өјрәнмәјә вә һәфтәлик јығынҹаг ҝөрүшләринә ҝәлмәјә тәшвиг етмәк олар. Ҝәлин ҝөрәк буну неҹә едә биләрик.
3. Хатирә Ҝеҹәсинә дә’вәт едәркән инсанларла Мүгәддәс Китаб өјрәнмәсинә неҹә башлаја биләрик?
3 Мүгәддәс Китабы өјрәнәнләр. «Билик» китабы васитәсилә Мүгәддәс Китаб өјрәнмәсинә башлајаркән, 127-ҹи сәһифәдә јерләшән 18-ҹи абзасын көмәјилә Хатирә Ҝеҹәсинин нә үчүн вә неҹә гејд едилмәсини баша сал. Бу материалы гапы ағзында кечирилән Мүгәддәс Китаб өјрәнмәси кими бир вә ја ики башчәкмә әрзиндә мүзакирә етмәк олар. Әлавә мә’лумат топламаг үчүн «Ҝөзәтчи Гүлләси»нин 2003-ҹү ил 1 март сајынын 8-11 вә 15-ҹи сәһифәләриндәки материалдан да истифадә едә биләрсән. Мүзакирәни гуртардыгдан сонра, ола билсин, инсан «Аллаһ бәшәријјәтин хиласы үчүн һансы тәдбири ҝөрдү» адланан 7-ҹи фәсли мүзакирә етмәк истәсин. Мүгәддәс Китаб өјрәнмәсини мүнтәзәм кечирмәјә башлајанда, китабын биринҹи фәслинә гајыт вә өјрәнмәни давам етдир.
4. Хатирә Ҝеҹәси әрәфәсиндә кимләрлә Мүгәддәс Китаб өјрәнмәсинә башлаја биләрик?
4 Бу үсулдан истифадә едәрәк киминлә Мүгәддәс Китаб өјрәнмәсинә башламаг олар? Ола билсин ки, бу мөвзу иш, мәктәб јолдашларынын вә ја гоншуларынын бә’зиләриндә мараг ојатсын. Гардашлар, јығынҹагдакы баҹыларын иманымыза шәрик олмајан һәјат јолдашлары илә Мүгәддәс Китаб өјрәнмәсинә башламаг үчүн бу үсулу тәтбиг едә биләрләр. О ҹүмләдән, өзүнүн Шаһид олмајан гоһумларыны да јаддан чыхарма. Бундан башга, әввәлләр јығынҹаг илә сых бағлы олан инсанлары да Хатирә Ҝеҹәсинә дә’вәт етмәк үчүн хүсуси сә’ј ҝөстәрмәлијик (Лука 15:3-7). Ҝәлин һамыја фидијәдән фајда әлдә етмәјә көмәк едәк.
5. Мүгәддәс Китабы өјрәнәнләри вә башга мараглананлары јығынҹағын һәфтәлик ҝөрүшләринә ҝәлмәјә неҹә тәшвиг едә биләрик?
5 Јығынҹаг ҝөрүшләри. Мүгәддәс Китабы өјрәнәнләрин вә мараглананларын бир чохунун илк дәфә ҝәлдикләри јығынҹаг ҝөрүшү мәһз Хатирә Ҝеҹәси олур. Бу сәбәбдән, онлары јығынҹағын башга ҝөрүшләринә дә ҝәлмәјә неҹә тәшвиг едә биләрик? «Бизим Падшаһлыг Хидмәтимиз»ин 2005-ҹи ил апрел сајынын 8-ҹи сәһифәсиндә буна даир нөвбәти мәсләһәтләр верилир: «Нөвбәти мә’рузәнин адыны де. “Ҝөзәтчи Гүлләси” өјрәнмәсиндә вә китабөјрәнмәдә мүзакирә олунаҹаг материалы ҝөстәр. Теократик Хидмәт Мәктәбинин вә хидмәти ҝөрүшүн неҹә кечирилдијини изаһ ет. Әҝәр Мәктәбдә чыхышын варса, ону өјрәнәнләрлә мәшг едә биләрсән. Ҝөрүшдә ешитдијин мараглы фикирләрлә бөлүш. Нәшрләримиздәки фотошәкилләрдән истифадә едәрәк, ҝөрүшләримизин неҹә кечирилдији һагда даныш. Елә илк дәрсдән өјрәнәнләри ҝөрүшләрә дә’вәт ет».
6. Сәмими гәлбли инсанлара фидијәдән фајда әлдә етмәјә һансы ики јолла көмәк едә биләрик?
6 Сәмими гәлбли инсанлар мүнтәзәм олараг Мүгәддәс Китабы өјрәнир вә јығынҹаг ҝөрүшләринә ҝәлирләрсә, онлар әксәр һалларда руһани ҹәһәтдән чох тез инкишаф едирләр. Она ҝөрә дә, ҝәлин инсанлары бу руһани тәдбирләрдән вә Аллаһын ән бөјүк һәдијјәси олан фидијәдән фајда әлдә етмәјә көмәк едәк.