Бол хејир-дуа бичмәк үчүн, јахшы вәрдишләр беҹәрин

¹ Сән тәзәҹә мәсиһчи олан заман, јәгин ки, руһани фәалијјәтини гајдаја салмаға, јә’ни Мүгәддәс Китабы өјрәнмәјә, мәсиһчи ҝөрүшләринә, тәблиғә вә дуа етмәјә лазыми диггәт јетирмәк үчүн чох чалышмалы олмусан. Јеһова сәнин сә’јләринә хејир-дуа вермиш вә сән руһани ҹәһәтдән инкишаф етмисән. Ола биләр вәфтиз олдуғун ҝүндән хејли вахт кечмишдир. Сән өз мәсиһчилик јолунун башланғыҹында олдуғу кими, инди дә руһани ишләрә кифајәт гәдәр вахт ајырырсанмы?

² Өзүнү јохла. Сәнин һәр ҝүн Мүгәддәс Китабы охумаг вәрдишин вармы? Бу бол хејир-дуа ҝәтирир (Јешуа 1:8; Мәз. 1:2, 3). Гәдим Исраилдә һәр бир падшаһ, Ганундан бир сурәт көчүрүб «өмүр боју һәр ҝүн» охумалы иди. Нә үчүн? Бунун сајәсиндә падшаһын үрәји итаәткар олур вә Јеһовадан горхмағы өјрәнирди ки, Онун әмрләриндән јајынмасын (Ганун. т. 17:18-20). Мүгәддәс Китабы һәр ҝүн охумаг инди дә бу пис вә позғун дүнјада нөгсансыз вә саф галмагда, һәмчинин тәблиғ ишинә там һазыр олмагда бизә көмәк едир (Филип. 2:15; 2 Тим. 3:17).

³ Иса өз адәти үзрә синагога ҝедирди. Орада Мүгәддәс Јазылар мүзакирә едилирди (Лука 4:16). Шүбһәсиз бу ону сынаглар вә әзаблар гаршысында мөһкәмләндирди. Јығынҹаг ҝөрүшләриндә биз руһани тә’лим алыр вә ‘мүштәрәк тәшвиг олунмагла’ чох мөһкәмләнирик (Ром. 1:12). Јығынҹагдакы гардашларымызла бирликдә олмаг, бу ахыр ҝүнләрин чәтинликләринә таб ҝәтирмәјә гүввә верир (Ибр. 10:24, 25). Јығынҹағын бүтүн ҝөрүшләриндә әввәлки кими иштирак етмәк вәрдишин вармы?

⁴ Мүгәддәс Јазыларда дејилир ки, һәвариләр «һәр ҝүн мә’бәддә вә евдән–евә» бирҝә мүждәни бәјан едирдиләр (Һәв. иш. 5:42). Әҝәр бизим һәр ҝүн тәблиғ етмәк имканымыз јохдурса, онда һәр һәфтә хидмәтә чыхмаға вәрдиш едә биләрикми? Беләликлә биз Аллаһын Кәламындан даһа мәһарәтлә истифадә едәҹәјик. Мүгәддәс Китаб һәгигәтини инсанларла бөлүшәндә мараглы, үрәкачан һадисәләрә раст ҝәләҹәјик.

⁵ Даниел пејғәмбәр Јеһоваја бүтүн өмрү боју ‘даим гуллуг етдији’ үчүн чохлу хејир-дуалар алды. Мәсәлән, онун мүнтәзәм дуа етмәк вәрдиши вар иди (Дан. 6:10, 16, 20). Биз дә мүнтәзәм олараг Јеһоваја үрәкдән дуа етсәк, О, бизә мүгәддәс руһуну верәҹәк (Лука 11:9-13). Бундан әлавә, Јеһова бизә јахынлашаҹаг вә биз Онунла сых мүнасибәтләр јарада биләҹәјик (Мәз. 25:14; Јаг. 4:8). Бундан дәјәрли нә ола биләр! Она ҝөрә дә, ҝәлин фајдалы руһани вәрдишләри сә’јлә инкишаф етдирәк, онда биз Јеһованын бол хејир-дуаларыны бичәҹәјик.

[Өјрәнилмә үчүн олан суаллар]

 1. Нә үчүн өз руһани ишләринин графикинә диггәт јетирмәк лазымдыр?

 2. Мүгәддәс Китабы ҝүндәлик охумаг бизә нәдә көмәк едир?

 3. Јығынҹаг ҝөрүшләриндә мүнтәзәм иштирак едәндә һансы бәһрәләри бичирик?

 4. Һәр һәфтә тәблиғ етмәк бизә һансы фајданы ҝәтирәҹәк?

 5. Нә үчүн Јеһоваја мүнтәзәм дуа етмәк ваҹибдир?